Meesho ದಲ್ಲಿ ಡ್ರೋನ್ ಕ್ಯಾಮೆರಾ ಆರ್ಡರ್‌ ಮಾಡಿದವರಿಗೆ ಸಿಕ್ಕಿದ್ದೇನು ನೋಡಿ.!

Man Recieve Potato Instead Of Drone: ಭಾರತದಲ್ಲಿ ಹಬ್ಬದ ಸೀಸನ್ ಬಂದಿದ್ದು, ಆನ್‌ಲೈನ್ ವೆಬ್‌ಸೈಟ್‌ಗಳು ಭರ್ಜರಿ ಆಫರ್‌ಗಳನ್ನು ನೀಡಿವೆ. ದೀಪಾವಳಿ ಸೇಲ್ ಶುರುವಾಗಿದೆ. ಮಾರಾಟದ ಋತುವಿನೊಂದಿಗೆ, ಗ್ರಾಹಕರು ಉತ್ತಮ  ಆಫರ್‌ಗಳನ್ನು ಪಡೆಯಲು ಶಾಪಿಂಗ್ ವೆಬ್‌ಸೈಟ್‌ಗಳಲ್ಲಿ ಖರೀದಿಸುತ್ತಿದ್ದಾರೆ. ಆದಾಗ್ಯೂ, ಕೆಲವರು ಮೋಸ ಹೋಗುತ್ತಾರೆ. ದೆಹಲಿಯ ವ್ಯಕ್ತಿಯೊಬ್ಬರಿಗೆ ಲ್ಯಾಪ್‌ಟಾಪ್ ಬದಲಿಗೆ ಡಿಟರ್ಜೆಂಟ್ ಬಾರ್ ಸಿಕ್ಕಿದೆ. ಇದೀಗ ಬಿಹಾರದಿಂದಲೂ ಇಂತಹದ್ದೇ ಪ್ರಕರಣ ಬೆಳಕಿಗೆ ಬಂದಿದೆ. ಇತ್ತೀಚೆಗೆ, ನಳಂದದ ಪರ್ವಾಲ್‌ಪುರದಲ್ಲಿ, ಮೀಶೋದಲ್ಲಿ ಆರ್ಡರ್‌ ಮಾಡಿದ ಡ್ರೋನ್ ಕ್ಯಾಮೆರಾಕ್ಕೆ ಬದಲಾಗಿ ವ್ಯಕ್ತಿಯೊಬ್ಬರಿಗೆ ಒಂದು ಕಿಲೋ ಆಲೂಗಡ್ಡೆ ಸಿಕ್ಕಿದೆ.

ಇದನ್ನೂ ಓದಿ : ಬಾಲ್ಯ ವಿವಾಹ: ಮದುವೆ ಮಾಡಿಕೊಂಡ ಕಂಡಕ್ಟರ್, ಮಾಡಿಸಿದ ಅರ್ಚಕರಿಗೆ ಕಠಿಣ ಶಿಕ್ಷೆ

ವಿಡಿಯೋದಲ್ಲಿ, ಗ್ರಾಹಕರು ಅದನ್ನು ರೆಕಾರ್ಡ್ ಮಾಡುವಾಗ ಪಾರ್ಸೆಲ್ ಅನ್ನು ಅನ್‌ಬಾಕ್ಸ್ ಮಾಡಲು ಮೀಶೋ ಡೆಲಿವರಿ ಎಕ್ಸಿಕ್ಯೂಟಿವ್‌ಗೆ ಕೇಳುತ್ತಾರೆ. ಡೆಲಿವರಿ ಬಾಯ್ ಪಾರ್ಸೆಲ್ ತೆರೆದಾಗ ಅದರಲ್ಲಿ ಡ್ರೋನ್ ಕ್ಯಾಮೆರಾ ಬದಲಿಗೆ 10 ಆಲೂಗಡ್ಡೆ ಪತ್ತೆಯಾಗಿದೆ. ಏತನ್ಮಧ್ಯೆ, ಡೆಲಿವರಿ ಎಕ್ಸಿಕ್ಯೂಟಿವ್ ಅದರಲ್ಲಿ ತನ್ನ ಪಾತ್ರವಿಲ್ಲ ಎಂದು ಹೇಳಿಕೊಂಡಿದ್ದಾನೆ.