ನಾವು 200 ಉಗ್ರರನ್ನು ಕೊಂದರೆ, ಪಾಕಿಸ್ತಾನದಿಂದ ಅಷ್ಟೇ ಉಗ್ರರು ಬರುತ್ತಾರೆ- ಜಮ್ಮು-ಕಾಶ್ಮೀರ ಸಿಎಂ ಮೆಹಬೂಬ ಮುಫ್ತಿ

ಪಣಜಿ: ಜಮ್ಮು ಮತ್ತು ಕಾಶ್ಮೀರದ ರಾಜಕೀಯ ಪ್ರಕ್ರಿಯೆಗೆ ಒಂದು "ಚಿಕಿತ್ಸೆ ಸ್ಪರ್ಶ" ನೀತಿಯ ಅಗತ್ಯವಿದೆ ಎಂದು ರಾಜ್ಯದ ಮುಖ್ಯಮಂತ್ರಿ ಮೆಹಬೂಬಾ ಮುಫ್ತಿ ಹೇಳಿದ್ದಾರೆ.

ಕೇವಲ ಭಯೋತ್ಪಾದಕರನ್ನು ನಿರ್ಮೂಲನೆ ಮಾಡುವುದರಿಂದ ರಾಜ್ಯದ ಸಮಸ್ಯೆಗಳು ಬಗೆಹರಿಯುವುದಿಲ್ಲ. ಉಗ್ರಗಾಮಿತ್ವ, ಹೋರಾಟ, ಗಲಭೆಗಳು ಸೇರಿದಂತೆ ಇತ್ಯಾದಿ ವಿಚಾರಗಳಲ್ಲಿ ಬದಲಾವಣೆ ತರಬೇಕೆಂದು ಮುಫ್ತಿ ಕರೆ ನೀಡಿದ್ದಾರೆ. 

"ಸೈನ್ಯ ಮತ್ತು ಇತರ ಭದ್ರತಾ ಪಡೆಗಳಲ್ಲಿರುವವರು ತಮ್ಮ ಕೆಲಸವನ್ನು ಬಹಳ ಚೆನ್ನಾಗಿ ನಿಭಾಯಿಸುತ್ತಿರುವುದಾಗಿ ಭಾವಿಸುತ್ತಾರೆ. ಆದರೆ ರಾಜಕೀಯ ಪ್ರಕ್ರಿಯೆಗೆ ಒಂದು "ಚಿಕಿತ್ಸೆ ಸ್ಪರ್ಶ" ನೀತಿಯ ಅಗತ್ಯವಿದೆ ಎಂದು ಮುಫ್ತಿ ಹೇಳಿದ್ದಾರೆ.

ಇಂಡಿಯಾ ಫೌಂಡೆಶನ್ ಶುಕ್ರವಾರ ಸಂಜೆ ಆಯೋಜಿಸಿದ್ದ `ಇಂಡಿಯಾ ಐಡಿಯಾಸ್ ಕಾನ್ಕ್ಲೇವ್ 2017' ಸಂವಾದ ಕಾರ್ಯಕ್ರಮದಲ್ಲಿ ಮಾತನಾಡಿದ ಮುಫ್ತಿ ಅವರು, "ಭದ್ರತಾ ಪಡೆಗಳು ಅನುಕೂಲಕರವಾದ ವಾತಾವರಣವನ್ನು ಸೃಷ್ಟಿಸಿದ್ದಾರೆ, ಅವರು ತಮ್ಮ ಕೆಲಸವನ್ನು ಮಾಡುತ್ತಿದ್ದಾರೆ ಮತ್ತು ಪೊಲೀಸರು ಮತ್ತು ಭದ್ರತಾ ಪಡೆಗಳ ನಡುವೆ ಸಾಮಾನ್ಯ ಉದ್ದೇಶಗಳಿದ್ದರೂ, ಏಕಾಂಗಿಯಾಗಿ ಏನನ್ನೂ ಮಾಡಲಾಗುವುದಿಲ್ಲ'' ಎಂದರು.

"ನಾವು ಮೊದಲು ಚಿಕಿತ್ಸಾ ಸ್ಪರ್ಶ ನೀತಿಯನ್ನು ಹೊಂದಬೇಕು, ಹಾಗೆಂದು ನಾವು ಮೃದು ಎಂದು ಅರ್ಥವಲ್ಲ .. ಒಂದುವೇಳೆ ನಾಳೆ ನ್ಯಾಯಾಲಯವು (ಕಠಿಣವಾದ ಪ್ರತ್ಯೇಕತಾವಾದಿ ನಾಯಕ) ಮಸಾರಾತ್ ಆಲಮ್ಗೆ ಪ್ರಜಾಪ್ರಭುತ್ವದಲ್ಲಿ ನಡೆಯುವಂತೆ ಹೇಳಿದರೆ, ನೀವು ಏನು ಮಾಡಬಹುದು?

"ಅವರು (ಅಲಮ್) ಸುಪ್ರೀಂ ಕೋರ್ಟ್ಗೆ ಹೋದಾಗ, ಸುಪ್ರೀಂ ಕೋರ್ಟ್ ಅವನಿಗೆ ವಿರುದ್ಧವಾಗಿ ಏನೂ ಇಲ್ಲ ಎಂದು ಹೇಳಿದರೆ, ನೀವು ಅವನನ್ನು ಎಂದಿಗೂ ತಡೆಯಲಾಗುವುದಿಲ್ಲ. ಆಗ ನೀವು ಏನು ಮಾಡುತ್ತೀರಿ?" ಎಂದು ಅವರು ಪ್ರಶ್ನಿಸಿದರು. 

"ನೀವು ಇಲ್ಲ ಎಂದು ಹೇಳುತ್ತೀರಾ?... ಇಲ್ಲ, ನಿಮಗೆ ಸಾಧ್ಯವಿಲ್ಲ! ಒಬ್ಬ ವ್ಯಕ್ತಿಯ ಸಲುವಾಗಿ ಈ ಸಂಸ್ಥೆಗಳನ್ನು ನಾವು ಹಾಳುಮಾಡಲು ಸಾಧ್ಯವಿಲ್ಲ. ಏಕೆಂದರೆ ಒಬ್ಬ ವ್ಯಕ್ತಿಯಿಂದ ಹಾನಿ ಮಾಡಲು ಸಾದ್ಯವಿಲ್ಲ" ಎಂದು ಮುಫ್ತಿ ಅಭಿಪ್ರಾಯಪಟ್ಟರು.

ಜಮ್ಮು ಮತ್ತು ಕಾಶ್ಮೀರದಿಂದ ಉಗ್ರಗಾಮಿಗಳನ್ನು ಹೊರದಬ್ಬುವುದರಿಂದ ಸಮಸ್ಯೆ ಸಂಪೂರ್ಣವಾಗಿ ಬಗೆಹರಿಯುವುದಿಲ್ಲ. ಒಂದು ವೇಳೆ ನಾವು 200 ಭಯೋತ್ಪಾದಕರನ್ನು ಕೊಂದರೆ, ಪಾಕಿಸ್ತಾನದಿಂದ ಇನ್ನೂ 200 ಮಂದಿ ಬರುತ್ತಾರೆ, ಆಗ ಏನು ಮಾಡುವುದು ? ಎಂದು ಅವರು ಹೇಳಿದರು.

"ನಾವು (ಅಟಲ್ ಬಿಹಾರಿ) ವಾಜಪೇಯಿಯ ಆಡಳಿತಾವಧಿಯಲ್ಲಿ ಮಾಡಿದ್ದನ್ನು ಈಗ ಮಾಡಿದರೆ ಖಂಡಿತಾ ಪರಿಸ್ಥಿತಿ ಹತೋಟಿಗೆ ಬರುತ್ತದೆ'' ಎಂದು ಪಾಕಿಸ್ತಾನದೊಂದಿಗೆ ಮಾಜಿ ಪ್ರಧಾನಿ ಮನವಿ ಮಾಡಿದ ಶಾಂತಿ ಉಪಕ್ರಮಗಳನ್ನು ಮುಫ್ತಿ ಉಲ್ಲೇಖಿಸಿದರು. 

"ನನಗೆ, ಭಾರತ ಎಂದರೆ ಇಂದಿರಾ (ಗಾಂಧಿ), ನನಗೆ ಭಾರತ ಎಂದರೆ  ತಾಜ್ ಮಹಲ್ ... ಇಂತಹ ಚಲನಚಿತ್ರಗಳನ್ನು ನಾವು ವೀಕ್ಷಿಸುತ್ತೀವೆ. ಭಾರತವನ್ನು ಅರ್ಥಮಾಡಿಕೊಳ್ಳುವಂತಹ ನನ್ನಂತಹ (ಜಮ್ಮು ಮತ್ತು ಕಾಶ್ಮೀರದಲ್ಲಿ) ಲಕ್ಷಾಂತರ ಜನರಿದ್ದಾರೆ. ಆದರೆ, ಅವರಲ್ಲಿ ಅಲ್ಪಸಂಖ್ಯಾತರು ಇದರಲ್ಲಿ ನಂಬಿಕೆ ಹೊಂದಿಲ್ಲ" ಎಂದು ಅವರು ಹೇಳಿದರು.