ಪದವಿ ವಿದ್ಯಾರ್ಥಿಗಳಿಗೆ ರೂ.30,000 ಸ್ಕಾಲರ್‌ಶಿಪ್‌ ಪಡೆಯುವ ಅವಕಾಶ.. ಇಂದೇ ಅರ್ಜಿ ಹಾಕಿ ನೇರ ಲಿಂಕ್‌ ಇಲ್ಲಿದೆ

ಬಿಎಸ್‌ಇಎಸ್‌ ಯಮುನಾ ಪವರ್ ಲಿಮಿಟೆಡ್‌ ಕಡೆಯಿಂದ ಪದವಿ ಓದುವ ವಿದ್ಯಾರ್ಥಿಗಳಿಗೆ ಸ್ಕಾಲರ್‌ಶಿಪ್‌ ನೀಡಲಾಗುತ್ತದೆ. ಬಿಎಸ್‌ಇಎಸ್‌ ಯಮುನಾ ಪವರ್ ಲಿಮಿಟೆಡ್‌ ಒಂದು ಪವರ್‌ ವಿತರಣಾ ಕಂಪನಿ ಆಗಿದೆ. ಈ ಕಂಪನಿಯು ತನ್ನ ಸಾಮಾಜಿಕ ಜವಾಬ್ದಾರಿ ಕಾರ್ಯಕ್ರಮದ ಅಂಗವಾಗಿ ಡಿಗ್ರಿ ಫೈನಲ್‌ ಇಯರ್‌ ವಿದ್ಯಾರ್ಥಿಗಳಿಗೆ ವಿದ್ಯಾರ್ಥಿವೇತನ ನೀಡುತ್ತಿದೆ. ಇದೀಗ 2024-25ನೇ ಸಾಲಿನ ಸ್ಕಾಲರ್‌ಶಿಪ್‌ ವಿತರಣೆಗೆ ಅರ್ಜಿ ಕರೆಯಲಾಗಿದೆ. 

ಸಮಾಜದ ಹಿಂದುಳಿದ ವರ್ಗಗಳ ವಿದ್ಯಾರ್ಥಿಗಳು ಈ ಸದಾವಕಾಶವನ್ನು ಬಳಸಿಕೊಳ್ಳಬಹುದು. ಉನ್ನತ ಶಿಕ್ಷಣ ಕನಸನ್ನು ನನಸು ಮಾಡಲು ಸಹಾಯ ಮಾಡುವ ಉದ್ದೇಶದಿಂದ ಬಿಎಸ್‌ಇಎಸ್‌ ಯಮುನಾ ಪವರ್ ಲಿಮಿಟೆಡ್‌ 'ಬಿವೈಪಿಎಲ್ ಸಶಕ್ತ್‌ ಸ್ಕಾಲರ್‌ಶಿಪ್‌' ನೀಡುತ್ತಿದೆ. ಅರ್ಹ ವಿದ್ಯಾರ್ಥಿಗಳು ಈ ಹಣಕಾಸು ಸೌಲಭ್ಯವನ್ನು ಪಡೆಯಬಹುದು. 

ಇದನ್ನೂ ಓದಿ: ಕೋಳಿಗಳು ಮುಂಜಾನೆ ಹೊತ್ತಿನಲ್ಲೇ ಹೆಚ್ಚು ಕೂಗುತ್ತವೆ ಏಕೆ..? ಇಲ್ಲಿದೆ ನೋಡಿ ಆಶ್ಚರ್ಯಕರ ಮಾಹಿತಿ

ಅರ್ಜಿ ಸಲ್ಲಿಸಲು ಅರ್ಹತೆ, ವಿಧಾನ ಇತರೆ ಡೀಟೇಲ್ಸ್‌ ಕೆಳಗಿನಂತಿದೆ ನೋಡಿ; 

ಸ್ಕಾಲರ್‌ಶಿಪ್‌ ಹೆಸರು- ಬಿವೈಪಿಎಲ್ ಸಶಕ್ತ್‌ ಸ್ಕಾಲರ್‌ಶಿಪ್‌
ಸ್ಕಾಲರ್‌ಶಿಪ್‌ ಮೊತ್ತ - ವಾರ್ಷಿಕ ರೂ.30,000.
ಅರ್ಜಿ ಸಲ್ಲಿಸಲು ಕೊನೆಯ ದಿನಾಂಕ- 07-01-2024

ಸ್ಕಾಲರ್‌ಶಿಪ್‌ ಗೆ ಅರ್ಜಿ ಸಲ್ಲಿಸಲು ಬೇಕಾದ ಅರ್ಹತೆಗಳು;

1) ಭಾರತೀಯ ಪ್ರಜೆಗಳಾಗಿರಬೇಕು.
2) ದೆಹಲಿ ವ್ಯಾಪ್ತಿಯ ವಿದ್ಯಾರ್ಥಿಗಳು ಮಾತ್ರ ಈ ಸ್ಕಾಲರ್‌ಶಿಪ್‌ ಗೆ ಅರ್ಜಿ ಸಲ್ಲಿಸಬಹುದು.
3) ಯಾವುದೇ ಪದವಿಯ ಅಂತಿಮ ವರ್ಷದ ವಿದ್ಯಾರ್ಥಿಗಳು ಅರ್ಜಿ ಹಾಕಬಹುದು.
4) ಅಂತಿಮ ಸೆಮಿಸ್ಟರ್ / ವರ್ಷದ ಪರೀಕ್ಷೆಯಲ್ಲಿ ಕನಿಷ್ಠ ಶೇಕಡ.55 ಅಂಕಗಳನ್ನು ಪಡೆದಿರುವುದು ಕಡ್ಡಾಯ.
5) ವಿದ್ಯಾರ್ಥಿಗಳ ಕುಟುಂಬದ ವಾರ್ಷಿಕ ಆದಾಯ 6,00,000 ರೂಪಾಯಿಗಿಂತ ಒಳಗಿರಬೇಕು.

ಸ್ಕಾಲರ್‌ಶಿಪ್‌ ಗೆ ಅರ್ಜಿ ಸಲ್ಲಿಸಲು ಬೇಕಾದ ದಾಖಲೆಗಳು;

1) ಪಾಸ್‌ಪೋರ್ಟ್‌ ಅಳತೆಯ ಫೋಟೊ
2) ಆಧಾರ್ ಕಾರ್ಡ್
3) ವಾರ್ಷಿಕ ಆದಾಯ ಪ್ರಮಾಣಪತ್ರ
4) ಎಸ್‌ಎಸ್‌ಎಲ್‌ಸಿ, ದ್ವಿತೀಯ ಪಿಯುಸಿ ಮಾರ್ಕ್ಸ್‌ ಕಾರ್ಡ್‌
5) ಕಾಲೇಜು ಫೀಸ್ ರಿಸಿಪ್ಟ್.
6)‌ ಬ್ಯಾಂಕ್‌ ಪಾಸ್‌ ಬುಕ್‌ ಸ್ಕ್ಯಾನ್‌ ಕಾಪಿ.

ಅರ್ಜಿ ಹಾಕುವ ವಿಧಾನ: 

ಬಿವೈಪಿಎಲ್ ಸಶಕ್ತ್‌ ಸ್ಕಾಲರ್‌ಶಿಪ್‌ ಗೆ ಅರ್ಜಿ ಸಲ್ಲಿಸಲು https://www.buddy4study.com/page/bypl-sashakt-scholarship ಆನ್‌ಲೈನ್‌ ಡೈರೆಕ್ಟ್‌ ಲಿಂಕ್‌ ಕ್ಲಿಕ್ ಮಾಡಿ. ತವೆಬ್‌ಪೇಜ್‌ನಲ್ಲಿ ಸ್ಕ್ರಾಲ್‌ ಡೌನ್‌ ಮಾಡಿದಾಗ 'Apply Now' ಎಂದು ಕಾಣುವುದು. ಅಲ್ಲಿ ಕ್ಲಿಕ್‌ ಮಾಡಿ. ಈ ಹಂತದಲ್ಲಿ ಪಾಪಪ್‌ ಆಗುವ ವೆಬ್‌ಪೇಜ್‌ ಮೇಲೆ ಗೂಗಲ್‌ ಮೇಲ್, ಇ-ಮೇಲ್, ಮೊಬೈಲ್‌ ನಂಬರ್ ಈ ಯಾವುದೇ ಮಾದರಿ ಮೂಲಕ ಲಾಗಿನ್‌ ಆಗಿ. ಬಳಿಕ ಸ್ಕಾಲರ್‌ಶಿಪ್‌ ಗೆ ಅರ್ಜಿ ಸಲ್ಲಿಸಬಹುದು.