ಸೂರ್ಯನ ಸಂಪೂರ್ಣ ಫೋಟೋ ಕ್ಲಿಕ್ಕಿಸಿದ ಆದಿತ್ಯ L1: ಹತ್ತಿರದಿಂದ ನೋಡಿ ‘ನೇಸರ’ನ ಅಂದ-ಚಂದವ…

ISRO Spacecraft Aditya L1 Captures Sun First Pictures: ಬಾಹ್ಯಾಕಾಶದಲ್ಲಿ ಭಾರತದ ಪರಾಕ್ರಮವನ್ನು ನಿರಂತರವಾಗಿ ನೋಡಲಾಗುತ್ತಿದೆ. ಇಸ್ರೋದ ಈ ಮಹಾ ಸಾಧನೆಯಿಂದ ಇದೀಗ ಸೂರ್ಯನಿಂದ ಲಕ್ಷಾಂತರ ಕಿಲೋಮೀಟರ್ ದೂರದಲ್ಲಿ ಕುಳಿತು, ಸೂರ್ಯನ ಹತ್ತಿರದ ಚಿತ್ರಗಳನ್ನು ನೋಡಲು ಸಾಧ್ಯವಾಗಿದೆ. ಆದಿತ್ಯ-ಎಲ್1 ಬಾಹ್ಯಾಕಾಶದಿಂದ ಸೂರ್ಯನ ಅನೇಕ ಚಿತ್ರಗಳನ್ನು ಹಂಚಿಕೊಂಡಿದೆ.

ಇದನ್ನೂ ಓದಿ:  “ಮೈದಾನ ಮಾತ್ರವಲ್ಲ, ಹೆಂಡ್ತಿ ಜೊತೆನೂ ಸಖತ್ ಮ್ಯಾಚ್ ಆಡ್ತೀನಿ”- ಟೀಂ ಇಂಡಿಯಾದ ಸ್ಟಾರ್ ವೇಗಿ

ಇಸ್ರೋದ ಬಾಹ್ಯಾಕಾಶ ನೌಕೆ ಆದಿತ್ಯ-ಎಲ್1 ನೇರಳಾತೀತ ತರಂಗಾಂತರದಲ್ಲಿ ಸೂರ್ಯನ ಪೂರ್ಣ-ಡಿಸ್ಕ್ ಚಿತ್ರಗಳನ್ನು ಸೆರೆಹಿಡಿದಿದೆ. ಸೂರ್ಯನ ಈ ಚಿತ್ರಗಳನ್ನು ಆದಿತ್ಯ-L1 ಬಾಹ್ಯಾಕಾಶ ನೌಕೆಯಲ್ಲಿ ಅಳವಡಿಸಲಾಗಿರುವ ಸೌರ ನೇರಳಾತೀತ ಇಮೇಜಿಂಗ್ ಟೆಲಿಸ್ಕೋಪ್ (SUIT) ಉಪಕರಣದಿಂದ ಸೆರೆಹಿಡಿಯಲಾಗಿದೆ.

ISRO SUIT ತೆಗೆದ ಚಿತ್ರಗಳನ್ನು X ನಲ್ಲಿ ಪೋಸ್ಟ್ ಮಾಡಿದ್ದು, “SUIT ಪೇಲೋಡ್ ಸೂರ್ಯನ ಪೂರ್ಣ-ಡಿಸ್ಕ್ ಚಿತ್ರಗಳನ್ನು ನೇರಳಾತೀತ ತರಂಗಾಂತರಗಳಲ್ಲಿ ಸೆರೆಹಿಡಿದಿದೆ” ಎಂದು ಹೇಳಿದೆ.