ಮಂಗಳ ಗ್ರಹದಲ್ಲಿ ಹಸಿರು ಬಣ್ಣಕ್ಕೆ ತಿರುಗುತ್ತೆ ಮಾನವನ ದೇಹ.. ಕಣ್ಣುಗಳ ಮೇಲೂ ಆಗುತ್ತೆ ಈ ಪರಿಣಾಮ!

ಬೆಂಗಳೂರು: ಹವಾಮಾನ ಬದಲಾವಣೆ ಮತ್ತು ಜಾಗತಿಕ ತಾಪಮಾನದ ಕಾರಣದಿಂದಾಗಿ, ಭೂಮಿಯು ಇನ್ನು ಕೆಲ ವರ್ಷಗಳ ಬಳಿಕ ಮನುಷ್ಯರ ವಾಸಕ್ಕೆ ಯೋಗ್ಯವಾಗಿರುವುದಿಲ್ಲ. ಸ್ಟೀಫನ್ ಹಾಕಿಂಗ್ ಸೇರಿದಂತೆ ಅನೇಕ ಪ್ರಸಿದ್ಧ ವಿಜ್ಞಾನಿಗಳು ಮಾನವರು ಭೂಮಿಯನ್ನು ತೊರೆದು ಬೇರೆ ಯಾವುದಾದರೂ ಗ್ರಹದಲ್ಲಿ ನೆಲೆಸಬೇಕಾಗಬಹುದು ಎಂದು ಹೇಳಿದ್ದಾರೆ. ಮಂಗಳ ಗ್ರಹದಲ್ಲಿ ನೆಲೆಸುವ ಕನಸು ಮನುಷ್ಯ ಬಹಳ ಹಿಂದಿನಿಂದಲೂ ಇದೆ. ಈ ಕನಸನ್ನು ನನಸು ಮಾಡಲು ಸ್ಪೇಸ್‌ಎಕ್ಸ್ ಮಾಲೀಕ ಎಲೋನ್ ಮಸ್ಕ್ ಶ್ರಮಿಸುತ್ತಿದ್ದಾರೆ. ಆದರೆ, ಮಂಗಳದ ಕಠಿಣ ಪರಿಸ್ಥಿತಿ ಮಾನವ ದೇಹದ ಮೇಲೆ ಅತ್ಯಂತ ಪ್ರತಿಕೂಲ ಪರಿಣಾಮ ಬೀರಬಹುದು.

ಇದನ್ನೂ ಓದಿ: ಚಳಿಗಾಲದ ಒಣ ಕೆಮ್ಮಿಗೆ ಇಲ್ಲಿದೆ 5 ಬೆಸ್ಟ್‌ ಮನೆಮದ್ದು: ರಾತ್ರಿ ಕುಡಿದರೆ ಬೆಳಗಾಗುವುದರಲ್ಲೇ ಗೋಚರಿಸುತ್ತೆ ಪರಿಣಾಮ!

ತಜ್ಞರ ಪ್ರಕಾರ, ಮಂಗಳದ ಪರಿಸ್ಥಿತಿಗಳು ಮಾನವ ದೇಹದಲ್ಲಿ ಅನೇಕ ಅಪಾಯಕಾರಿ ಬದಲಾವಣೆಗಳನ್ನು ತರಬಹುದು. ದೃಷ್ಟಿ ದುರ್ಬಲಗೊಳ್ಳಬಹುದು, ದೇಹ ಹಸಿರು ಬಣ್ಣಕ್ಕೆ ತಿರುಗಬಹುದು. ಅಮೇರಿಕನ್ ಜೀವಶಾಸ್ತ್ರಜ್ಞರೊಬ್ಬರು ಮಂಗಳ ಗ್ರಹದಲ್ಲಿ ಮನುಷ್ಯರು ಬದುಕುವುದು ತುಂಬಾ ಕಷ್ಟ ಎಂದು ಹೇಳುತ್ತಾರೆ. 

ಮಂಗಳ ಗ್ರಹದಲ್ಲಿ ಮಾನವ ದೇಹದ ಮೇಲಾಗುವ ಪರಿಣಾಮ: 

ಟೆಕ್ಸಾಸ್‌ನ ರೈಸ್ ವಿಶ್ವವಿದ್ಯಾನಿಲಯದ ಜೀವಶಾಸ್ತ್ರಜ್ಞ ಡಾ. ಸ್ಕಾಟ್ ಸೊಲೊಮನ್, ಮಂಗಳ ಗ್ರಹದ ಮೇಲೆ ಮಾನವರಲ್ಲಿ ಭಾರೀ ರೂಪಾಂತರಗಳಾಗಬಹುದು ಎಂದು ಎಚ್ಚರಿಸಿದ್ದಾರೆ. ಮಂಗಳ ಗ್ರಹದಲ್ಲಿ ವಾಸಿಸುವ ಮಾನವರು ಮಕ್ಕಳಿಗೆ ಜನ್ಮ ನೀಡಿದರೆ ಅವರಲ್ಲಿ ಅನೇಕ ರೂಪಾಂತರಗಳು ಮತ್ತು ವಿಕಾಸಾತ್ಮಕ ಬದಲಾವಣೆಗಳನ್ನು ಕಾಣಬಹುದು ಎಂದು ಅವರು ಹೇಳಿದರು. ಕಡಿಮೆ ಗುರುತ್ವಾಕರ್ಷಣೆ ಮತ್ತು ಹೆಚ್ಚಿನ ವಿಕಿರಣದಿಂದಾಗಿ ಈ ರೂಪಾಂತರಗಳು ಸಂಭವಿಸುತ್ತವೆ. ಚರ್ಮ ಹಸಿರು ಬಣ್ಣಕ್ಕೆ ತಿರುಗಬಹುದು, ಸ್ನಾಯುಗಳು ಮತ್ತು ಮೂಳೆಗಳು ದುರ್ಬಲವಾಗಬಹುದು, ದೃಷ್ಟಿ ಕಡಿಮೆಯಾಗಬಹುದು.

ಭೂಮಿಗೆ ಹೋಲಿಸಿದರೆ ಮಂಗಳವು ಚಿಕ್ಕ ಗ್ರಹವಾಗಿದೆ. ಇದರ ಗುರುತ್ವಾಕರ್ಷಣೆಯು ನಮ್ಮ ಗ್ರಹಕ್ಕಿಂತ 30 ಪ್ರತಿಶತ ಕಡಿಮೆಯಾಗಿದೆ. ಕೆಂಪು ಗ್ರಹವು ಓಝೋನ್ ಪದರ ಮತ್ತು ಭೂಮಿಯಂತೆ ಕಾಂತೀಯ ಕ್ಷೇತ್ರವನ್ನು ಹೊಂದಿಲ್ಲ. ಇವೆರಡೂ ಭೂಮಿಯನ್ನು ಬಾಹ್ಯಾಕಾಶ ವಿಕಿರಣ, ಕಾಸ್ಮಿಕ್ ಕಿರಣಗಳು, ನೇರಳಾತೀತ ಕಿರಣಗಳು ಮತ್ತು ಸೂರ್ಯನಿಂದ ಹೊರಹೊಮ್ಮುವ ಚಾರ್ಜ್ಡ್ ಕಣಗಳಿಂದ ರಕ್ಷಿಸುತ್ತವೆ. ಮಂಗಳ ಗ್ರಹದಲ್ಲಿ ಅಂತಹ ಯಾವುದೇ ಸುರಕ್ಷತಾ ಕಾರ್ಯವಿಧಾನವಿಲ್ಲ.

ಇದನ್ನೂ ಓದಿ: ಪಕ್ಷದ ಹಿತದೃಷ್ಟಿಯಿಂದ ಸಿದ್ದರಾಮಯ್ಯ ರಾಜೀನಾಮೆ ನೀಡಲಿ: ಕೆಬಿ ಕೋಳಿವಾಡ