ನವದೆಹಲಿ: ಭಾರತೀಯ ಮೂಲದ ಪೇಟಿಎಂ ತನ್ನ ಪೋಸ್ಟ್‌ಪೇಯ್ಡ್ ಸೇವೆಗಳನ್ನು ವಿಸ್ತರಿಸಿದ್ದು, ಕ್ರೆಡಿಟ್ ಮಿತಿಯನ್ನು ಸಹ 1 ಲಕ್ಷ ರೂ.ಗೆ ಹೆಚ್ಚಿಸಿದೆ. ಈ ಸೌಲಭ್ಯದಿಂದ ಇದೀಗ ಬಳಕೆದಾರರು ಕಿರಾಣಿ ಅಂಗಡಿಗಳು, ಚಿಲ್ಲರೆ ಮಾರಾಟ ಮಳಿಗೆಗಳು ಮತ್ತು ತಮ್ಮ ನೆಚ್ಚಿನ ಅಪ್ಲಿಕೇಶನ್‌ಗಳಲ್ಲಿ ಶಾಪಿಂಗ್ ಶಾಪಿಂಗ್ ಮಾಡಿ ಮುಂದಿನ ತಿಂಗಳು ಹಣ ಪಾವತಿಸಾಲು ಸಾಧ್ಯವಾಗಲಿದೆ. ಪೇಟಿಎಂ ತನ್ನ  ಪೋಸ್ಟ್‌ಪೇಯ್ಡ್ ಗ್ರಾಹಕರಿಗೆ ಡಿಜಿಟಲ್ ಕ್ರೆಡಿಟ್ ಸೌಕರ್ಯ ಒದಗಿಸುತ್ತದೆ. ಇದು ನಗದಿಗಿಂತ ಡಿಜಿಟಲ್ ವ್ಯವಹಾರಕ್ಕೆ ಹೆಚ್ಚಿನ ಆದ್ಯತೆ ನೀಡುವವರಿಗೆ ಪರಿಹಾರ ನೀಡುತ್ತದೆ ಎಂದು ಕಂಪನಿ ತನ್ನ  ಹೇಳಿಕೆಯಲ್ಲಿ ತಿಳಿಸಿದೆ.ಪಾವತಿಸಲು ಪೇಟಿಎಂ ಖಾತೆಯಲ್ಲಿ ಹಣವಿಲ್ಲದ ಬಳಕೆದಾರರಿಗೆ ಇದು ಸಹಾಯ ಮಾಡುತ್ತದೆ.


COMMERCIAL BREAK
SCROLL TO CONTINUE READING

ಈ ಸೇವೆಯಡಿಯಲ್ಲಿ, ಬಳಕೆದಾರರು ಪ್ರತಿ ತಿಂಗಳ 7 ರಂದು ಅಥವಾ ಅದಕ್ಕಿಂತ ಮೊದಲು ಬಿಲ್ ಪಾವತಿಸಬಹುದು. ಇದಲ್ಲದೆ, ಬಳಕೆದಾರರು ತಮ್ಮ ಪೋಸ್ಟ್‌ಪೇಯ್ಡ್ ಬಿಲ್‌ಗಳನ್ನು ಇಎಂಐ ರೂಪದಲ್ಲಿ ಪರಿವರ್ತಿಸಬಹುದು. ಬಳಕೆದಾರರು ತಮ್ಮ ಉಚಿತ ಪಾಸ್‌ಬುಕ್ ಅನ್ನು Paytm ಅಪ್ಲಿಕೇಶನ್‌ನಲ್ಲಿ ಪಡೆದುಕೊಳ್ಳಬಹುದು ಮತ್ತು ಅವರ ದೈನಂದಿನ ಖರ್ಚುಗಳನ್ನು ನಿಭಾಯಿಸಬಹುದು.


ಒಟ್ಟು ಮೂರು ವೇರಿಯಂಟ್ ಗಳಿವೆ
ಈ ಕುರಿತು ಹೇಳಿಕೆ ನೀಡಿರುವ ಪೇಟಿಎಂ, ದೇಶದ ಎರಡು ನಾನ್ ಬ್ಯಾಂಕಿಂಗ್ ಫೈನಾನ್ಸ್ ಕಂಪನಿಗಳ ಜೊತೆ ಒಪ್ಪಂದ ಮಾಡಿಕೊಂಡು ತನ್ನ ಪೋಸ್ಟ್ ಪೇಡ್ ಗ್ರಾಹಕರಿಗೆ ಈ ಸೌಲಭ್ಯ ಒದಗಿಸಲಾಗುತ್ತಿದೆ ಎಂದಿದೆ. ಇದರಲ್ಲಿ ಕಂಪನಿ ಒಟ್ಟು ಮೂರು ವೇರಿಯಂಟ್ ಗಳನ್ನೂ ಪರಿಚಯಿಸಿದೆ. ಹೀಗಾಗಿ ಕ್ರೆಡಿಟ್ ಸ್ಕೋರ್ ಹೊಂದಿರದ ಗ್ರಾಹಕರು ಕೂಡ ಇದರ ಲಾಭ ಪಡೆಯಬಹುದು. ಅಷ್ಟೇ ಅಲ್ಲ ಪೇಟಿಎಂ ನ ಪೋಸ್ಟ್ ಪೇಡ್ ಸೌಕರ್ಯವನ್ನು ಸಕ್ರೀಯಗೊಳಿಸಲು ಯಾವುದೇ ರೀತಿಯ ಶುಲ್ಕ ವಿಧಿಸಲಾಗುವುದಿಲ್ಲ. ಇದರಲ್ಲಿ ಲೈಟ್, ಡಿಲೈಟ್ ಹಾಗೂ ಎಲೀಟ್ ಎಂಬ ಮೂರು ವೇರಿಯಂಟ್ ಗಳನ್ನು ಪರಿಚಯಿಸಲಾಗಿದೆ.


ಪೋಸ್ಟ್‌ಪೇಯ್ಡ್ ಲೈಟ್ ನಲ್ಲಿ 20,000 ರೂ.ಗಳ ಮಿತಿ ಇದ್ದು, ಇದರೊಂದಿಗೆ ಮಾಸಿಕ ಕನ್ವೀನಿಯನ್ಸ್ ಶುಲ್ಕವನ್ನು ಸೇರಿಸಲಾಗುತ್ತದೆ. ಕ್ರೆಡಿಟ್ ಸ್ಕೋರ್ ಹೊಂದಿರದ ಬಳಕೆದಾರರು ಈ ಸೌಲಭ್ಯಕ್ಕಾಗಿ ಸಹ ಅರ್ಜಿ ಸಲ್ಲಿಸಬಹುದು.


ಪೋಸ್ಟ್‌ಪೇಯ್ಡ್ ಡಿಲೈಟ್ಸ್ ಮತ್ತು ಎಲೀಟ್ ನಲ್ಲಿ ಮಾಸಿಕ 20,000 ರಿಂದ 1 ಲಕ್ಷ ರೂ. ಮಿತಿ ಇರಲಿದೆ ಇವುಗಳಿಗೆ ಮಾಸಿಕ ಕನ್ವಿನಿಯನ್ಸ್ ಶುಲ್ಕ ವಿಧಿಸಲಾಗುವುದಿಲ್ಲ. ಈ ಬಳಕೆದಾರರಿಗೆ ಎಲ್ಲಾ ರೀತಿಯ ಪೋಸ್ಟ್‌ಪೇಯ್ಡ್ ವೈಶಿಷ್ಟ್ಯಗಳಿಗೆ ಅಕ್ಸಸ್ ನೀಡಲಾಗುತ್ತದೆ.


ಹೀಗೆ ಲಾಭ ಪಡೆಯಿರಿ


  • Paytm ಈ ರೀತಿಯ ಪೋಸ್ಟ್‌ಪೇಯ್ಡ್ ಅನ್ನು ಸಕ್ರಿಯಗೊಳಿಸಬಹುದು:

  • ಮೊದಲು ನಿಮ್ಮ Paytm ಖಾತೆಗೆ ಲಾಗಿನ್ ಮಾಡಿ ಮತ್ತು ನಿಮ್ಮ ಹೋಮ್‌ಸ್ಕ್ರೀನ್‌ನಲ್ಲಿ ಮೇಲಿನ ಬಲಭಾಗದಲ್ಲಿರುವ ಹುಡುಕಾಟ ಐಕಾನ್‌ನಲ್ಲಿ Paytm ಪೋಸ್ಟ್‌ಪೇಯ್ಡ್ ಅನ್ನು ಟೈಪ್ ಮಾಡಿ.

  • ನಂತರ, My Paytm ಪೋಸ್ಟ್‌ಪೇಯ್ಡ್ ಐಕಾನ್ ಮೇಲೆ ಕ್ಲಿಕ್ಕಿಸಿ. ಕೆವೈಸಿಯ ಸಂಪೂರ್ಣ ಪ್ರಕ್ರಿಯೆಯು ಡಿಜಿಟಲ್ ಆಗಿದ್ದು ಕೆಲವು ನಿಮಿಷಗಳಲ್ಲಿ ಪೂರ್ಣಗೊಳಿಸಬಹುದು. ಇದರಲ್ಲಿ, ಬಳಕೆದಾರರು ಯಾವುದೇ ರೀತಿಯ ದಾಖಲೆಗಳನ್ನು ಅಪ್‌ಲೋಡ್ ಮಾಡುವ ಅಗತ್ಯವಿಲ್ಲ.

  • ಕೆವೈಸಿ ಪ್ರಕ್ರಿಯೆಯನ್ನು ಪೂರ್ಣಗೊಳಿಸಿದ ನಂತರ, ನಿಮ್ಮ ಸೇವೆಯನ್ನು ತಕ್ಷಣವೇ ಸಕ್ರಿಯಗೊಳಿಸಲಾಗುತ್ತದೆ ಮತ್ತು ನಿಮ್ಮ ಖಾತೆಯ ಕ್ರೆಡಿಟ್ ಮಿತಿಯನ್ನು ನೀವು ನೋಡಬಹುದಾಗಿದೆ.