ಮುಂಬೈ: ಮಹಾರಾಷ್ಟ್ರದಲ್ಲಿ ಕಳೆದ 10 ದಿನಗಳಲ್ಲಿ ಕರೋನಾ ಪ್ರಕರಣಗಳ ಪ್ರಕರಣಗಳು ಶೀಘ್ರವಾಗಿ ಹೆಚ್ಚಾಗಿದ್ದು, ಈ ದೃಷ್ಟಿಯಿಂದ ಅನೇಕ ಜಿಲ್ಲೆಗಳಲ್ಲಿನ ಶಾಲೆಗಳು ಮತ್ತು ಕಾಲೇಜುಗಳನ್ನು ಮುಚ್ಚುವ ನಿರ್ಧಾರ ತೆಗೆದುಕೊಳ್ಳಲಾಗಿದೆ. ಏತನ್ಮಧ್ಯೆ, ಸತಾರಾ ಜಿಲ್ಲೆಯ ಪುಸೆಗಾಂವ್‌ನ ಸೇವಾಗಿರಿ ಶಾಲೆಯಲ್ಲಿ 14 ಮಕ್ಕಳಳಲ್ಲಿ ಕರೋನಾವೈರಸ್ ದೃಢಪಟ್ಟಿದೆ. ಈ ಮೊದಲು ಈ ಶಾಲೆಯ 9 ಮಕ್ಕಳಲ್ಲಿ ಕರೋನಾ ಪಾಸಿಟಿವ್ ಕಂಡು ಬಂದಿತ್ತು.


COMMERCIAL BREAK
SCROLL TO CONTINUE READING

ಹೆಚ್ಚುತ್ತಿರುವ ಪ್ರಕರಣಗಳಿಂದಾಗಿ ಶಾಲೆ ಮುಚ್ಚಲಾಗಿದೆ:
ಸತಾರಾ ಜಿಲ್ಲೆಯ ಸೇವಾಗಿರಿ ಶಾಲೆಯಲ್ಲಿ 14 ಮಕ್ಕಳಲ್ಲಿ ಕರೋನಾ ಪಾಸಿಟಿವ್ (Corona Positive) ಕಂಡುಬಂದ ನಂತರ ಶಾಲೆಯಲ್ಲಿ ಸೋಂಕಿತ ಕೋವಿಡ್ -19 (Covid -19) ಸಂಖ್ಯೆ 23 ಕ್ಕೆ ಏರಿದೆ.  ಈ ಶಾಲೆಯಲ್ಲಿ 5 ರಿಂದ 10 ನೇ ಮಕ್ಕಳು ಅಧ್ಯಯನ ಮಾಡುತ್ತಾರೆ ಎಂಬುದು ಗಮನಾರ್ಹ ಸಂಗತಿಯಾಗಿದೆ.


ಇದನ್ನೂ ಓದಿ - Coronavirus ಪ್ರಕರಣ ಏಕಾಏಕಿ ಹೆಚ್ಚಾದ ಬೆನ್ನಲ್ಲೇ ಕೇಂದ್ರ ಸರ್ಕಾರದಿಂದ ವಿಶೇಷ ಸೂಚನೆ


ಇನ್ನು ಹಲವು ತಿಂಗಳುಗಳ ಬಳಿಕ ಇತ್ತೀಚೆಗಷ್ಟೇ ಶಾಲೆಗಳನ್ನು ತೆರೆಯಲಾಗಿತ್ತು. ಅದಾಗ್ಯೂ ರಾಜ್ಯದಲ್ಲಿ ದಿನೇ ದಿನೇ ಆತಂಕ ಸೃಷ್ಟಿಸುತ್ತಿರುವ ಮಹಾಮಾರಿ ಕರೋನಾವೈರಸ್ (Coronavirus) ಹಿನ್ನಲೆಯಲ್ಲಿ ಶಾಲೆಗಳನ್ನು ಮುಚ್ಚಲು ನಿರ್ಧರಿಸಲಾಗಿದೆ.


ಸತಾರಾ ಎಂಬ ಈ ಗ್ರಾಮದಲ್ಲಿ 200 ಪ್ರಕರಣಗಳು ವರದಿಯಾಗಿವೆ :
ಸತಾರಾದ ದಹಿವಾಡಿ ಗ್ರಾಮದಲ್ಲಿ 200 ಕರೋನವೈರಸ್ ಪ್ರಕರಣಗಳ ನಂತರ, ಇಡೀ ಗ್ರಾಮವನ್ನು ಕಂಟೈನ್‌ಮೆಂಟ್ ವಲಯವಾಗಿ (Containment Zone) ಪರಿವರ್ತಿಸಲಾಗಿದೆ ಮತ್ತು ಹಳ್ಳಿಯಿಂದ ಯಾರೊಬ್ಬರೂ ಹೊರ ಹೋಗುವುದನ್ನು ಕಟ್ಟುನಿಟ್ಟಾಗಿ ನಿಷೇಧಿಸಲಾಗಿದೆ.


ಇದನ್ನೂ ಓದಿ - Maharashtra: ಮತ್ತೆ ಕರೋನಾ ಆತಂಕ, ಪೊಲೀಸ್ ಸಿಬ್ಬಂದಿಗೂ Work from Home


ಸತಾರಾದಲ್ಲಿ ರಾತ್ರಿ ಕರ್ಫ್ಯೂ ಜಾರಿಯಲ್ಲಿದೆ ಮತ್ತು ರಾತ್ರಿ 11 ರಿಂದ ಬೆಳಿಗ್ಗೆ 6 ರವರೆಗೆ ಚಲನೆಯನ್ನು ಅನಿರ್ದಿಷ್ಟವಾಗಿ ನಿಷೇಧಿಸಲಾಗಿದೆ. ಆರೋಗ್ಯ ಇಲಾಖೆಯ ಅಂಕಿಅಂಶಗಳ ಪ್ರಕಾರ, ನಿನ್ನೆ (ಮಂಗಳವಾರ) ಸತಾರಾದಲ್ಲಿ, 201 ಹೊಸ ಕರೋನಾ ಪ್ರಕರಣಗಳು ವರದಿಯಾಗಿದ್ದರೆ, ಕೆಲವು ದಿನಗಳ ಹಿಂದೆ ದೈನಂದಿನ ಅಂಕಿ 100 ರಷ್ಟಿತ್ತು.

ಕನ್ನಡ ಭಾಷೆಯಲ್ಲಿ ಮತ್ತಷ್ಟು ಸ್ವಾರಸ್ಯಕರ ಸುದ್ದಿಗಳನ್ನು ಓದಲು ನಮ್ಮ ಝೀ ಹಿಂದೂಸ್ತಾನ್ ಕನ್ನಡ ಮೊಬೈಲ್ ಆಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3loQYe 
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.