Lok Sabha Election Result 2024: ಮುಂದಿನ ಪ್ರಧಾನಿ ನಿತೀಶ್ ಕುಮಾರ್? ಕಿಂಗ್ ಮೇಕರ್ ಆಗ್ತಾರಾ ನಿತೀಶ್ ಕುಮಾರ್..?...!

ನವದೆಹಲಿ: ಇತ್ತ ಬಿಜೆಪಿ ಮ್ಯಾಜಿಕ್ ನಂಬರ್ 272 ತಲುಪಲು ಹರಸಾಹಸ ಪಡುತ್ತಿರುವ ಬೆನ್ನಲ್ಲೇ ಸೋಶಿಯಲ್ ಮಿಡಿಯಾದಲ್ಲಿ ಮುಂದಿನ ಪ್ರಧಾನಿ ನಿತೀಶ್ ಕುಮಾರ್ ಎನ್ನುವ ಮೀಮ್ಸ್ ಗಳು ವೈರಲ್ ಆಗಿವೆ.

ಚುನಾವಣೆಗೂ ಮುನ್ನ ಅಬ್ ಕಿ ಬಾರ್ 400 ಪಾರ್ ಎನ್ನುವ ಘೋಷಣೆಯೊಂದಿಗೆ ಚುನಾವಣೆ ಎದುರಿಸಿದ್ದ ಬಿಜೆಪಿ ಬಣಕ್ಕೆ ಈಗ ತೀವ್ರ ಹಿನ್ನೆಡೆಯಾಗಿದೆ.ಬಹುತೇಕ ಮಾಧ್ಯಮಗಳ ಚುನಾವಣೋತ್ತರ ಸಮೀಕ್ಷೆಯಲ್ಲಿ 350 ಕ್ಕೂ ಅಧಿಕ ಸ್ಥಾನಗಳನ್ನು ನೀಡಿದ್ದವು. ಹೀಗಾಗಿ ಈ ಬಾರಿಯು ಬಿಜೆಪಿ ಸುಲಭ ಬಹುಮತವನ್ನು ಪಡೆಯಬಹುದು ಎನ್ನಲಾಗಿತ್ತು, ಆದರೆ ಈಗ ಆಗಿದ್ದೆ ಬೇರೆ.

ಇದನ್ನೂ ಓದಿ: Karnataka Lok Sabha Election Results 2024: ಕರ್ನಾಟಕದ 'ಲೋಕ' ಸಮರದಲ್ಲಿ ಗೆದ್ದವರು ಯಾರು ಸೋತವರು ಯಾರು?

ಸಾಮಾನ್ಯವಾಗಿ ಮೈತ್ರಿಕೂಟ ಬದಲಾಯಿಸುವುದರಲ್ಲಿ ಹೆಸರುವಾಸಿಯಾಗಿರುವ ನಿತೀಶ್ ಕುಮಾರ್ ಕುರಿತಾದ ಮೀಮ್ಸ್ ಗಳು ಸಾಮಾಜಿಕ ಮಾಧ್ಯಮಗಳಲ್ಲಿ ಹರಿದಾಡುತ್ತಿವೆ, ಬಹುತೇಕರು ಈಗ ಬಿಜೆಪಿ ಪಾಳಯವನ್ನು ತೊರೆದು ನಿತೀಶ್ ಕುಮಾರ್ ಕಾಂಗ್ರೆಸ್ ಪಕ್ಷದ ಮೈತ್ರಿಕೂಟದ ಜೊತೆ ಸೇರಿ ಪ್ರಧಾನಮಂತ್ರಿ ಹುದ್ದೆಯನ್ನು ಅಲಂಕರಿಸುತ್ತಾರೆ ಎಂದು ನೆಟ್ಟಿಗರು ವ್ಯಂಗ್ಯವಾಡಿದ್ದಾರೆ.