ಜನರೇ ಎಚ್ಚರ.. ಎಚ್ಚರ..!! ಹರಡುತ್ತಿದೆ ನಿಗೂಢ ರೋಗ.. 3 ದಿನದಲ್ಲಿ ಉದುರುತ್ತವೇ ತಲೆ ಕೂದಲು..

Maharashtra hair loss : ಕೆಲವು ವರ್ಷಗಳ ಹಿಂದೆ ಕೊರೊನಾ ರೋಗ ದೊಡ್ಡ ಆಘಾತ ನೀಡಿತ್ತು. ಯಾವುದೋ ಮೂಲೆಯಲ್ಲಿನ ನಿಗೂಢ ಕಾಯಿಲೆ ಎಂದುಕೊಂಡಿದ್ದ ಕೋವಿಡ್‌ ಕಾಲಕ್ರಮೇಣ ನಮ್ಮ ಮನೆಗೆ ಬಂದಿತ್ತು. ಮಾಸ್ಕ್, ಸ್ಯಾನಿಟೈಸರ್, ಲಾಕ್‌ಡೌನ್‌ನಂತಹ ಪಾಠವನ್ನು ಕಲಿಸಿತ್ತು.. ಇಂದಿಗೂ ಆ ದಿನಗಳನ್ನು ಸಾಧ್ಯವಿಲ್ಲ. ಇದೀಗ ಎಚ್‌ಎಂಪಿವಿ ವೈರಸ್‌ನ ಭೀತಿ ಹರಡುತ್ತಿದೆ.

ಕೊರೊನಾದಷ್ಟು ಅಲ್ಲ ಎಂದು ಸ್ಪಷ್ಟಪಡಿಸಿದರೂ ಜನರಲ್ಲಿ ಭಯದ ಭಾವನೆ ಮೂಡಿದೆ. ಇಂತಹ ವೈರಾಣು ರೋಗಗಳು ನಮ್ಮನ್ನು ಚಿಂತೆಗೀಡುಮಾಡಿದರೆ, ಇನ್ನೂ ಕೆಲವು ನಿಗೂಢ ಕಾಯಿಲೆಗಳು ಬೇಡವಾದ ಅತಿಥಿಗಳಾಗಿ ವಕ್ಕರಿಸುತ್ತಿವೆ.. ಮಹಾರಾಷ್ಟ್ರದ ಶೇಗಾಂವ್ ಪುಲ್ತಾನಾದಲ್ಲಿ, ಪ್ರತಿಯೊಬ್ಬರೂ ನಿಗೂಢವಾಗಿ ಕೂದಲು ಉದುರುವಿಕೆ ಅನುಭವಿಸುತ್ತಿರುವುದರಿಂದ ನಿವಾಸಿಗಳು ಭಯಭೀತರಾಗಿದ್ದಾರೆ.

ಇದನ್ನೂಓದಿ:ಅಬ್ಬಬ್ಬಾ..! 10 ರಾಣಿಯರು, 300 ಉಪಪತ್ನಿಯರು, 88 ಮಕ್ಕಳು...ಇಲ್ಲಿದೆ ಭಾರತೀಯ ರಾಜನ ಅಂತಃಪುರದ ರೋಚಕ ಕಥೆ..!

ಹೌದು.. ಮಹಾರಾಷ್ಟ್ರದ ಶೇಗಾಂವ್ ಪುಲ್ತಾನದಲ್ಲಿ ಅಜ್ಞಾತ ರೋಗ ಹರಡಿದೆ. ಮೂರೇ ದಿನದಲ್ಲಿ ತಲೆಯ ಮೇಲಿನ ಕೂದಲೆಲ್ಲಾ ಉದುರುವುದರಿಂದ ಈ ಭಾಗದ ಜನರು ಆತಂಕಕ್ಕೆ ಒಳಗಾಗಿದ್ದಾರೆ. ಶೇಗಾಂವ್‌ ತಾಲೂಕಿನ ಬಂಡಗಾಂವ, ಕಲವಾಡ, ಹಿಂಗಾಣ ಗ್ರಾಮಗಳಲ್ಲಿ ಅಪರಿಚಿತ ವೈರಸ್ ಹರಡಿದ್ದು, ಸಮಸ್ಯೆ ಉಂಟಾಗಿದೆ.

ಸದ್ಯ ಬಂದಿರುವ ಮಾಹಿತಿ ಪ್ರಕಾರ ಶೇಗಾಂವ್ ನ ಹಲವು ಗ್ರಾಮಗಳಲ್ಲಿ ಈ ನಿಗೂಢ ರೋಗ ಕಂಡು ಬಂದಿದೆ.. ಈ ವೈರಸ್‌ನಿಂದಾಗಿ ಇಲ್ಲಿ ಅನೇಕ ಜನರು ಕೂದಲು ಉದುರುವಿಕೆಯನ್ನು ಅನುಭವಿಸುತ್ತಿದ್ದಾರೆ. ಮೊದಲು ನೆತ್ತಿ ತುರಿಕೆ, ನಂತರ ಕೂದಲು ಉದುರುವುದು, ಮೂರನೇ ದಿನದಲ್ಲಿ ಎಲ್ಲಾ ಕೂದಲು ಉದುರುತ್ತದೆ, ಬೋಳು ತಲೆ ಸೃಷ್ಟಿಯಾಗುತ್ತಿದೆ.. 

ಇದನ್ನೂಓದಿ:ಈ ತೆರಿಗೆದಾರರಿಗೆ ಗುಡ್ ನ್ಯೂಸ್...! ಈಗ ಸ್ವಲ್ಪ ನಿಟ್ಟುಸಿರು ಬಿಟ್ಟು ತೆರಿಗೆ ತುಂಬಿ ..!

ಪುರುಷರು ಮತ್ತು ಮಹಿಳೆಯರು ಗಮನಾರ್ಹ ಸಂಖ್ಯೆಯಲ್ಲಿ ತಮ್ಮ ಕೂದಲನ್ನು ಕಳೆದುಕೊಂಡಿದ್ದಾರೆ. ನಿಗೂಢ ವೈರಾಣು ಹರಡುತ್ತಿದ್ದರೂ ಅಧಿಕಾರಿಗಳು ಇತ್ತ ಗಮನಹರಿಸದೇ ಇರುವುದರಿಂದ ಭಯ ಮನೆ ಮಾಡಿದೆ. ಈ ಕೂದಲು ಉದುರುವ ಸಮಸ್ಯೆಯಿಂದ ಮುಕ್ತಿ ಪಡೆಯಲು ಹಲವರು ಖಾಸಗಿ ಕ್ಲಿನಿಕ್ ಗಳ ಮೊರೆ ಹೋಗುತ್ತಾರೆ.

ಈ ಕುರಿತು ಮಾಹಿತಿ ನೀಡಿದ ಜನರು, ಶಾಂಪೂವಿನಂತಹ ಸಮಸ್ಯೆಗಳು ಕೂದಲು ಉದುರುವಿಕೆಗೆ ಕಾರಣವಾಗಬಹುದು ಎಂದು ಕೇಳಿದ್ದೇವೆ. ಆದರೆ ಈ ಕಾಯಿಲೆ ಇದ್ದಕ್ಕಿದ್ದ ಹಾಗೆ ಮೂರೇ ದಿನಗಳಲ್ಲಿ ತಲೆ ಬೋಳು ಮಾಡುತ್ತಿರುವುದು ಆಘಾತಕಾರಿಯಾಗಿದೆ. ಸರ್ಕಾರ ಹೊಸ ಕ್ರಮಗಳನ್ನು ಕೈಗೊಂಡು ಇದಕ್ಕೆ ಕಾರಣವನ್ನು ಕಂಡುಹಿಡಿಯಬೇಕು ಎಂದು ಮನವಿ ಮಾಡಿದ್ದಾರೆ..

ಇದನ್ನೂಓದಿ:ವಿದ್ಯಾರ್ಥಿಗಳೇ ಜಾಕ್‌ಪಾಟ್‌... ಮಕರ ಸಂಕ್ರಾಂತಿ ಮರುದಿನದಿಂದಲೇ ಜ.19ರವರೆಗೆ ಸತತ 6 ದಿನ ಕಡ್ಡಾಯ ರಜೆ ಘೋಷಿಸಿದಈ ರಾಜ್ಯ ಸರ್ಕಾರ! ಬ್ಯಾಂಕ್ ಕೂಡ ಕೆಲಸ ನಿರ್ವಹಿಸುವುದಿಲ್ಲ

ಕೆಲ ಸ್ಥಳೀಯ ರಾಜಕೀಯ ವ್ಯಕ್ತಿಗಳು ಈ ವಿಚಾರವನ್ನು ಸರ್ಕಾರದ ಗಮನಕ್ಕೂ ತಂದಿದ್ದಾರೆ. ಸ್ಥಳೀಯ ಗಾಳಿಯಲ್ಲಿನ ಯಾವುದೇ ರಾಸಾಯನಿಕ ಬದಲಾವಣೆಗಳು ಅಥವಾ ಸ್ಥಳೀಯ ನೀರಿನಲ್ಲಿ ರಾಸಾಯನಿಕ ಬದಲಾವಣೆಗಳು ಈ ಸಮಸ್ಯೆಗೆ ಕಾರಣವಾಗಬಹುದು ಎಂದು ಆರಂಭದಲ್ಲಿ ಹೇಳಲಾಗಿತ್ತು.. ಸದ್ಯ ಆ ಪ್ರದೇಶದ ಆರೋಗ್ಯ ಇಲಾಖೆ ತನಿಖೆಯಲ್ಲಿ ತೊಡಗಿದೆ..