ಪಕ್ಷದ ಸಭೆಯಲ್ಲಿ ಹೈದರಾಬಾದ್ ನ್ನು ಭಾಗ್ಯನಗರ ಎಂದು ಉಲ್ಲೇಖಿಸಿದ ಪ್ರಧಾನಿ ಮೋದಿ

ಹೈದರಾಬಾದ್ : ಭಾರತೀಯ ಜನತಾ ಪಕ್ಷದ (ಬಿಜೆಪಿ) ರಾಷ್ಟ್ರೀಯ ಕಾರ್ಯಕಾರಿಣಿ ಸಭೆಯಲ್ಲಿ ಭಾಗವಹಿಸಲು ಭಾನುವಾರದಂದು ಹೈದರಾಬಾದ್‌ಗೆ ಆಗಮಿಸಿದ ಪ್ರಧಾನಿ ಮೋದಿ ತಮ್ಮ ಭಾಷಣದ ವೇಳೆ ಹೈದರಾಬಾದ್ ನ್ನು ಭಾಗ್ಯನಗರ ಎಂದು ಉಲ್ಲೇಖಿಸಿದ್ದಾರೆ.

ಭಾರತವನ್ನು ಒಂದುಗೂಡಿಸುವ ಅಭಿಯಾನವನ್ನು ಸರ್ದಾರ್ ಪಟೇಲ್ ಅವರು ಭಾಗ್ಯನಗರದಲ್ಲಿ ಪ್ರಾರಂಭಿಸಿದರು ಎಂದು ಪ್ರಧಾನಿ ಮೋದಿ ಭಾಷಣದ ವೇಳೆ ಹೇಳಿದ್ದಾರೆ.ಇದೆ ವೇಳೆ ತೆಲಂಗಾಣ ಮುಖ್ಯಮಂತ್ರಿ ಕೆ ಚಂದ್ರಶೇಖರ್ ರಾವ್ ವಿರುದ್ಧ ಟೀಕಾಪ್ರಹಾರ ನಡೆಸುತ್ತಾ ವಂಶ ರಾಜಕಾರಣವನ್ನು ಪೋಷಿಸುವ ಪಕ್ಷಗಳಿಗೆ ಅಂತ್ಯ ಹಾಡುವ ಸಮಯ ಬಂದಿದೆ, ಯುವಕರು ಅಂತಹ ರಾಜಕೀಯವನ್ನು ತೀರಸ್ಕರಿಸುತ್ತಾರೆ ಎಂದು ಹೇಳಿದರು.

'ದೇಶವು ವಂಶ ರಾಜಕೀಯ ಮತ್ತು ವಂಶದ ರಾಜಕೀಯ ಪಕ್ಷಗಳಿಂದ ಬೇಸತ್ತಿದೆ.ಅಂತಹ ಪಕ್ಷಗಳು ಹೆಚ್ಚು ಕಾಲ ಉಳಿಯುವುದು ಕಷ್ಟ. ಭಾರತವನ್ನು ದೀರ್ಘಕಾಲ ಆಳಿದ ಪಕ್ಷಗಳು ಈಗ ಅವನತಿಯಲ್ಲಿವೆ.ನಾವು ಅವರನ್ನು ಅಪಹಾಸ್ಯ ಮಾಡಬಾರದು ಆದರೆ ಅವರ ತಪ್ಪುಗಳಿಂದ ಕಲಿಯಬೇಕು" ಎಂದು ಅವರು ಹೇಳಿದರು.