ನವದೆಹಲಿ: ದಿನದಿಂದ ದಿನಕ್ಕೆ ಏರಿಕೆಯಾಗುತ್ತಿರುವ ಮಾಲಿನ್ಯವನ್ನು ನಿಗ್ರಹಿಸಲು ಮಾರ್ಚ್ 31, 2020 ರ ನಂತರ BS-IV ಪ್ರಮಾಣಿತ ವಾಹನಗಳನ್ನು ಮಾರಾಟ ಮಾರುವಂತಿಲ್ಲ ಎಂದು ಸುಪ್ರೀಂಕೋರ್ಟ್ ಹೇಳಿದೆ. ಬುಧವಾರ ಸುಪ್ರೀಂ ಕೋರ್ಟ್ ನೀಡಿದ ಆದೇಶದಂತೆ, ಇಂತಹ ವಾಹನಗಳ ನೋಂದಣಿ ಮಾರ್ಚ್ 31, 2018 ರ ನಂತರ ಮುಚ್ಚಲಾಗುವುದು. ಮಾರ್ಚ್ 2020 ರ ನಂತರ, ಯಾವುದೇ ಸ್ವಯಂ ಕಂಪನಿಯನ್ನು BS-IV ಮಾಡಲು ಅನುಮತಿಸಲಾಗುವುದಿಲ್ಲ. ಏಪ್ರಿಲ್ 1, 2020 ರಿಂದ, ಕೇವಲ BS-VI ಪ್ರಮಾಣಿತ ವಾಹನಗಳನ್ನು ಮಾತ್ರ ದೇಶದಲ್ಲಿ ಮಾರಲಾಗುತ್ತದೆ.


COMMERCIAL BREAK
SCROLL TO CONTINUE READING

ನ್ಯಾಯಮೂರ್ತಿ ಮದನ್ ಬಿ ಲೋಕೂರ್ ನೇತೃತ್ವದ ಪೀಠವು ಆಗಸ್ಟ್ 27, 2018 ರಂದು ವಿಚಾರಣೆ ಪೂರ್ಣಗೊಳಿಸಿ, ತೀರ್ಪನ್ನು ಕಾಯ್ದಿರಿಸಿತ್ತು. ಬಿಎಸ್ -4 ವಾಹನಗಳ ಸ್ಟಾಕ್ ಖಾಲಿ ಮಾಡಲು ವಾಹನ ತಯಾರಕ ಕಂಪನಿಗಳು ಜೂನ್ 30, 2020 ರವರೆಗೆ ಸಮಯ ಕೇಳಿದ್ದವು. ಡೆಡ್ ಲೈನ್ ಗೆ ಮುಂಚಿತವಾಗಿ BS-IV ವಾಹನಗಳು ಮಾರಾಟ ಮಾಡುವುದನ್ನು ನಿಲ್ಲಿಸಲಾಗುವುದು ಎಂದು ಕಂಪೆನಿಗಳು ನ್ಯಾಯಾಲಯಕ್ಕೆ ಭರವಸೆ ನೀಡಿದ್ದವು. ಆದರೆ ಸ್ಟಾಕ್ ಮಾರಾಟಕ್ಕೆ ಅವರಿಗೆ 6 ತಿಂಗಳ ರಿಯಾಯಿತಿ ಅವಧಿ ನೀಡಬೇಕು ಎಂದು ಮನವಿ ಮಾಡಿದ್ದವು. ಆದರೆ ನ್ಯಾಯಾಲಯ ಮನವಿ ಅರ್ಜಿಯನ್ನು ತಿರಸ್ಕರಿಸಿತು.


ಶುದ್ಧ ಇಂಧನದೆಡೆಗೆ ಸಾಗುವ ಅಗತ್ಯವನ್ನು ಪರಿಗಣಿಸಿ ಈ ನಿರ್ಧಾರ ತಳೆಯಲಾಗಿದೆ ಎಂದು ಪೀಠ ತಿಳಿಸಿತ್ತು. 2016ರಲ್ಲಿ ಕೇಂದ್ರ ಸರಕಾರ "ಬಿಎಸ್‌ 5' ಗುಣಮಟ್ಟವನ್ನು ಕೈಬಿಡಲಾಗುವುದು ಮತ್ತು 2020ರಲ್ಲಿ ನೇರವಾಗಿ ಬಿಎಸ್‌ 6 ಗುಣಮಟ್ಟದ ಮೋಟಾರು ವಾಹನ ಬಳಕೆ ನೀತಿಯನ್ನು ಜಾರಿಗೊಳಿಸಲಾಗುವುದು ಎಂದು ಪ್ರಕಟಿಸಿತ್ತು.