ತಮಿಳುನಾಡಿನ ಆರ್.ಕೆ.ನಗರ ವಿಧಾನಸಭೆ ಉಪಚುನಾವಣೆಗೆ ದಿನಾಂಕ ನಿಗದಿ

ನವದೆಹಲಿ: ತಮಿಳುನಾಡಿನ ರಾಧಾಕೃಷ್ಣನ್ ನಗರ ಕ್ಷೇತ್ರದ ಉಪಚುನಾವಣೆ ಡಿಸೆಂಬರ್ 21 ರಂದು ನಡೆಯಲಿದ್ದು, ಡಿಸೆಂಬರ್ 24 ರಂದು ಮತ ಎಣಿಕೆ ನಡೆಯಲಿದೆ ಎಂದು ಚುನಾವಣಾ ಆಯೋಗ ಪ್ರಕಟಿಸಿದೆ.

ಅದೇ ದಿನಗಳಂದು ಉತ್ತರಪ್ರದೇಶದ ಸಿಕಂದ್ರಾ, ಪಶ್ಚಿಮ ಬಂಗಾಳದ ಸಬಂಗ್ ಮತ್ತು ಅರುಣಾಚಲ ಪ್ರದೇಶದ ಪಕ್ಕೇ-ಕಾಸಂಗ್ ಮತ್ತು ಲಿಕಾಬಲಿ ಕ್ಷೇತ್ರಗಳಲ್ಲೂ ಸಹ ಉಪಚುನಾವಣೆ ನಡೆಯಲಿದೆ. ಡಿ.4 ರಂದು ನಾಮಪತ್ರ ಸಲ್ಲಿಕೆಗೆ ಕೊನೆಯ ದಿನವಾಗಿದ್ದು, ಡಿ.5 ರಿಂದ ನಾಮಪತ್ರ ಪರಿಶೀಲನೆ ನಡೆಯಲಿದೆ. ನಾಮಪತ್ರ ವಾಪಸ್ ಪಡೆಯಲು ಡಿ.7 ಕೊನೆಯ ದಿನವಾಗಿದೆ. 

ಈ ಹಿಂದೆ ಆರ್.ಕೆ.ನಗರ ಉಪಚುನಾವಣೆಗೆ ನಿಗದಿಗೊಂಡಿದ್ದ ದಿನಾಂಕವನ್ನು ರಾಜಕೀಯ ಪಕ್ಷಗಳು ಹಣ ಹಂಚಿದ್ದವು ಎಂಬ ಆರೋಪ ಕೇಳಿಬಂದ ಹಿನ್ನೆಲೆಯಲ್ಲಿ ಚುನಾವಣಾ ಆಯೋಗವು ಏಪ್ರಿಲ್ 10ರಂದು ಆ ದಿನಾಂಕವನ್ನು ರದ್ದುಪಡಿಸಿತ್ತು. ಡಾ. ರಾಧಾಕೃಷ್ಣನ್ ನಗರ ಕ್ಷೇತ್ರವನ್ನು ಆರ್.ಕೆ.ನಗರ ಎಂದು ಕರೆಯಲಾಗುತ್ತಿದ್ದು, ತಮಿಳುನಾಡಿನ ಮಾಜಿ ಮುಖ್ಯಮಂತ್ರಿ ಜೆ.ಜಯಲಲಿತಾ ಅವರು 2016ರ ಡಿಸೆಂಬರ್ನಲ್ಲಿ ನಿಧನ ಹೊಂದಿದ ನಂತರ ಸ್ಥಾನ ತೆರವುಗೊಂಡಿತ್ತು. 

ತಮಿಳುನಾಡು ಮುಖ್ಯಮಂತ್ರಿ ಎಡಪ್ಪಾಡಿ ಕೆ ಪಳನಿಸ್ವಾಮಿ ಮತ್ತು ಉಪ ಮುಖ್ಯಮಂತ್ರಿ ಒ ಪನ್ನೀರ್ಸೆಲ್ವಮ್ ನೇತೃತ್ವದ ಏಕೀಕೃತ ಪಕ್ಷಕ್ಕೆ ಎಐಎಡಿಎಂಕೆನ ಪ್ರತಿಮಾರೂಪದ 'ಎರಡು ಎಲೆ'ಗಳನ್ನೊಳಗೊಂಡ  ಚಿಹ್ನೆಯನ್ನು ಚುನಾವಣಾ ಆಯೋಗವು ನೀಡಿದ ನಂತರ ಉಪ ಚುನಾವಣೆಯನ್ನು ಘೋಷಣೆ ಮಾಡಿದೆ. ಕಳೆದ ಬಾರಿ ಉಪಚುನಾವಣೆ ಘೋಷಿಸಿದ ಸಂದರ್ಭದಲ್ಲಿ ಈ ಇಬ್ಬರು ನಾಯಕರು ಪಕ್ಷದ ವಿಭಜಿತ ಗುಂಪುಗಳನ್ನು ವಿರೋಧಿಸಿದ್ದರು. ಆ ಸಂದರ್ಭದಲ್ಲಿ ಎರಡೂ ಬಣಗಳು ಉಪಚುನಾವಣೆಗೆ ತಮ್ಮ ಅಭ್ಯರ್ಥಿಗಳನ್ನು ಹೆಸರಿಸಿದ್ದವು.

ಎಐಎಡಿಎಂಕೆ ಪಕ್ಷದ ಟಿಟಿವಿ ದಿನಕಾರನ್ ನೇತೃತ್ವದ ವಿ.ಕೆ. ಶಶಿಕಾಲಾ ಬಣವು ಈ ಉಪಚುನಾವಣೆಯಲ್ಲಿ ಸ್ಪರ್ಧಿಸಲಿದೆಯೇ ಎಂಬುದು ಇನ್ನೂ ಸ್ಪಷ್ಟವಾಗಿಲ್ಲ. ಪಕ್ಷದ ನಾಯಕಿ ಜಯಲಲಿತಾ ಮರಣದ ನಂತರದ ತಿಂಗಳಿನಲ್ಲಿ ಪಕ್ಷದ ಬಣಗಳ ನಡುವೆ ಉಂಟಾದ ಭಿನ್ನಾಭಿಪ್ರಾಯಗಳು ಜನರಿಂದ ಸಹಾನುಭೂತಿ ಮತದ ಲಾಭವನ್ನು ಕಳೆದುಕೊಳ್ಳಲಿದೆ ಎಂದು ಗ್ರಹಿಸಲಾಗಿದೆ.