ಆರ್ಥಿಕವಾಗಿ ಅತ್ಯಂತ ವೇಗವಾಗಿ ಬೆಳೆಯುತ್ತಿರುವ ದೇಶ ಭಾರತ!

ನವದೆಹಲಿ: 2018-19 ಮತ್ತು 2019-20ರಲ್ಲಿ ಭಾರತೀಯ ಆರ್ಥಿಕತೆಯು ವೇಗವಾಗಿ ಬೆಳೆಯುತ್ತಿರುವ ಪ್ರಮುಖ ಆರ್ಥಿಕತೆಯಾಗಿದೆ ಎಂದು ಅಕ್ಟೋಬರ್ 2018 ಡೇಟಾಬೇಸ್ನ ಅಂತರರಾಷ್ಟ್ರೀಯ ಹಣಕಾಸು ನಿಧಿ ತಿಳಿಸಿದೆ. 

ರಾಜ್ಯಸಭೆಯಲ್ಲಿ ಮಂಗಳವಾರ ಪ್ರಶ್ನೆಯೊಂದಕ್ಕೆ ಲಿಖಿತ ಉತ್ತರ ನೀಡಿದ ರಾಜ್ಯ  ಹಣಕಾಸು ಸಚಿವ ಪೊನ್ ರಾಧಾಕೃಷ್ಣನ್ ಅವರು ಈ ಅಂಕಿ ಅಂಶಗಳನ್ನು ತಿಳಿಸಿದ್ದಾರೆ.

ಇದು 2018-19 ರ ಮೊದಲಾರ್ಧದಲ್ಲಿ ಶೇಕಡಾ 7.6 ಜಿಡಿಪಿ ಬೆಳವಣಿಗೆಗೆ ಕಾರಣವಾಗಿದೆ ಎಂದು ಅವರು ಹೇಳಿದರು.

ಭಾರತೀಯ ಆರ್ಥಿಕತೆಯ ಪಾಲನ್ನು (ಪ್ರಸ್ತುತ ಯುಎಸ್ ಡಾಲರ್ಗೆ ಹೋಲಿಸಿದರೆ ಭಾರತದ ಜಿಡಿಪಿಯ ಅನುಪಾತದಲ್ಲಿ ಅಂದಾಜಿಸಲಾಗಿದೆ) 2014 ರಲ್ಲಿ 2.6 ಪ್ರತಿಶತದಷ್ಟು (ವಿಶ್ವ ಅಭಿವೃದ್ಧಿ ಇಂಡಿಕೇಟರ್ಸ್ ಡೇಟಾಬೇಸ್ ಪ್ರಕಾರ) ಇದ್ದ ಜಿಡಿಪಿ 2017 ರಲ್ಲಿ 3.2 ರಷ್ಟು ಏರಿಕೆಯಾಗಿದೆ.

1960 ರಿಂದ 2013 ರ ಅವಧಿಯಲ್ಲಿ ವಿಶ್ವದ ಆರ್ಥಿಕತೆಯ ಸರಾಸರಿ ಪಾಲು 1.8 ಶೇಕಡ. 2014-15 ರಿಂದ 2017-18ರ ಅವಧಿಯಲ್ಲಿ ಭಾರತೀಯ ಆರ್ಥಿಕತೆಯ ಸರಾಸರಿ ಬೆಳವಣಿಗೆಯು 7.3 ಶೇಕಡಾ ಆಗಿದೆ. 

ಸೆಂಟ್ರಲ್ ಸ್ಟ್ಯಾಟಿಸ್ಟಿಕ್ಸ್ ಆಫೀಸ್ (ಸಿಎಸ್ಒ) ಯಿಂದ ಲಭ್ಯವಿರುವ ಅಂಕಿ-ಅಂಶಗಳ ಪ್ರಕಾರ, ತಲಾ ಆದಾಯ (ರಾಷ್ಟ್ರದ ತಲಾ ನಿವ್ವಳ ರಾಷ್ಟ್ರೀಯ ಆದಾಯದ (ಪ್ರಸ್ತುತ ಬೆಲೆಯಲ್ಲಿ) ಅಂದಾಜು 2014-15ರಲ್ಲಿ ರೂ. 86,647 ಇದ್ದದ್ದು, 2017-18ರಲ್ಲಿ 1,12,835 ಕ್ಕೆ ಏರಿಕೆಯಾಗಿದೆ. 2014-15ರಿಂದ 2017-18ರ ಅವಧಿಯಲ್ಲಿ 30.2 ಪ್ರತಿಶತದಷ್ಟು ಬೆಳವಣಿಗೆ ದಾಖಲಿಸಿದೆ ಎಂದು ರಾಧಾಕೃಷ್ಣನ್ ರಾಜ್ಯಸಭೆಗೆ ತಿಳಿಸಿದರು.