MIG 21 Fighter Jet: ಇನ್ಮುಂದೆ ಯುದ್ಧ ಮೈದಾನಕ್ಕೆ ಇಳಿಯಲ್ಲ ಮಿಗ್ 21 ಫೈಟರ್ ಜೆಟ್ ಗಳು, ಕಾರಣ ಇಲ್ಲಿದೆ
MiG 21 ಯುದ್ಧ ವಿಮಾನಗಳಿಗೆ ಸಂಬಂಧಿಸಿದಂತೆ ಭಾರತೀಯ ಸೇನೆ ಒಂದು ಮಹತ್ವದ ನಿರ್ಧಾರ ಕೈಗೊಂಡಿದೆ. ಹೌದು, ಇನ್ಮುಂದೆ ಈ ಯುದ್ಧ ವಿಮಾನಗಳು ನಿಮ್ಮ ಅಕ್ಕಪಕ್ಕದಲ್ಲಾಗಲಿ ಅಥವಾ ಯುದ್ಧದ ಮೈದಾನದಲ್ಲಾಗಲಿ ಕಾಣಿಸುವುದಿಲ್ಲ. ಭಾರತೀಯ ವಾಯುಸೇನೆ ಅದರ ಹಿಂದಿನ ಕಾರಣವನ್ನು ಕೂಡ ಹಂಚಿಕೊಂಡಿದೆ.
Indian Air Force News: ನಿರಂತರವಾಗಿ ಅಪಘಾತಗಳಿಗೆ ಗುರಿಯಾಗುತ್ತಿರುವ ಮಿಗ್ 21 ವಿಮಾನಗಳ ಹಾರಾಟವನ್ನು ಭಾರತೀಯ ವಾಯುಪಡೆ ನಿಷೇಧಿಸಿದೆ. ಎಂಐಜಿ 21 ವಿಮಾನದ ಸಂಪೂರ್ಣ ಫ್ಲೀಟ್‌ಗೆ ವಾಯುಪಡೆಯು ಸೇನೆಯಿಂದ ಹೊರಬರುವ ಮಾರ್ಗವನ್ನು ತೋರಿಸಿದೆ. ಕಳೆದ ಕೆಲವು ವಾರಗಳ ಹಿಂದೆ ರಾಜಸ್ಥಾನದಲ್ಲಿ ಮಿಗ್-21 ವಿಮಾನ ಪತನಗೊಂಡು ಮೂವರು ಯೋಧರು ಹುತಾತ್ಮರಾಗಿದ್ದರು. ಇದಕ್ಕೂ ಮುನ್ನ ಇಂತಹ ಹಲವು ಅಪಘಾತಗಳು ದಾಖಲಾಗಿದ್ದು, ಇದರಲ್ಲಿ ಪೈಲಟ್‌ಗಳು ಪ್ರಾಣ ಕಳೆದುಕೊಂಡಿದ್ದಾರೆ. ಈ ಅಪಘಾತಗಳಿಂದಾಗಿ ವಾಯುಪಡೆಯು ಈ ವಿಮಾನಗಳನ್ನು ತಾತ್ಕಾಲಿಕವಾಗಿ ನಿಷೇಧಿಸಿದೆ.
ಮುಂದುವರೆದ ತನಿಖೆ
ರಾಜಸ್ಥಾನದಲ್ಲಿ MIG 21 ವಿಮಾನ ಅಪಘಾತದ ತನಿಖೆಯು ಪ್ರಸ್ತುತ ನಡೆಯುತ್ತಿದೆ, ಆದರೆ 2 ವಾರಗಳ ನಂತರ ಇದ್ದಕ್ಕಿದ್ದಂತೆ ಈ ವಿಮಾನಗಳ ಹಾರಾಟವನ್ನು ನಿಲ್ಲಿಸಲಾಗಿದೆ. ಗಮನಾರ್ಹವಾಗಿ, MIG 21 ಗೆ 1963 ರಲ್ಲಿ ಭಾರತೀಯ ಸೇನೆಯಲ್ಲಿ ಸ್ಥಾನ ನೀಡಲಾಯಿತು. ಪ್ರಸ್ತುತ ಭಾರತೀಯ ಸೇನೆ ಅಪ್ಡೇಟ್ ಆಗುತ್ತಿದೆ, ಜಾಗತಿಕ ಸನ್ನಿವೇಶದಲ್ಲಿ ಪ್ರಸ್ತುತ ಶಸ್ತ್ರಾಸ್ತ್ರಗಳನ್ನು ನವೀಕರಿಸುವುದು ತುಂಬಾ ಮಹತ್ವದ ವಿಷಯವಾಗಿದೆ. ಇತ್ತೀಚೆಗಷ್ಟೇ ತೇಜಸ್ ಅನ್ನು ಭಾರತೀಯ ಸೇನೆಗೆ ಸೇರ್ಪಡೆಗೊಳಿಸಲಾಗಿದ್ದು, ಇದಕ್ಕಾಗಿ ಹಿಂದೂಸ್ತಾನ್ ಏರೋನಾಟಿಕ್ಸ್ ಜೊತೆ 48000 ಕೋಟಿಗಳ ಡೀಲ್ ಮಾಡಿಕೊಳ್ಳಲಾಗಿದೆ. ಈ ಒಪ್ಪಂದದಲ್ಲಿ 83 ತೇಜಸ್ ವಿಮಾನಗಳನ್ನು ಸೇನೆಯ ಭಾಗವಾಗಲಿವೆ ಎಂಬ ಚರ್ಚೆಗಳು ಕೇಳಿಬಂದಿವೆ.
ಇದನ್ನೂ ಓದಿ-SC-ST ಕಾಯಿದೆಯ ಕುರಿತು ಸುಪ್ರೀಂ ಮಹತ್ವದ ಟಿಪ್ಪಣಿ, ಹೇಳಿದ್ದೇನು?
ಇದುವರೆಗೆ 400 ವಿಮಾನಗಳು ದುರಂತಕ್ಕೀಡಾಗಿವೆ
1960 ರ ದಶಕದಲ್ಲಿ ಸೇನೆಯ ಭಾಗವಾಗಿದ್ದ ಮಿಗ್ 21 ರ ಅಪಘಾತಗಳ ಕುರಿತು ಹೇಳುವುದಾದರೆ, ಇದುವರೆಗೆ 400 ವಿಮಾನಗಳು ಅಪಘಾತಕ್ಕೆ ಗುರಿಯಾಗಿವೆ. ಮಾಧ್ಯಮ ವರದಿಗಳ ಪ್ರಕಾರ, ಮುಂಬರುವ 2025 ರ ವೇಳೆಗೆ, MiG 21 ವಿಮಾನಕ್ಕೆ ಹಂತ ಹಂತವಾಗಿ ಸೈನ್ಯದಿಂದ ಹೊರಹೋಗುವ ಮಾರ್ಗವನ್ನು ತೋರಿಸಲಾಗುತ್ತದೆ ಎನ್ನಲಾಗಿದೆ. ಏರ್ ಫೋರ್ಸ್ ಕೂಡ ವಿಮಾನಗಳ ಕೊರತೆಯನ್ನು ಎದುರಿಸುತ್ತಿದೆ ಎಂದು ಈ ಹಿಂದೆ ಉಲ್ಲೇಖಿಸಿದೆ. ಈ ಕಾರಣದಿಂದಾಗಿ, ಅದು ತನ್ನ ಸೇನೆಯಲ್ಲಿ 42 ಸ್ಕ್ವಾಡ್ರನ್‌ಗಳನ್ನು ಸೇರಿಸಲು ಬಯಸಿದೆ, ಆದರೆ ಪ್ರಸ್ತುತ ಭಾರತೀಯ ಸೇನೆಯು ಕೇವಲ 32 ಸ್ಕ್ವಾಡ್ರನ್‌ಗಳನ್ನು ಹೊಂದಿದೆ.
ಇದನ್ನೂ ಓದಿ-'ಮತ್ತೊಂದು ತಲೆಹಾಳು ತುಘಲಕ್ ಡ್ರಾಮಾ', 2 ಸಾವಿರ ನೋಟು ನಿರ್ಧಾರಕ್ಕೆ ಸಂಬಂಧಿಸಿದಂತೆ ಮಮತಾ ಗರಂ
ವಾಯುಪಡೆಯು 50 ಮಿಗ್ 21 ವಿಮಾನಗಳನ್ನು ಹೊಂದಿದೆ.
ಮಾಧ್ಯಮ ವರದಿಗಳ ಪ್ರಕಾರ, ಸೇನೆಯು ಪ್ರಸ್ತುತ 50 ಮಿಗ್ 21 ವಿಮಾನಗಳನ್ನು ಮಾತ್ರ ಹೊಂದಿದೆ. ಮುಂಬರುವ 3 ವರ್ಷಗಳಲ್ಲಿ ಎಲ್ಲಾ ಸ್ಕ್ವಾಡ್ರನ್‌ಗಳು ನಿವೃತ್ತವಾಗಲಿವೆ. ಭಾರತೀಯ ವಾಯುಪಡೆಯು 114 ಬಹು ಪಾತ್ರದ ಯುದ್ಧ ವಿಮಾನಗಳನ್ನು ಖರೀದಿಸಲು ಸಿದ್ಧತೆ ನಡೆಸುತ್ತಿದೆ. ಭವಿಷ್ಯದಲ್ಲಿ ಅವುಗಳನ್ನು ಬಳಸಲಾಗುವುದು ಎನ್ನಲಾಗಿದೆ.
ಇದನ್ನೂ ನೋಡಿ-
https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು
Twitter Link - https://bit.ly/3n6d2R8
Facebook Link - https://bit.ly/3Hhqmcj
Youtube Link - https://bit.ly/3LwfnhK
Instagram Link - https://bit.ly/3LyfY2l
Sharechat Link - https://bit.ly/3LCjokI ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ