ನೀವು ಇತರ ನಗರಗಳಿಗೆ ಹೋಗಬೇಕೆ? ಹಾಗಿದ್ದರೆ ಈ ನಿಯಮ ಅನುಸರಿಸಿ ತೊಂದರೆಗಳಿಂದ ಪಾರಾಗಿ

ನವದೆಹಲಿ: ಲಾಕ್‌ಡೌನ್ ಮಧ್ಯೆ, ಯಾರೇ ಆದರೂ ಒಂದು ನಗರದಿಂದ ಇನ್ನೊಂದು ನಗರಕ್ಕೆ ಅಥವಾ ಒಂದು ರಾಜ್ಯದಿಂದ ಇನ್ನೊಂದು ರಾಜ್ಯಕ್ಕೆ ಹೋಗಬೇಕಾದರೆ ಎದುರಾಗುವ ದೊಡ್ಡ ಸವಾಲು ಎಂದರೆ ಹೇಗೆ ಹೋಗುವುದು? ಎಲ್ಲಿ ಪರವಾನಗಿ ಪಡೆಯಬಹುದು? ಇದು ಎಷ್ಟು ಸಮಯ ತೆಗೆದುಕೊಳ್ಳುತ್ತದೆ? ಹೀಗೆ ಹಲವು ಪ್ರಶ್ನೆಗಳು ಉದ್ಭವಿಸುತ್ತವೆ. ಅಂತಹ ಎಲ್ಲಾ ಪ್ರಶ್ನೆಗಳಿಗೆ ಉತ್ತರಿಸುವ ಏಕೈಕ ಮಾರ್ಗವೆಂದರೆ ಇ-ಪರ್ಮಿಟ್. ಅದನ್ನು ತೆಗೆದುಕೊಳ್ಳುವಲ್ಲಿ ಯಾವುದೇ ತೊಂದರೆ ಇಲ್ಲ. ನೀವು ನಿಮ್ಮ ಜಿಲ್ಲೆ ಬಿಟ್ಟು ಬೇರೆಡೆ ತೆರಳುವಾಗ ಇ-ಪಾಸ್ (E-Pass) ತೆಗೆದುಕೊಳ್ಳುವುದು ತುಂಬಾ ಸುಲಭ.

ಪಾಸ್ಗಾಗಿ ಇಲ್ಲಿ ಅರ್ಜಿ ಸಲ್ಲಿಸಿ:
ನೀವು ಒಂದು ರಾಜ್ಯದಿಂದ ಮತ್ತೊಂದು ರಾಜ್ಯಕ್ಕೆ ಹೋಗಲು ಬಯಸಿದರೆ, ಅದರ ವಿಧಾನವು ತುಂಬಾ ಸುಲಭ. ನೀವು ಸರ್ಕಾರಿ ವೆಬ್‌ಸೈಟ್‌ನಲ್ಲಿ ಆನ್‌ಲೈನ್‌ನಲ್ಲಿ ಅರ್ಜಿ ಸಲ್ಲಿಸಬೇಕು. ಇದಕ್ಕಾಗಿ ನೀವು http://serviceonline.gov.in ಗೆ ಹೋಗಿ ಇಲ್ಲಿ ಇ-ಪರ್ಮಿಟ್‌ಗಾಗಿ ಅರ್ಜಿ ಸಲ್ಲಿಸಬೇಕು.

ಯಾರು ಪರವಾನಗಿ ಪಡೆಯಬಹುದು?
 ಒಂದು ನಗರದಿಂದ ಇನ್ನೊಂದು ನಗರಕ್ಕೆ ಅಥವಾ ಒಂದು ರಾಜ್ಯದಿಂದ ಇನ್ನೊಂದು ರಾಜ್ಯಕ್ಕೆ ಪ್ರಯಾಣಿಸಲು ಎಲ್ಲರಿಗೂ ಅನುಮತಿ ಲಭ್ಯವಿಲ್ಲ. ವಿದ್ಯಾರ್ಥಿಗಳು, ಅಗತ್ಯ ಸೇವೆ ಒದಗಿಸುವವರು, ಪ್ರವಾಸಿಗರು, ಯಾತ್ರಿಕರು, ತುರ್ತು / ವೈದ್ಯಕೀಯ ಪ್ರಯಾಣ ಮತ್ತು ಮದುವೆಗೆ ಹಾಜರಾಗುವವರಿಗೆ ಮಾತ್ರ ಸರ್ಕಾರ ಪರವಾನಗಿ ನೀಡುತ್ತಿದೆ.

ಹೇಗೆ ಅಪ್ಲೈ ಮಾಡಬೇಕು?
ಅರ್ಜಿದಾರರು ಒಂದು ಅಥವಾ ಹೆಚ್ಚಿನ ಜನರಿಗೆ ಅರ್ಜಿ ಸಲ್ಲಿಸಬಹುದು. ಆನ್‌ಲೈನ್ ಫಾರ್ಮ್ ಅನ್ನು ಸಲ್ಲಿಸುವ ಮೊದಲು, ಅಗತ್ಯವಿರುವ ಎಲ್ಲಾ ದಾಖಲೆಗಳನ್ನು ಸ್ಕ್ಯಾನ್ ಮಾಡಿ ಮತ್ತು ಇರಿಸಿ. ಇದರಲ್ಲಿ  ನಿಮ್ಮ ಆಧಾರ್ ಕಾರ್ಡ್, ವಾಹನ ಸಂಖ್ಯೆ, ಚಾಲಕ ವಿವರಗಳನ್ನು ನೀವು ಒದಗಿಸಬೇಕು. ನೀವು ಪರವಾನಗಿಗಾಗಿ ಅರ್ಜಿ ಸಲ್ಲಿಸುತ್ತಿರುವ ಕಾರಣಕ್ಕಾಗಿ ಅದನ್ನು ಸ್ಕ್ಯಾನ್ ಮಾಡಿ. ಉದಾಹರಣೆಗೆ ನೀವು ವೈದ್ಯಕೀಯ ಕಾರಣಗಳಿಗಾಗಿ ಪ್ರಯಾಣಿಸುತ್ತಿದ್ದರೆ ನೀವು ವೈದ್ಯಕೀಯ ಪ್ರಮಾಣಪತ್ರವನ್ನು ಸಲ್ಲಿಸಬೇಕಾಗುತ್ತದೆ. ನೀವು ಮದುವೆಗೆ ಹೋಗುತ್ತಿದ್ದರೆ, ನಿಮ್ಮ ಬಳಿ ವೆಡ್ಡಿಂಗ್ ಕಾರ್ಡ್ ಅಥವಾ ವಿದ್ಯಾರ್ಥಿಗಳಿದ್ದರೆ ನಿಮ್ಮ ಆಧಾರ್ ಕಾರ್ಡ್ ಅಪ್‌ಲೋಡ್ ಮಾಡಬೇಕು.

ಭದ್ರತಾ ಸಿಬ್ಬಂದಿ ಪ್ರಯಾಣದ ಸಮಯದಲ್ಲಿ ಇ-ಪರ್ಮಿಟ್ ಕೇಳಬಹುದು:
ನೀವು ಇ-ಪರ್ಮಿಟ್ ಪಡೆದ ತಕ್ಷಣ, ನೀವು ಅದರ ಬಗ್ಗೆ ಮಾಹಿತಿಯನ್ನು ವೆಬ್‌ಸೈಟ್‌ನಲ್ಲಿ ಪಡೆಯುತ್ತೀರಿ. ಪಾಸ್ ನೀಡಿದಾಗ ಅರ್ಜಿದಾರರ ಹೆಸರು, ವಿಳಾಸ, ಸಿಂಧುತ್ವ ಮತ್ತು ಕ್ಯೂಆರ್ ಕೋಡ್ ಅದರ ಮೇಲೆ ಉಳಿಯುತ್ತದೆ. ನಿಮ್ಮ ಮೊಬೈಲ್‌ಗೆ ಪರವಾನಗಿಗಳನ್ನು ಡೌನ್‌ಲೋಡ್ ಮಾಡಬಹುದು. ಭದ್ರತಾ ಸಿಬ್ಬಂದಿ ಪ್ರಯಾಣದ ಸಮಯದಲ್ಲಿ ಈ ಪರವಾನಗಿಯನ್ನು ಕೇಳಬಹುದು.