`ಇದು ತುಂಬಾ ದೀರ್ಘವಾದ ಬಜೆಟ್, ಅದನ್ನು ಗ್ರಹಿಸಲು ನನಗೆ ಸಾಧ್ಯವಾಗಲಿಲ್ಲ`- ಮನಮೋಹನ್ ಸಿಂಗ್

ನವದೆಹಲಿ: ಮಾಜಿ ಪ್ರಧಾನಿ ಮನಮೋಹನ್ ಸಿಂಗ್ ಅವರು 2020 ರ ಬಜೆಟ್ ನ್ನು ಗ್ರಹಿಸಿಕೊಳ್ಳಲು ತುಂಬಾ ಉದ್ದವಾಗಿದೆ ಎಂದು ಹೇಳಿದ್ದಾರೆ.

2020 ರ ಕೇಂದ್ರದ ಬಜೆಟ್ ಮಂಡಿಸಿದ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಅವರು 160 ನಿಮಿಷಗಳ ಭಾಷಣ ಮಾಡಿ ದಾಖಲೆ ನಿರ್ಮಿಸಿದರು.ಈಗ ಈ ಬಜೆಟ್ ಕುರಿತಾಗಿ ಪ್ರತಿಕ್ರಿಯಿಸಿರುವ ಮಾಜಿ ಪ್ರಧಾನಿ ಹಾಗೂ ಅರ್ಥಶಾಸ್ತ್ರಜ್ಞ ಮನಮೋಹನ್ ಸಿಂಗ್ 'ಇದು ತುಂಬಾ ದೀರ್ಘವಾದ ಬಜೆಟ್, ಅದನ್ನು ನನಗೆ ಗ್ರಹಿಸಲು ಸಾಧ್ಯವಾಗಲಿಲ್ಲ" ಎಂದು ಹೇಳಿದರು.

ಆರ್ಥಿಕ ಕುಸಿತವನ್ನು ನಿಭಾಯಿಸುವ ಕ್ರಮಗಳಲ್ಲದೆ ವ್ಯಕ್ತಿಗಳಿಗೆ ಆದಾಯ ತೆರಿಗೆ ದರ ಕಡಿತ ಮತ್ತು ಲಾಭಾಂಶ ವಿತರಣಾ ತೆರಿಗೆಯನ್ನು ರದ್ದುಪಡಿಸುವುದಾಗಿ ಹಣಕಾಸು ಸಚಿವರು ಘೋಷಿಸಿದರು. ಅನಾರೋಗ್ಯದ ಕಾರಣದಿಂದಾಗಿ ಸುದೀರ್ಘ ಬಜೆಟ್ ಭಾಷಣವನ್ನು ಅವರು ಸಂಕ್ಷಿಪ್ತಗೊಳಿಸಿದರು. ಅವರಿಗೆ ರಕ್ತದೊತ್ತಡ ಕುಸಿದಿದ್ದರಿಂದಾಗಿ ಮಧ್ಯದಲ್ಲಿ ಅವರಿಗೆ ಕುಳಿತುಕೊಳ್ಳಲು ಸೂಚಿಸಲಾಯಿತು.ಇನ್ನೂ ಎರಡು ಪುಟಗಳಿವೆ ಮತ್ತು ಬಜೆಟ್ ಅನ್ನು ಓದಲು ಪರಿಗಣಿಸಬೇಕು ಎಂದು ಹಣಕಾಸು ಸಚಿವರು ಸಂಸತ್ತಿನಲ್ಲಿ ಹೇಳಿದರು.

"ಸುದೀರ್ಘವಾದ ಬಜೆಟ್ ಭಾಷಣವು ಅತ್ಯಂತ ಕಳಪೆ ಬಜೆಟ್ ಆಗಿದೆ. ಹೊಸ ಭಾರತದ ಅಚ್ಚೆ ದಿನ್ ನಂತರ, ಸರ್ಕಾರವು 5 ಟ್ರಿಲಿಯನ್ ಡಾಲರ್ ಆರ್ಥಿಕತೆಯ ಗುರಿಯನ್ನು ಸಹ ತ್ಯಜಿಸಿದೆ ಎಂದು ಈಗ ಕಂಡುಬರುತ್ತದೆ" ಎಂದು ಕಾಂಗ್ರೆಸ್ ನಾಯಕ ಅಹ್ಮದ್ ಪಟೇಲ್ ಹೇಳಿದರು.