VIDEO: ಪತಿ ಪ್ರೀತಿಯಿಂದ ಗುಲಾಬಿ ನೀಡಿದರೆ ಪತ್ನಿ ನೀಡಿದ ಉತ್ತರವೇ ಬೇರೆ, ಕೇಳಿದರೆ ನಗು ತಡೆಯುವುದು ಸಾಧ್ಯವೇ ಇಲ್ಲ

ನವದೆಹಲಿ : ಇತ್ತೀಚಿನ ದಿನಗಳಲ್ಲಿ ತುಂಬಾ ರೋಮ್ಯಾಂಟಿಕ್ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ (Social media) ವೈರಲ್ ಆಗುತ್ತಿದೆ. ವಿಡಿಯೋ ನೋಡಿದ ನಂತರ ಜನರು ಕೂಡಾ ಇದಕ್ಕೆ ಪ್ರತಿಕ್ರಿಯಿಸುತ್ತಿದ್ದಾರೆ. ವೈರಲ್ (Viral video) ಆಗಿರುವ ವಿಡಿಯೋದಲ್ಲಿ, ಪತಿಯು ತನ್ನ ಪತ್ನಿಗೊಂದು ಸರ್ಪ್ರೈಜ್ ನೀಡಲು ಬಯಸುತ್ತಾನೆ. ಆದರೆ ಪತಿ ನೀಡಿದ ಸರ್ಪ್ರೈಜ್  ನೋಡಿ, ಪತ್ನಿ ಕೊಟ್ಟ ಉತ್ತರ ಮಾತ್ರ ಬಹಳ ತಮಾಷೆಯಾಗಿತ್ತು. ಪತ್ನಿ ನೀಡಿದ ಉತ್ತರ ವಿಡಿಯೋ ನೋಡಿದವರಿಗೆ ಬಹಳ ಇಷ್ಟವಾಗಿದೆ. 

ಮಾಹಿತಿಯ ಪ್ರಕಾರ, ಈ ವಿಡಿಯೋ (Video) ಬಿಲಾಲ್ ಖಾನ್  ಎಂಬವರದ್ದು. ಬಿಲಾಲ್ ಖಾನ್ ಖುದ್ದು ಅದನ್ನು ಸಾಮಾಜಿಕ ಮಾಧ್ಯಮದಲ್ಲಿ (Social media) ಹಂಚಿಕೊಂಡಿದ್ದಾರೆ. ವೀಡಿಯೋದಲ್ಲಿ, ಅವೃ ತಮ್ಮ ಪತ್ನಿ , ದುವಾ ಸಿದ್ದಿಕಿ ಅವರಿಗೆ ಗುಲಾಬಿ ನೀಡುವ  ಮೂಲಕ ಸಂತೋಷಪಡಿಸಲು ಪ್ರಯತ್ನಿಸುತ್ತಿದ್ದಾರೆ.

ಇದನ್ನೂ ಓದಿ: Viral News: ಪ್ರವಾಹಕ್ಕೆ ಸಿಲುಕಿದ್ದ ಮರಿ ರಕ್ಷಿಸಲು ಈ ಶ್ವಾನ ಏನು ಮಾಡಿದೆ ನೋಡಿ…

ವೈರಲ್ ಆದ ವೀಡಿಯೋದಲ್ಲಿ, (Viral video) ವ್ಯಕ್ತಿ ಕಾರಿನಲ್ಲಿ ಕುಳಿತಿರುವುದು ಕಂಡುಬರುತ್ತದೆ. ಆಗ ತಾನೇ ಮಾರುಕಟ್ಟೆಯಿಂದ ಬಂದಿರುವ ವ್ಯಕ್ತಿ, ಮಾರುಕಟ್ಟೆಯಿಂದ ತಂದಿರುವ ಸಾಮಗ್ರಿಗಳನ್ನು ನೀಡಲು, ಪತ್ನಿಯನ್ನು ಮನೆಯ ಹೊರಗೆ ಕರೆಸಿಕೊಳ್ಳುತ್ತಾನೆ. ಅದನ್ನು ತೆಗೆದುಕೊಳ್ಳಲು ಪತ್ನಿ ಕಾರಿನ ಹತ್ತಿರ ಬರುತ್ತಿದ್ದಂತೆಯೇ, ಪತಿ ಅವರ ಕೈಗೆ ಗುಲಾಬಿ ಹೂವನ್ನು ನೀಡುತ್ತಾನೆ. ಗುಲಾಬಿ ನೋಡುತ್ತಿದ್ದಂತೆ ನಾಚುವ ಪತ್ನಿ, 'ಒಲೆ ಮೇಲೆ ಕೀಮಾ ಇದೆ ನಿಮ್ಮ ಪ್ರೀತಿ ಮುಗಿಯುವುದೇ ಇಲ್ಲ 'ಎನ್ನುತ್ತಾರೆ.