Vehicle Re-Registration : ಕೇಂದ್ರ ಸಾರಿಗೆ ಇಲಾಖೆಯಿಂದ ಸಿಹಿ ಸುದ್ದಿ : ವಾಹನ ಮಾಲೀಕತ್ವದ ವರ್ಗಾವಣೆಯಲ್ಲಿ ಮಹತ್ವದ ಬದಲಾವಣೆ!

ನವದೆಹಲಿ : ರಸ್ತೆ ಸಾರಿಗೆ ಮತ್ತು ಹೆದ್ದಾರಿ ಸಚಿವಾಲಯವು ನೋಂದಣಿ ಪ್ರಮಾಣಪತ್ರದಲ್ಲಿ ಒಬ್ಬ ವ್ಯಕ್ತಿಯನ್ನು ನಾಮನಿರ್ದೇಶನ ಮಾಡಲು ವಾಹನದ ಮಾಲೀಕರಿಗೆ ಅನುಕೂಲವಾಗುವಂತೆ ಕೇಂದ್ರ ಮೋಟಾರು ವಾಹನ ನಿಯಮಗಳು, 1989 ರಲ್ಲಿ ಕೆಲವು ಬದಲಾವಣೆಗಳನ್ನು ಮಾಡಿದೆ. ಮಾಲೀಕರ ಮರಣದ ಸಂದರ್ಭದಲ್ಲಿ ಮೋಟಾರು ವಾಹನವನ್ನು ನಾಮನಿರ್ದೇಶಿತ ವ್ಯಕ್ತಿಯ ಹೆಸರಿನಲ್ಲಿ ನೋಂದಾಯಿಸಲು ಅಥವಾ ವರ್ಗಾಯಿಸಲು ಇದು ಸಹಾಯ ಮಾಡುತ್ತದೆ.

ಮಾಲೀಕರು ವಾಹನಗಳ ನೋಂದಣಿ(Vehicle Re-Registration) ಸಮಯದಲ್ಲಿ ನಾಮನಿರ್ದೇಶಿತರ ಹೆಸರನ್ನು ಹಾಕಬಹುದು. ಈ ಪ್ರಕ್ರಿಯೆಯು ದೇಶಾದ್ಯಂತ ತೊಡಕಾಗಿದೆ ಮತ್ತು ಏಕರೂಪವಾಗಿಲ್ಲ. ಅಧಿಸೂಚಿತ ನಿಯಮಗಳ ಪ್ರಕಾರ, ನಾಮನಿರ್ದೇಶಿತರನ್ನು ಉಲ್ಲೇಖಿಸಿದಲ್ಲಿ, ವಾಹನದ ಮಾಲೀಕರು ನಾಮನಿರ್ದೇಶಿತನ ಗುರುತಿನ ಪುರಾವೆಯನ್ನು ಸಲ್ಲಿಸಬೇಕು.

ಇದನ್ನೂ ಓದಿ : ನಾಳೆಯಿಂದ ಮನೆ ಬಾಗಿಲಿಗೆ ವಿತರಣೆಯಾಗಲಿದೆ ಮದ್ಯ ; 'ಎಣ್ಣೆ' Home deliveryಗೂ ಇದೆ App

ವಾಹನದ ಮಾಲೀಕರು ಸಾವಿಗೀಡಾದ ಸಂದರ್ಭದಲ್ಲಿ, ನೋಂದಣಿ ಪ್ರಮಾಣಪತ್ರದಲ್ಲಿ ವಾಹನ ಮಾಲೀಕರಿಂದ ನಾಮನಿರ್ದೇಶನಗೊಂಡ ವ್ಯಕ್ತಿಯ ಹೆಸರಿನಲ್ಲಿ ನೋಂದಣಿ(Registration) ಮಾಡಬಹುದು. ಮೋಟಾರು ವಾಹನದ ಮಾಲೀಕನ ಮರಣದಿಂದ ಮೂರು ತಿಂಗಳ ಅವಧಿಗೆ ವಾಹನವನ್ನು ನಾಮಿನಿಯು ಬಳಸಬಹುದು.ಬಳಿಕ ಸಾಮಾನ್ಯ ಪ್ರಕ್ರಿಯೆ ಮೂಲಕ ವಾಹನದ ಮಾಲೀಕತ್ವದ ವರ್ಗಾವಣೆಗೆ ನಾಮಿನಿ ಅರ್ಜಿ ಸಲ್ಲಿಸಬಹುದು ಎಂದು ಅಧಿಸೂಚನೆಯಲ್ಲಿ ತಿಳಿಸಲಾಗಿದೆ. ವಿಚ್ಛೇದನ, ಆಸ್ತಿಯಲ್ಲಿ ಪಾಲಾದ ಸಂದರ್ಬದಲ್ಲಿ ನಾಮಿನಿಯ ಹೆಸರಿನಲ್ಲಿ ಬದಲಾವಣೆ ಮಾಡಲು ಅವಕಾಶ ಇದೆ.

ಇದನ್ನೂ ಓದಿ : Amazon Prime ಸದಸ್ಯರಿಗೊಂದು ಆಘಾತ ; ಕರೋನಾ ಪ್ರಕರಣ ಹೆಚ್ಚಳ ಹಿನ್ನೆಲೆಯಲ್ಲಿ ಕಂಪನಿ ತೆಗೆದುಕೊಂಡ ನಿರ್ಧಾರ ಇದು

ನೋಂದಣಿ ಪ್ರಮಾಣಪತ್ರದಲ್ಲಿ ಒಬ್ಬ ವ್ಯಕ್ತಿಯನ್ನು ನಾಮನಿರ್ದೇಶನ ಮಾಡಲು ವಾಹನದ ಮಾಲೀಕರಿಗೆ ಅನುಕೂಲವಾಗುವಂತೆ ಕೇಂದ್ರ ಮೋಟಾರು ವಾಹನಗಳ ನಿಯಮ(Motor Vehicles Act)ಗಳು, 1989 ಕ್ಕೆ ತಿದ್ದುಪಡಿ ತರಲು ರಸ್ತೆ ಸಾರಿಗೆ ಮತ್ತು ಹೆದ್ದಾರಿ ಸಚಿವಾಲಯವು ನವೆಂಬರ್ 27, 2020 ರಂದು ಪ್ರಸ್ತಾಪಿಸಿತ್ತು. 

ಇದನ್ನೂ ಓದಿ : ಅಕ್ಟೋಬರ್ ತಿಂಗಳಲ್ಲಿ ಭಾರತಕ್ಕೆ ಅಪ್ಪಳಿಸಲಿದೆ ಕೊರೊನಾ ಮೂರನೇ ಅಲೆ

ಸರ್ಕಾರವು 'ಉದ್ದೇಶಿತ ತಿದ್ದುಪಡಿಯ ಬಗ್ಗೆ ಸಾರ್ವಜನಿಕರು ಮತ್ತು ಎಲ್ಲಾ ಮಧ್ಯಸ್ಥಗಾರರಿಂದ ಸಲಹೆಗಳು ಮತ್ತು ಅಭಿಪ್ರಾಯಗಳನ್ನು ಆಹ್ವಾನಿಸಿದೆ ಎಂದು ಅದು ಹೇಳಿತ್ತು. ಉದ್ದೇಶಿತ ತಿದ್ದುಪಡಿಯ ಅಡಿಯಲ್ಲಿ, 'ಮರಣದ ಸಂದರ್ಭದಲ್ಲಿ ವಾಹನದ ಕಾನೂನುಬದ್ಧ ಉತ್ತರಾಧಿಕಾರಿಯಾಗಿ ಯಾರನ್ನಾದರೂ ನಾಮನಿರ್ದೇಶನ ಮಾಡಲು ಮಾಲೀಕರಿ(Owner)ಗೆ ಅನುವು ಮಾಡಿಕೊಡಲು 'ನಾಮನಿರ್ದೇಶಿತ ವ್ಯಕ್ತಿಯ ಗುರುತಿನ ಪುರಾವೆ, ಯಾವುದಾದರೂ ಇದ್ದರೆ' ಎಂಬ ಹೆಚ್ಚುವರಿ ಖಂಡವನ್ನು ಸೇರಿಸಲು ಪ್ರಸ್ತಾಪಿಸಲಾಗಿದೆ' ಎಂದು ಅದು ಹೇಳಿತ್ತು. 

ಇದನ್ನೂ ಓದಿ : ಶೀಘ್ರದಲ್ಲೇ ಡ್ರೋನ್‌ಗಳ ಮೂಲಕ COVID-19 ಲಸಿಕೆ ವಿತರಣೆ..!

ಮಾಲೀಕರು ಯಾವುದೇ ನಾಮನಿರ್ದೇಶಿತರನ್ನು ನಿರ್ದಿಷ್ಟಪಡಿಸದೇ ಇದ್ದ ಸಂದರ್ಭದಲ್ಲಿ ವಾಹನವನ್ನು ಕಾನೂನುಬದ್ಧ ಉತ್ತರಾಧಿಕಾರಿಗೆ ವರ್ಗಾಯಿಸಲು, ಮಾಲೀಕರು ನಾಮನಿರ್ದೇಶಿತರನ್ನು ನಾಮನಿರ್ದೇಶನ ಮಾಡಲು ಅನುವು ಮಾಡಿಕೊಡಲು ಹೆಚ್ಚುವರಿ ಖಂಡವನ್ನು ಸೇರಿಸಬಹುದು ಎಂದು ಪ್ರಸ್ತಾಪಿಸಲಾಗಿದೆ. ನಾಮನಿರ್ದೇಶಿತನನ್ನು ಈಗಾಗಲೇ ನಿರ್ದಿಷ್ಟಪಡಿಸಿದ ಲ್ಲಿ, ವಾಹನವನ್ನು ಅವನ/ಅವಳ ಹೆಸರಿನಲ್ಲಿ ವರ್ಗಾಯಿಸಲಾಗುತ್ತದೆ.