`ಟ್ಯಾಗೋರ್ ಅವರ ನಾಡಿನಲ್ಲಿ ಎಂದಿಗೂ ದ್ವೇಷದ ರಾಜಕಾರಣ ಗೆಲ್ಲಲು ಸಾಧ್ಯವಿಲ್ಲ`

ನವದೆಹಲಿ: ಪಶ್ಚಿಮ ಬಂಗಾಳ ಮುಖ್ಯಮಂತ್ರಿ ಮಮತಾ ಬ್ಯಾನರ್ಜಿ ಮಂಗಳವಾರ (ಡಿಸೆಂಬರ್ 29) ನೊಬೆಲ್ ಪ್ರಶಸ್ತಿ ವಿಜೇತ ರವೀಂದ್ರನಾಥ ಟ್ಯಾಗೋರ್ ಅವರ ಭೂಮಿಯಲ್ಲಿ ಎಂದಿಗೂ ದ್ವೇಷ ರಾಜಕಾರಣವು ಜಾತ್ಯತೀತತೆಯ ಮೇಲೆ ಜಯಗಳಿಸಲು ಅನುಮತಿಸುವುದಿಲ್ಲ ಎಂದು ಪ್ರತಿಪಾದಿಸಿದರು.

ಬೋಲ್ಪುರದಲ್ಲಿ ನಡೆದ ರ್ಯಾಲಿಯನ್ನು ಉದ್ದೇಶಿಸಿ ಮಾತನಾಡಿದ ಮಮತಾ ಬ್ಯಾನರ್ಜಿ (Mamata Banerjee), ರಾಜ್ಯದ ಒಳಗೊಳ್ಳುವ ಸಂಸ್ಕೃತಿಯನ್ನು ನಾಶಮಾಡಲು ಪಿತೂರಿ ನಡೆಸಲಾಗುತ್ತಿದೆ ಮತ್ತು ವಿಭಜಕ ರಾಜಕೀಯದ ಬಗ್ಗೆ ಜನರು ಎಚ್ಚರಿಕೆಯಿಂದ ಇರಬೇಕು ಎಂದು ಅವರು ಹೇಳಿದರು.

ಇದನ್ನೂ ಓದಿ: 'ವಿಶ್ವವಿದ್ಯಾಲಯಗಳು ಮತ್ತು ಶಿಕ್ಷಣ ಸಂಸ್ಥೆಗಳನ್ನು ಒಡೆಯಲು ಬಿಜೆಪಿ ಪ್ರಯತ್ನಿಸುತ್ತಿದೆ'

ಈ ಹಿಂಸಾಚಾರದ ಹಾಗೂ ವಿಭಜಕ ರಾಜಕಾರಣವನ್ನು ನಿಲ್ಲಿಸಿ...ದಯವಿಟ್ಟು ನಿಮ್ಮ ಪ್ರದೇಶದ ಹೊರಗಿನವರನ್ನು ದೂರವಿಡಿ, ಅಗತ್ಯವಿದ್ದರೆ ಸ್ಥಳೀಯ ಪೊಲೀಸರಿಗೆ ತಿಳಿಸಿ. ಹೊರಗಿನಿಂದ ಕೆಲವು ಗೂಂಡಾಗಳು ನಮ್ಮ ರಾಜ್ಯಕ್ಕೆ ಬಂದರೆ ಸ್ಥಳೀಯರನ್ನು ಭಯಭೀತರಾಗಿಸಲು, ಎಲ್ಲರೂ ನಿಮ್ಮಲ್ಲಿ ಅವರ ವಿರುದ್ಧ ಒಗ್ಗೂಡಿಸಬೇಕು' ಎಂದು ಅವರು ತಿಳಿಸಿದರು.

ವಿಶ್ವ-ಭಾರತಿ ಉಪಕುಲಪತಿ ಬಿದ್ಯುತ್ ಚಕ್ರವರ್ತಿಯನ್ನು ಬಿಜೆಪಿ ವ್ಯಕ್ತಿ ಎಂದು ಬ್ರ್ಯಾಂಡಿಂಗ್ ಮಾಡಿದ ಅವರು, "ತನ್ನ ಕ್ಯಾಂಪಸ್ ಒಳಗೆ ವಿಭಜಕ ಮತ್ತು ಕೋಮುವಾದಿ ರಾಜಕಾರಣವನ್ನು ಅನುವು ಮಾಡಿಕೊಳ್ಳುವ ಮೂಲಕ ಪವಿತ್ರ ಸಂಸ್ಥೆಯ ಶ್ರೀಮಂತ ಪರಂಪರೆಯನ್ನು ನಾಶಮಾಡಲು ಯೋಜಿಸುತ್ತಿದ್ದಾರೆ" ಎಂದು ಅವರು ಹೇಳಿದರು, ಮಹಾತ್ಮ ಗಾಂಧಿ ಹಾಗೂ ದೇಶದ ಇತರ ನಾಯಕರನ್ನು ಗೌರವಿಸದವರು ಈಗ 'ಸೋನಾರ್ ಬಾಂಗ್ಲಾ' (ಸುವರ್ಣ ಬಂಗಾಳ) ನಿರ್ಮಿಸುವ ಬಗ್ಗೆ ಮಾತನಾಡುತ್ತಿದ್ದಾರೆ' ಎಂದು ಕಿಡಿ ಕಾರಿದರು.

ಇದನ್ನೂ ಓದಿ: ಬಿಜೆಪಿ ನಾಯಕತ್ವವನ್ನು ಹಿಟ್ಲರ್ ಮತ್ತು ಮುಸೊಲಿನಿಗೆ ಹೋಲಿಸಿದ ಮಮತಾ ಬ್ಯಾನರ್ಜೀ

ರವೀಂದ್ರನಾಥ ಟ್ಯಾಗೋರ್ ((Rabindranath Tagore) ಹಲವಾರು ದಶಕಗಳ ಹಿಂದೆಯೇ 'ಸೋನಾರ್ ಬಾಂಗ್ಲಾ'ವನ್ನು ನಿರ್ಮಿಸಿದ್ದಾರೆ, ನಾವು ಈಗ ಮಾಡಬೇಕಾಗಿರುವುದು ಬಿಜೆಪಿಯ ಕೋಮು ದಾಳಿಯಿಂದ ಸ್ಥಳವನ್ನು ರಕ್ಷಿಸುವುದು" ಎಂದು ಬ್ಯಾನರ್ಜಿ ಹೇಳಿದರು.

ಇಲ್ಲಿ ನಾಲ್ಕು ಕಿಲೋಮೀಟರ್ ರೋಡ್ ಶೋ ನಂತರ,  "ಟ್ಯಾಗೋರ್ ಅವರ ಸಾಂಸ್ಕೃತಿಕ ವಾಸಸ್ಥಾನವನ್ನು (ವಿಶ್ವ-ಭಾರತಿ) ನಾಶಮಾಡುವ ಪ್ರಯತ್ನಗಳನ್ನು ವಿರೋಧಿಸಬೇಕಾಗಿದೆ" ಎಂದು ಹೇಳಿದರು, "ವಿಶ್ವ-ಭಾರತಿಯಲ್ಲಿ ಕೋಮುವಾದಿ ರಾಜಕಾರಣವನ್ನು ಮುಂದುವರಿಸುವ ಪ್ರಯತ್ನಗಳು ನಡೆಯುತ್ತಿರುವುದನ್ನು ನೋಡಿದಾಗ ನನಗೆ ಕೆಟ್ಟದೆನಿಸುತ್ತದೆ. "ಅಲ್ಲಿ ವಿಸಿ ಒಬ್ಬ ಬಿಜೆಪಿ ವ್ಯಕ್ತಿ, ಅವರು ಕೋಮು ರಾಜಕೀಯವನ್ನು ಅಭ್ಯಾಸ ಮಾಡುವ ಮೂಲಕ ಈ ಸಂಸ್ಥೆಯ ಪರಂಪರೆಯನ್ನು ಕೆಡಿಸಲು ಪ್ರಯತ್ನಿಸುತ್ತಿದ್ದಾರೆ." ಎಂದು ದೂರಿದರು.

ಇದನ್ನೂ ಓದಿ: ಬಿಜೆಪಿಗೆ ಸೆಡ್ಡು ಹೊಡೆಯಲು ದೀದಿಯಿಂದ 'ಹೊಸ ಆಸ್ತ್ರ'..!

ಬಿಜೆಪಿ ಕೆಲವು ಶಾಸಕರನ್ನು ಖರೀದಿಸಬಹುದು, ಆದರೆ ಟಿಎಂಸಿ ಅಲ್ಲ: ಮಮತಾ

ಟಿಎಂಸಿಯಿಂದ ಇತ್ತೀಚಿನ ಪಕ್ಷಾಂತರಗಳ ಬಗ್ಗೆ ಮಾತನಾಡಿದ ಮಮತಾ ಬ್ಯಾನರ್ಜಿ 'ಬಿಜೆಪಿ ಕೆಲವು ಶಾಸಕರನ್ನು ಖರೀದಿಸಿರಬಹುದು", ಆದರೆ ಅದು ಎಂದಿಗೂ ತನ್ನ ಪಕ್ಷವನ್ನು ಖರೀದಿಸಲು ಸಾಧ್ಯವಿಲ್ಲ. 2021 ರ ವಿಧಾನಸಭಾ ಚುನಾವಣೆಯಲ್ಲಿ ತೃಣಮೂಲ ಕಾಂಗ್ರೆಸ್ ಗೆಲ್ಲುತ್ತದೆ ಎಂದು ಅವರು ಪುನರುಚ್ಚರಿಸಿದ್ದು, ಬಂಗಾಳದ ಜನರಿಗೆ ಮುಂದಿನ ದಾರಿ ತೋರಿಸುತ್ತದೆ ಎಂದು ಸ್ಪಷ್ಟಪಡಿಸಿದರು.