VVIPಗಳಿಗೆ 2 ವಿಮಾನಗಳ ಖರೀದಿಗೆ ಸರ್ಕಾರ ನಿರ್ಧಾರ; ಬಜೆಟ್‌ನಲ್ಲಿ 1084 ಕೋಟಿ ರೂ. ಪ್ರಸ್ತಾವನೆ

ನವದೆಹಲಿ: ಕೇಂದ್ರ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಅವರು 2019-20ರ ಪ್ರಸ್ತಾವಿತ ಸಾಮಾನ್ಯ ಬಜೆಟ್‌ನಲ್ಲಿ ವಿವಿಐಪಿಗಳಿಗೆ ಎರಡು ವಿಮಾನಗಳನ್ನು ಖರೀದಿಸಲು ಸರ್ಕಾರ ನಿರ್ಧರಿಸಿದೆ ಎಂದು ತಿಳಿಸಿದ್ದು, ಈ ವಿಮಾನಗಳ ಖರೀದಿಗೆ ಹಣಕಾಸು ಸಚಿವಾಲಯ ಒಟ್ಟು 1084 ಕೋಟಿ ರೂ. ಈ ಮೊತ್ತವನ್ನು ಕೇಂದ್ರ ನಾಗರಿಕ ವಿಮಾನಯಾನ ಸಚಿವಾಲಯಕ್ಕೆ ನೀಡುವ ಪ್ರಸ್ತಾವನೆಯನ್ನು ಹಣಕಾಸು ಸಚಿವಾಲಯ ಮಂಡಿಸಿದೆ. 

ವಿತ್ತ ಸಚಿವೆ ನಿರ್ಮಲಾ ಸೀತಾರಾಮನ್ ಅವರು ಇಂದು ಮಂಡಿಸಿದ ಬಜೆಟ್‌ನಲ್ಲಿ ವಿಶೇಷ ಪ್ರತ್ಯೇಕ ವಿಮಾನ ಹಾರಾಟ ಕಾರ್ಯಾಚರಣೆಗಾಗಿ ಕೇಂದ್ರ ಸರ್ಕಾರ ಎರಡು ವಿಮಾನಗಳನ್ನು ಖರೀದಿಸಲಿದೆ ಎಂದು ಹೇಳಿದ್ದಾರೆ. 2018-19ರ ಕೊನೆಯ ಬಜೆಟ್‌ನಲ್ಲಿ ಈ ಎರಡೂ ವಿಮಾನಗಳಿಗೆ ಹಣಕಾಸು ಸಚಿವಾಲಯ ಹಣ ಬಿಡುಗಡೆ ಮಾಡಿತ್ತು. ಅಲ್ಲದೆ, ಕಳೆದ ಬಜೆಟ್ ನಲ್ಲಿ ಈ ವಿಮಾನಗಳ ನಿರ್ವಹಣೆಗಾಗಿ ಕೇಂದ್ರ ಸರ್ಕಾರ ಒಟ್ಟು 4,669 ಕೋಟಿ ರೂ. ವೆಚ್ಚ ಮಾಡಿತ್ತು. 

ಬಜೆಟ್ ದಾಖಲೆಗಳ ಪ್ರಕಾರ, 2018-19ರ ಪರಿಷ್ಕೃತ ಬಜೆಟ್‌ನಲ್ಲಿ ಈ ಮೊತ್ತವನ್ನು 3,549 ಕೋಟಿ ರೂ.ಗೆ ಇಳಿಸಲಾಗಿದೆ. ಈ ಎರಡೂ ವಿಮಾನಗಳಿಗೆ ಸರ್ಕಾರ ಮತ್ತೆ 1084 ಕೋಟಿ ರೂ.ಗಳ ಬಿಡುಗಡೆಗೆ ಅವಕಾಶ ಕಲ್ಪಿಸಿದೆ. ಈ ಹಿಂದೆ ವಿಶೇಷ ವಿಮಾನಗಳ ಖರೀದಿಗಾಗಿ ಕೇಂದ್ರ ಸರ್ಕಾರ ಬೋಯಿಂಗ್‌ನ 777-300ER ವಿಮಾನವನ್ನು ಆಯ್ಕೆ ಮಾಡಿತ್ತು.