ದೇಶಿ ವಿಮಾನದಲ್ಲಿ ಇನ್ನು ಮುಂದೆ ಇಲ್ಲ ಊಟದ ಸೌಲಭ್ಯ..!

ನವದೆಹಲಿ: ಗುರುವಾರದಿಂದ COVID-19 ಸೋಂಕಿನ ಅಪಾಯವನ್ನು ಕಡಿಮೆ ಮಾಡಲು ಎರಡು ಗಂಟೆಗಳ ಒಳಗೆ ಸಂಚಾರವನ್ನು ಹೊಂದಿರುವ ದೇಶೀಯ ವಿಮಾನಗಳಲ್ಲಿ ಯಾವುದೇ ಊಟದ ಸೌಲಭ್ಯ ಇರುವುದಿಲ್ಲ ಎಂದು ನಾಗರಿಕ ವಿಮಾನಯಾನ ಸಚಿವಾಲಯ ಸೋಮವಾರ ತಿಳಿಸಿದೆ.

ದೇಶದಲ್ಲಿ ಕೊರೊನಾ ಅಲೆ ತೀವ್ರ ಸ್ವರೂಪವನ್ನು ಪಡೆದುಕೊಳ್ಳುತ್ತಿರುವ ಹಿನ್ನಲೆಯಲ್ಲಿ ಸರ್ಕಾರದ ಈ ಹೇಳಿಕೆ ಬಂದಿದೆ. ಭಾರತ ದೇಶವು ಈಗ ಬ್ರೆಜಿಲ್ ದೇಶವನ್ನು ಹಿಂದಿಕ್ಕಿ ಅತಿ ಹೆಚ್ಚು ಕೊರೊನಾ ಪ್ರಕರಣಗಳು ಹೊಂದಿರುವ ದೇಶಗಳಲ್ಲಿ ಎರಡನೇ ಸ್ಥಾನವನ್ನು ಹೊಂದಿದೆ.

ವಿಮಾನಗಳಿಗಾಗಿ ಹೊಸ ನಿಯಮಗಳನ್ನು ಹೊರಡಿಸಿದ ಸಚಿವಾಲಯ, ಸೋಮವಾರ, ವಿಮಾನಯಾನ ಸಂಸ್ಥೆಗಳು ಎರಡು ಗಂಟೆಗಳಿಗಿಂತ ಹೆಚ್ಚು ಸಮಯದ ವಿಮಾನಗಳಲ್ಲಿ ಬಿಸಾಡಬಹುದಾದ ಕಟ್ಲರಿ ಮತ್ತು ಪ್ಲೇಟ್‌ಗಳೊಂದಿಗೆ ಪೂರ್ವ ಪ್ಯಾಕೇಜ್ ಮಾಡಿದ ಊಟವನ್ನು ನೀಡಬಹುದು.ಕ್ರ್ಯೂ ಪ್ರತಿ ಊಟ / ಪಾನೀಯ ಸೇವೆಗೆ ಹೊಸ ಕೈಗವಸುಗಳನ್ನು ಧರಿಸಬೇಕು ಎಂದು ಅದು ಹೇಳಿದೆ.

ಇದನ್ನೂ ಓದಿ : Bus Strike: ಐದನೇ ದಿನಕ್ಕೆ ಕಾಲಿಟ್ಟ ಸಾರಿಗೆ ನೌಕರರ ಮುಷ್ಕರ; ಇದಕ್ಕೆ ಸರ್ಕಾರದ ಅಭಿಪ್ರಾಯವೇನು?

ಕಳೆದ ವರ್ಷ ಕರೋನವೈರಸ್ (Corona Cases)  ಲಾಕ್‌ಡೌನ್ ನಂತರ ನಿಗದಿತ ದೇಶೀಯ ವಿಮಾನಗಳನ್ನು ಮೇ 25 ರಂದು ಪುನರಾರಂಭಿಸಿದಾಗ, ಕೆಲವು ಷರತ್ತುಗಳ ಅಡಿಯಲ್ಲಿ ವಿಮಾನಯಾನ ಸಂಸ್ಥೆಗಳಿಗೆ ವಿಮಾನಯಾನದಲ್ಲಿ ಊಟದ ಸೇವೆಗೆ ಸಚಿವಾಲಯ ಅನುಮತಿ ನೀಡಿತ್ತು.

ಇದನ್ನೂ ಓದಿ : Maharashtra: ಕೊರೊನಾ ಹೆಚ್ಚಳದ ಹಿನ್ನಲೆ 10,12 ನೇ ತರಗತಿ ಬೋರ್ಡ್ ಪರೀಕ್ಷೆ ಮುಂದೂಡಿಕೆ

'COVID-19 ಮತ್ತು ಅದರ ರೂಪಾಂತರಗಳ ಹೆಚ್ಚುತ್ತಿರುವುದನ್ನು ಪರಿಗಣಿಸಿ ದೇಶೀಯ ವಿಮಾನಗಳಲ್ಲಿ ಆನ್-ಬೋರ್ಡ್  ಊಟ ಸೇವೆಗಳನ್ನು ಪರಿಶೀಲಿಸಲು ನಿರ್ಧರಿಸಿದೆ ಎಂದು ಸಚಿವಾಲಯ ಹೇಳಿದೆ.