ಪತ್ತೆಯಾಯಿತು 70 ವರ್ಷಗಳ ಹಿಂದೆ ನಾಪತ್ತೆಯಾಗಿದ್ದ ಗ್ರಾಮ..!

ಇಟಲಿ : ಇಟಲಿಯಲ್ಲಿ ಕಾಣೆಯಾದ ಹಳ್ಳಿಯೊಂದು 70 ವರ್ಷಗಳ ನಂತರ ಪತ್ತೆಯಾಗಿದೆ. ಈ ಗ್ರಾಮವು 70 ವರ್ಷಗಳ ಹಿಂದೆ ಕಣ್ಮರೆಯಾಗಿದ್ದು, ಒಂದು ಸರೋವರದ ದಡದಲ್ಲಿ ಪತ್ತೆಯಾಗಿದೆ.  ಸುಮಾರು ವರ್ಷಗಳವರೆಗೆ ಈ ಹಳ್ಳಿಯ ಬಗ್ಗೆ ಯಾರಿಗೂ ತಿಳಿದಿರಲಿಲ್ಲ. ಈ ಗ್ರಾಮದ ಹೆಸರು  ರೆಸಿಯಾ ಲೇಕ್ (Lake Resia). ಇದು ಇಟಲಿಯ (Italy) ದಕ್ಷಿಣ ಟೈರೋಲ್‌ನ (South Tyrol) ಪಶ್ಚಿಮ ಭಾಗದಲ್ಲಿದೆ. ಇದು ರೆಸ್ಚೆನ್ ಪಾಸ್‌ನಿಂದ ದಕ್ಷಿಣಕ್ಕೆ 2 ಕಿ.ಮೀ ದೂರದಲ್ಲಿದೆ. 1950 ರಿಂದ ಈ ಗ್ರಾಮ ನಾಪತ್ತೆಯಾಗಿತ್ತು. ಅನೇಕ ವರ್ಷಗಳಿಂದ ಯಾರಿಗೂ ಈ ಗ್ರಾಮದ ಬಗ್ಗೆ ಯಾವುದೇ ಮಾಹಿತಿ ಇರಲಿಲ್ಲ. 70  ವರ್ಷಗಳ ನಂತರ ಕಂಡುಬಂದ ಈ ಗ್ರಾಮದ ಫೋಟೋ ಸಾಮಾಜಿಕ ಮಾಧ್ಯಮದಲ್ಲಿ ಹೆಚ್ಚು ವೈರಲ್ ಆಗುತ್ತಿದೆ.

ಈ ಹಳ್ಳಿಯ ಹೆಸರು ಕ್ಯೂರೋನ್ (Curon). ಅನೇಕ ವರ್ಷಗಳವರೆಗೆ ಸಾವಿರಾರು ಕುಟುಂಬಗಳು ಇಲ್ಲಿ ನೆಲೆಸಿತ್ತು. 70 ವರ್ಷಗಳ ಹಿಂದೆ ಜಲವಿದ್ಯುತ್ ಸ್ಥಾವರವನ್ನು  (hydroelectric plant) ನಿರ್ಮಿಸಲು ಸರ್ಕಾರ ಅಣೆಕಟ್ಟು ನಿರ್ಮಿಸಿ ಎರಡು ಸರೋವರಗಳನ್ನು ವಿಲೀನಗೊಳಿಸಿತ್ತು. ಈ ಎರಡು ಸರೋವರಗಳು ಒಂದಾಗುತ್ತಿದ್ದಂತೆ ಕ್ಯೂರಾನ್ ಗ್ರಾಮದ ಅಸ್ತಿತ್ವವೇ ಕಳೆದು ಹೋಯಿತು. ಇಲ್ಲಿದ್ದ ಗ್ರಾಮ ಕಣ್ಮರೆಯೇ ಆಯಿತು. 

ಈ ಇಡೀ ಪ್ರದೇಶವು ನೀರಿನಲ್ಲಿ (water) ಮುಳುಗಿ ಹೋದ ಕಾರಣ, ಈ ಗ್ರಾಮದ ಜನರು ಸ್ಥಳಾಂತರಗೊಂಡಿದ್ದರು. ಸುಮಾರು 400 ಜನ ಈ  ಗ್ರಾಮವನ್ನು ತೊರೆಯುವಂತಾಗಿತ್ತು.  ಇದೀಗ ಇಟ್ನಿಯ ದಕ್ಷಿಣ ಭಾಗದ ಪಶ್ಚಿಮ ಭಾಗದಲ್ಲಿ, ದುರಸ್ತಿ ಕಾರ್ಯ ನಡೆಸಲಾಯಿತು.  ಬಹಳ ವರ್ಷಗಳ ನಂತರ, ಇಲ್ಲಿನ ನೀರನ್ನು ಸಂಪೂರ್ಣವಾಗಿ ಖಾಲಿಮಾಡಲಾಗಿತ್ತು. ಈ ಸಂದರ್ಭದಲ್ಲಿ  ಕ್ಯೂರಾನ್ ಗ್ರಾಮದ ಅವಶೇಷಗಳು ಕಂಡುಬಂದವು