ನವದೆಹಲಿ: ಜನಸಾಮಾನ್ಯರಿಗೆ ಈ ಹೊಸ ವರ್ಷಕ್ಕಾಗಿ ಕೇಂದ್ರ ಸರ್ಕಾರ ಭರ್ಜರಿ ಉದುಗೊರೆಯನ್ನೇ ನೀಡಿದೆ. ಡಿಸೆಂಬರ್ 22 ರಂದು ನಡೆದ ಸರಕು ಮತ್ತು ಸೇವಾ ತೆರಿಗೆ (ಜಿಎಸ್‏ಟಿ) ಯ ಸಭೆಯಲ್ಲಿ  23 ವಸ್ತುಗಳ ಮೇಲಿನ ಜಿಎಸ್‏ಟಿ ದರವನ್ನು ಇಳಿಕೆ ಮಾಡಲು ನಿರ್ಧರಿಸಿದ್ದು, ಇಂದಿನಿಂದ ಇದು ಜಾರಿಗೆ ಬರುವಂತೆ ಅಧಿಸೂಚನೆ ಹೊರಡಿಸಲಾಗಿದೆ. ಇದರಲ್ಲಿ ಸಿನಿಮಾ ಟಿಕೆಟ್ ನಿಂದ ಹಿಡಿದು, TV, ಮಾನಿಟರ್ ಸ್ಕ್ರೀನ್ ಸೇರಿದಂತೆ ಹಲವು ವಸ್ತುಗಳು ಒಳಗೊಂಡಿವೆ.


COMMERCIAL BREAK
SCROLL TO CONTINUE READING

ಮಂಗಳವಾರದಿಂದ ಗ್ರಾಹಕರಿಗೆ ಈ ವಸ್ತುಗಳನ್ನು ಕಡಿಮೆ ದರದಲ್ಲಿ ಕೊಳ್ಳಬಹುದು. ಜನವರಿ 1 ರಿಂದ, ಈ ವಸ್ತುಗಳ ಮೇಲೆ ಜಿಎಸ್‏ಟಿ ದರವನ್ನು ಇಳಿಕೆ ಮಾಡಲಾಗಿದ್ದು, ಅವುಗಳ ಬೆಲೆ ಕಡಿಮೆಯಾಗಿದೆ. 


ಜಿಎಸ್‏ಟಿ ಕೌನ್ಸಿಲ್ ತನ್ನ ಕೊನೆಯ ಸಭೆಯಲ್ಲಿ ಈ ಸರಕು ಮತ್ತು ಸೇವೆಗಳ ಮೇಲೆ 28 ಪ್ರತಿಶತದಷ್ಟು ದರವನ್ನು ಕಡಿಮೆ ಮಾಡಿತು. ಇನ್ನೂ ಕೆಲವು ವಸ್ತುಗಳ ಮೇಲಿನ ಜಿಎಸ್‏ಟಿ ದರವನ್ನು ಶೇ. 18 ರಿಂದ ಶೇ. 12ಕ್ಕೆ ಇಳಿಸಲಾಗಿದೆ.  ಈಗ ಕೇವಲ 28 ವಸ್ತುಗಳ ಮೇಲೆ ಮಾತ್ರ ಶೇ.28 ಜಿಎಸ್‏ಟಿ ದರ ವಿಧಿಸಲಾಗುತ್ತದೆ. 


ಐಷಾರಾಮಿ 34 ವಸ್ತುಗಳನ್ನು ಹೊರತು ಪಡಿಸಿ, ಮಿಕ್ಕೆಲ್ಲಾ ವಸ್ತುಗಳನ್ನು ಶೇ. 28ರ ಸ್ಲ್ಯಾಬ್ ನಿಂದ ಶೇ. 18ಕ್ಕೆ ಇಳಿಸಲಾಗಿದ್ದು, ಇದರಿಂದ ಜನಸಮಾನ್ಯರಿಗೆ ತೆರಿಗೆ ದರದ ಭಾರ ಕಡಿಮೆಯಾಗಿದೆ. ಇನ್ನು ಸಿನಿಮಾ ಟಿಕೆಟ್ ಗಳ ದರದಲ್ಲಿ. 100 ರೂಪಾಯಿಗಿಂತ ಹೆಚ್ಚು ಬೆಲೆಯ ಟಿಕೆಟ್ ಗಳಿಗೆ ಶೇಕಡಾ 28% ಬದಲು 18% ಜಿಎಸ್‏ಟಿ ತೆರಿಗೆ ನಿಗದಿಯಾಗಿದೆ. 100 ರೂಪಾಯಿಗಿಂತ ಕಡಿಮೆ ಬೆಲೆಯ ಟಿಕೆಟ್ ಗಳಿಗೆ ಶೇಕಡಾ 18% ಬದಲು 12% ನಿಗದಿಯಾಗಿದೆ.


ಈ ಎಲ್ಲಾ ವಸ್ತುಗಳು ಅಗ್ಗ:
- ಸಿಮೆಂಟ್, ವಾಹನ ಭಾಗಗಳು, ಟೈರ್, ಎಸಿ ಮತ್ತು ಟಿವಿಗಳ ಮೇಲೆ 18 ಪ್ರತಿಶತ ಜಿಎಸ್‏ಟಿ
- ಧಾರ್ಮಿಕ ಯಾತ್ರೆಗಳಿಗೆ ಹೋಗುವ ವಿಮಾನಗಳ ಮೇಲಿನ ಜಿಎಸ್‏ಟಿ ದರ ಇಳಿಕೆ.
- 100 ರೂ. ವರೆಗಿನ ಸಿನಿಮಾ ಟಿಕೆಟ್ ಅಗ್ಗ. ರೂ 100 ರವರೆಗೆ ಟಿಕೆಟ್ 12% ಜಿಎಸ್‏ಟಿ
- 100 ರೂ.ಗಿಂತ ಅಧಿಕ ಮೊತ್ತದ ಸಿನಿಮಾ ಟಿಕೆಟ್ ಗೆ 18% ಜಿಎಸ್‏ಟಿ ವಿಧಿಸಲಾಗುವುದು.


ಮಾರ್ಬಲ್ ಗುರುತಿಸದ ಕಲ್ಲುಗಳು, ನೈಸರ್ಗಿಕ ಕಾರ್ಕುಗಳು, ವಾಕಿಂಗ್ ಸ್ಟಿಕ್ಸ್, ಫ್ಲೈ ಆಷ್ನಿಂದ ತಯಾರಿಸಿದ ಇಟ್ಟಿಗೆಗಳು ಇತ್ಯಾದಿಗಳ ಮೇಲಿನ ಜಿಎಸ್‏ಟಿ ಈಗ ಶೇಕಡಾ 5ರ ದರದಲ್ಲಿ ಇರುತ್ತದೆ.


ಸಂಗೀತ ಪುಸ್ತಕಗಳು, ಶೈತ್ಯೀಕರಿಸಿದ ತರಕಾರಿಗಳು, ಬ್ರಾಂಡ್ ಮತ್ತು ಸಂಸ್ಕರಿಸಿದ ತರಕಾರಿಗಳು ಇತ್ಯಾದಿಗಳ ಮೇಲೆ ಈಗ ಜಿಎಸ್‏ಟಿ ಇರುವುದಿಲ್ಲ.


ಜನ-ಧನ್ ಯೋಜನೆಯ ಅಡಿಯಲ್ಲಿ, ತೆರೆದ ಉಳಿತಾಯ ಉಳಿತಾಯ ಖಾತೆಗಳ ಹೊಂದಿರುವವರು ಇನ್ನು ಮುಂದೆ ಬ್ಯಾಂಕುಗಳ ಸೇವೆಗಳಿಗೆ ಜಿಎಸ್‏ಟಿ ನೀಡುವಂತಿಲ್ಲ.


ಸರಕಾರವು ಸೂಚಿಸದ ಅಥವಾ ಚಾರ್ಟರ್ಡ್ ವಿಮಾನಗಳ ಮೂಲಕ ಪ್ರಯಾಣಿಸುವ ಯಾತ್ರಿಗಳಿಗೆ ಈಗ GST ಯನ್ನು ಶೇ. 5 ದರದಲ್ಲಿ ಪಾವತಿಸಬೇಕಾಗುತ್ತದೆ.


ಉತ್ಪನ್ನ

ಮೊದಲ GST ದರ


(% ನಲ್ಲಿ)

ಈಗಿನ GST ದರ


(% ನಲ್ಲಿ) 
LED TV 32"  28 18
ಬಿಲಿಯರ್ಡ್ಸ್     28 18
ಘನೀಕೃತ ತರಕಾರಿಗಳು 5 0
ವೀಲ್ ಚೇರ್ 28 5
ಮ್ಯೂಸಿಕ್ ಬುಕ್     5 0
ರೇಡಿಯಲ್ ಟೈರ್ 28 18
ಲಿಥಿಯಂ ಬ್ಯಾಟರಿ 28 18
100 ರೂ.ವರೆಗಿನ ಸಿನಿಮಾ ಟಿಕೆಟ್ 18 12
ಧಾರ್ಮಿಕ ವಾಯುಯಾನ 18 12ಮತ್ತು 5
ಮೂರನೇ ಪಾರ್ಟಿ ಮೋಟಾರು ವಿಮೆ 18 12

28% ರಿಂದ 18% ಇಳಿಕೆ ಕಂಡ ವಸ್ತುಗಳು:
ವಾಹನಗಳು, ಪ್ರಸರಣ, ಮೃದು ಮತ್ತು ಕ್ರ್ಯಾಂಕ್, ಗೇರ್ ಬಾಕ್ಸ್, 32 ಇಂಚಿನ ಮಾನಿಟರ್ ಮತ್ತು ಟಿವಿ, ಹಳೆಯ ಅಥವಾ ರೇಡಿಯಲ್ ಟೈರ್, ಲಿಥಿಯಂ ಐಯಾನ್ ಬ್ಯಾಟರಿ, ಡಿಜಿಟಲ್ ಕ್ಯಾಮರಾ ಮತ್ತು ವಿಡಿಯೋ ಕ್ಯಾಮೆರಾ ರೆಕಾರ್ಡರ್, ವಿಡಿಯೋ ಗೇಮ್ ಉಪಕರಣಗಳು ಇತರೆ ವಸ್ತುಗಳು.


28% ರಿಂದ 5% :
ದಿವ್ಯಾಂಗಿಗಳಿಗಾಗಿ ತಯಾರಿಸಲ್ಪಪಟ್ಟ ವಸ್ತುಗಳು


18% ನಿಂದ 5% :
ಧಾರ್ಮಿಕ ವಾಯುಯಾನ


12% ರಿಂದ 0% :
ಮ್ಯೂಸಿಕ್ ಬುಕ್


5% ನಿಂದ 0% :
ತರಕಾರಿಗಳು (ಕಚ್ಚಾ ಅಥವಾ ಬೇಯಿಸಿದ ಅಥವಾ ಕತ್ತರಿಸಿದ), ಸಂಸ್ಕರಿಸಿದ ತರಕಾರಿಗಳು (ರಾಸಾಯನಿಕಗಳಿಂದ ಸಂರಕ್ಷಿಸಲಾಗಿದೆ) ಆದರೆ ನೇರವಾಗಿ ತಿನ್ನುವುದು ಸೂಕ್ತವಲ್ಲ.