ಒಮಿಕ್ರಾನ್ ಭೀತಿಯ ನಡುವೆ ನೆಮ್ಮದಿಯ ಸುದ್ದಿ... ಭಾರತದ ಹೊಸ ಕೊರೊನಾ ಪ್ರಕರಣಗಳಲ್ಲಿ ಇಳಿಕೆ

ನವದೆಹಲಿ: ಭಾರತವು ಮಂಗಳವಾರ 5,326 ಹೊಸ ಕೊರೊನಾ (Corona) ಪ್ರಕರಣಗಳನ್ನು ದಾಖಲಿಸಿದೆ. 24 ಗಂಟೆಗಳ ಅವಧಿಯಲ್ಲಿ ಸಾವಿರಕ್ಕೂ ಹೆಚ್ಚು ಪ್ರಕರಣಗಳ ಕುಸಿತ ಕಂಡುಬಂದಿದೆ. ಸೋಮವಾರ, ದೇಶದಲ್ಲಿ 6,563 ಹೊಸ ಪ್ರಕರಣಗಳು ದಾಖಲಾಗಿದ್ದವು. ಆದರೆ ಮಂಗಳವಾರ ಈ ಸಂಖ್ಯೆಯಲ್ಲಿ ಇಳಿಕೆ ಕಂಡುಬಂದಿರುವುದು ಒಮಿಕ್ರಾನ್ (Omicron) ಭೀತಿಯ ನಡುವೆ ಕೊಂಚ ನೆಮ್ಮದಿ ತಂದಿದೆ.

ಹೆಚ್ಚು ಸಾಂಕ್ರಾಮಿಕವಾಗಿರುವ ಒಮಿಕ್ರಾನ್ ರೂಪಾಂತರದಿಂದ ದೇಶಾದ್ಯಂತ ದಾಖಲಾಗುತ್ತಿರುವ ಸೋಂಕುಗಳ ಹೆಚ್ಚಳದ ಮಧ್ಯೆ ಹೊಸ ಕೊರೊನಾ ಪ್ರಕರಣಗಳ ಸಂಖ್ಯೆಯಲ್ಲಿ ಇಳಿಕೆ (drop in fresh Covid cases) ಕಂಡುಬಂದಿದೆ. ಕೊನೆಯದಾಗಿ ಲಭ್ಯವಿರುವ ಅಂಕಿಅಂಶಗಳ ಪ್ರಕಾರ, ದೇಶವು 170 ಒಮಿಕ್ರಾನ್ ಸೊಂಕಿತರನ್ನು ಹೊಂದಿದೆ, ಅವರಲ್ಲಿ ಹೆಚ್ಚಿನವರು ಲಕ್ಷಣರಹಿತರಾಗಿದ್ದಾರೆ ಅಥವಾ ಇದುವರೆಗೆ ಸೌಮ್ಯವಾದ ರೋಗಲಕ್ಷಣಗಳನ್ನು ತೋರಿಸಿದ್ದಾರೆ.'