ಸವಾಲುಗಳನ್ನು ನಿಭಾಯಿಸುವುದನ್ನು ನಾವು ಇತಿಹಾಸದ ಮೂಲಕ ತಿಳಿಯಬೇಕಾಗಿದೆ-ಪ್ರಧಾನಿ ಮೋದಿ

ನವದೆಹಲಿ: ಪ್ರಧಾನಿ ನರೇಂದ್ರ ಮೋದಿ ಅವರು ತಮ್ಮ ಮಾಸಿಕ ರೇಡಿಯೋ ಕಾರ್ಯಕ್ರಮ 'ಮನ್ ಕಿ ಬಾತ್' ಅಂಗವಾಗಿ ಭಾನುವಾರ ಬೆಳಿಗ್ಗೆ 11 ಗಂಟೆಗೆ ರಾಷ್ಟ್ರವನ್ನುದ್ದೇಶಿಸಿ ಮಾತನಾಡಿದರು.

ಲಡಾಖ್‌ನ ಗಾಲ್ವಾನ್ ಕಣಿವೆಯಲ್ಲಿ ಉಭಯ ದೇಶಗಳ ನಡುವಿನ ನೈಜ ನಿಯಂತ್ರಣ ರೇಖೆಯ ಬಳಿ ಚೀನಾದ ಸೈನಿಕರೊಂದಿಗೆ ಭಾರತದ ಘರ್ಷಣೆಯ ವಿಷಯವನ್ನು ಪ್ರಧಾನಿ ತಮ್ಮ ಭಾಷಣದಲ್ಲಿ ಪ್ರಸ್ತಾಪಿಸಿದ ಅವರು  ಭಾರತದ ಪ್ರಾಂತ್ಯಗಳನ್ನು ಅಪೇಕ್ಷಿಸುವವರಿಗೆ "ಸೂಕ್ತವಾದ ಉತ್ತರ" ನೀಡಲಾಗಿದೆ ಎಂದು ಪ್ರಧಾನಿ ಮೋದಿ ಹೇಳಿದರು.

ಇದನ್ನೂ ಓದಿ: ಸಾರ್ವಜನಿಕ ಸ್ಥಳಗಳಲ್ಲಿ ಉಗುಳುವುದು ಸರಿಯಲ್ಲ, ಅದಕ್ಕೆ ಕೊನೆ ಹಾಡಿ- ಪ್ರಧಾನಿ ಮೋದಿ ಮನವಿ

'ತನ್ನ ಗಡಿ ಮತ್ತು ಸಾರ್ವಭೌಮತ್ವವನ್ನು ರಕ್ಷಿಸುವಲ್ಲಿ ಭಾರತದ ಬದ್ಧತೆಯನ್ನು ಜಗತ್ತು ಕಂಡಿದೆ. ಲಡಾಕ್‌ನಲ್ಲಿ, ನಮ್ಮ ಪ್ರಾಂತ್ಯಗಳನ್ನು ಅಪೇಕ್ಷಿಸುವವರಿಗೆ ಸೂಕ್ತವಾದ ಉತ್ತರವನ್ನು ನೀಡಲಾಗಿದೆ" ಎಂದು ಪ್ರಧಾನಿ ಹೇಳಿದರು.ಗಡಿಯಲ್ಲಿ ಭಾರತೀಯ ಭೂಪ್ರದೇಶವನ್ನು ರಕ್ಷಿಸಲು ಹೋರಾಡಿದ ಕೆಚ್ಚೆದೆಯ ಹುತಾತ್ಮರಿಗೆ ಇದೇ ವೇಳೆ ಅವರು ಗೌರವ ಸಲ್ಲಿಸಿದರು. "ಮಿತ್ರರಾಷ್ಟ್ರದ ಪಾತ್ರವನ್ನು ಹೇಗೆ ಪೂರೈಸುವುದು ಮತ್ತು ಉಲ್ಲಂಘನೆಗಳಿಗೆ ಸೂಕ್ತವಾದ ಉತ್ತರವನ್ನು ನೀಡುವುದು ಭಾರತಕ್ಕೆ ತಿಳಿದಿದೆ. ನಮ್ಮ ಧೈರ್ಯಶಾಲಿ ಸೈನಿಕರು ಮಾತೃ ಭಾರತದ ಘನತೆಗೆ ಒಂದೇ ಒಂದು ಗೀರು ಹಾಕಲು ಅವಕಾಶ ನೀಡುವುದಿಲ್ಲ ಎಂದು ತೋರಿಸಿಕೊಟ್ಟಿದ್ದಾರೆ" ಎಂದು ಪ್ರಧಾನಿ ಮೋದಿ ಹೇಳಿದರು.

ಇದನ್ನೂ ಓದಿ: Mann Ki Baat: 'ಕೊರೊನಾವೈರಸ್ ವಿಶ್ವವನ್ನೇ ಬಂದಿಸಿದೆ, ಲಾಕ್ ಡೌನ್ ನಿಂದ ನಿಮ್ಮನ್ನು-ನಿಮ್ಮ ಕುಟುಂಬಸ್ಥರನ್ನು ರಕ್ಷಿಸಿಕೊಳ್ಳಿ

"ಲಡಾಖ್ನಲ್ಲಿ ಪ್ರಾಣ ಕಳೆದುಕೊಂಡ ನಮ್ಮ ಕೆಚ್ಚೆದೆಯ ಹುತಾತ್ಮರಿಗೆ ಭಾರತ ನಮಸ್ಕರಿಸುತ್ತದೆ. ಅವರ ಶೌರ್ಯ ಯಾವಾಗಲೂ ನೆನಪಿನಲ್ಲಿ ಉಳಿಯುತ್ತದೆ. ಪುತ್ರರನ್ನು ಕಳೆದುಕೊಂಡ ಕುಟುಂಬಗಳು ಇನ್ನೂ ತಮ್ಮ ಇತರ ಮಕ್ಕಳನ್ನು ರಕ್ಷಣಾ ಪಡೆಗಳಿಗೆ ಕಳುಹಿಸಲು ಬಯಸುತ್ತಾರೆ ... ಅವರ ಆತ್ಮ ಮತ್ತು ತ್ಯಾಗ ಪೂಜ್ಯವಾಗಿದೆ" ಎಂದು ಅವರು ಹೇಳಿದರು.

"ಜನರು ಸಾಮಾನ್ಯವಾಗಿ 2020 ಯಾವಾಗ ಕೊನೆಗೊಳ್ಳುತ್ತದೆ ಎಂದು ಮಾತನಾಡುತ್ತಿದ್ದಾರೆ ? ಇದು ಅನೇಕ ಸವಾಲುಗಳ ವರ್ಷವಾಗಿದೆ ಎಂದು ಅವರು ಭಾವಿಸುತ್ತಾರೆ. ಯಾವುದೇ ಸವಾಲುಗಳು ಇರಬಹುದು ಆದರೆ ನಮ್ಮ ಇತಿಹಾಸವು ನಾವು ಯಾವಾಗಲೂ ಅವುಗಳನ್ನು ಜಯಿಸಿದೆ ಎಂದು ತೋರಿಸುತ್ತದೆ. ನಂತರ ನಾವು ಈ ಸವಾಲುಗಳ ಮೂಲಕ  ಬಲಶಾಲಿಯಾಗಿದ್ದೇವೆ , "ಈ ಮಾಸಿಕ ರೇಡಿಯೋ ಭಾಷಣದಲ್ಲಿ ಪ್ರಧಾನಿ ಹೇಳಿದರು.