ತಿರುಪತಿ ಭಕ್ತರಿಗೆ ಗುಡ್ ನ್ಯೂಸ್..! ಆಗಸ್ಟ್ ತಿಂಗಳ ರೂ. 300 ಟಿಕೆಟ್ ಬಿಡುಗಡೆ..!

Tirupati 300rs darshan tickets : ಕಳೆದ ತಿಂಗಳು ಜುಲೈ ತಿಂಗಳ ವಿಶೇಷ ಪ್ರವೇಶ ಟಿಕೆಟ್‌ಗಳನ್ನು ಬಿಡುಗಡೆ ಮಾಡಿರುವುದು ಗೊತ್ತೇ ಇದೆ. ಈ ಹಿನ್ನಲೆಯಲ್ಲಿ ಶ್ರಾವಣ ಮಾಸವಾಗಿರುವುದರಿಂದ ಅಗಸ್ಟ್ ಮಾಸ ಹೆಚ್ಚು ವಿಶೇಷವಾಗಿದೆ. ಮೇ 24ರ ಶುಕ್ರವಾರದಂದು ಟಿಟಿಡಿ ಆಡಳಿತ ವಿಶೇಷ ದರ್ಶನ ಟಿಕೆಟ್‌ಗಳನ್ನು ಬಿಡುಗಡೆ ಮಾಡಿದೆ.

ಈ ತಿಂಗಳ 27 ರಂದು ಪರಕಾಮಣಿ ಸೇವೆ ಮತ್ತು ನವನೀತ ಸೇವೆಯನ್ನು ಟಿಟಿಡಿಯ ಅಧಿಕೃತ ವೆಬ್‌ಸೈಟ್‌ನಲ್ಲಿಯೂ ಲಭ್ಯಗೊಳಿಸಲಾಗುವುದು. ಇವುಗಳಲ್ಲದೆ ನೇರವಾಗಿ ಹೋಗಬಯಸುವ ಭಕ್ತರಿಗೂ ಸರ್ವ ದರ್ಶನ ಟಿಕೆಟ್ ನೀಡಲಾಗುತ್ತದೆ. ಇದಕ್ಕಾಗಿ ಆಧಾರ್ ಕಾರ್ಡ್ ಕೊಂಡೊಯ್ಯಬೇಕು. 12 ವರ್ಷದೊಳಗಿನ ಮಕ್ಕಳು ಯಾವುದೇ ಟಿಕೆಟ್ ಅಗತ್ಯವಿಲ್ಲದೇ ನೇರವಾಗಿ ಸ್ವಾಮಿಯ ದರ್ಶನ ಮಾಡಬಹುದು.

ಇದನ್ನೂ ಓದಿ:'ಗಾಂಧೀಜಿ ಕಾಂಗ್ರೆಸ್ ಕೊನೆಗಾಣಿಸುವ ಕನಸು ಕಂಡಿದ್ದರು, ಅದನ್ನು ಈಗ ರಾಹುಲ್ ಗಾಂಧಿ ಸಾಕಾರಗೊಳಿಸುತ್ತಿದ್ದಾರೆ'

ಆಗಸ್ಟ್ ಮಾಸವು ಶ್ರಾವಣದ ಅತ್ಯಂತ ಮಂಗಳಕರವಾದ ಮಾಸವಾಗಿರುವುದರಿಂದ, ಭಕ್ತರು ತಿರುಮಲ ತಿಮ್ಮಪ್ಪನ ದರ್ಶನ ಪಡೆಯಲು ಹೆಚ್ಚು ಉತ್ಸುಕರಾಗಿರುತ್ತಾರೆ. ಭಕ್ತರಿಗೆ ದರ್ಶನ ಸುಲಭಗೊಳಿಸುವ ಉದ್ದೇಶದಿಂದ ಪ್ರತಿ ತಿಂಗಳು ಟಿಟಿಡಿ ಮೂರು ತಿಂಗಳ ಮುಂಚಿತವಾಗಿ ಶ್ರೀವಾರಿ ದರ್ಶನಕ್ಕಾಗಿ ವಿಶೇಷ ದರ್ಶನ ಬುಕ್ಕಿಂಗ್‌ ವ್ಯವಸ್ಥೆಯನ್ನು ಜಾರಿಗೆ ತಂದಿದೆ.

ಈ ಹಿನ್ನೆಲೆಯಲ್ಲಿ ಇಂದು ಬೆಳಗ್ಗೆ 10 ಗಂಟೆಯಿಂದಲೇ ಆಗಸ್ಟ್ ತಿಂಗಳ ವಿಶೇಷ ದರ್ಶನ ಟಿಕೆಟ್ ಬಿಡುಗಡೆ ಮಾಡಲಾಗಿದೆ. ಆಗಸ್ಟ್ ತಿಂಗಳಿನಲ್ಲಿ ಕ್ರಮವಾಗಿ 15ನೇ ಏಕಾದಶಿ ಗುರುವಾರ ಮತ್ತು 16ನೇ ಶುಕ್ರವಾರದಂದು ವರಲಕ್ಷ್ಮೀ ವ್ರತವಿದೆ. ಇದಾದ ಬಳಿಕ ಶನಿವಾರ, ಭಾನುವಾರ ಬರುವುದರಿಂದ ಪದ್ಮಾವತಿ ಅಮ್ಮನವರ ದರ್ಶನಕ್ಕಾಗಿ ಭಕ್ತರು ಹೆಚ್ಚಾಗಿ ತಿರುಪತಿಗೆ ಆಗಮಿಸುತ್ತಾರೆ.