Watch: ಟೀ ಶರ್ಟ್ ಬೆಲೆ 1000 ರೂ. ಅಲ್ಲ, 150 ರೂ.ಎಂದವನಿಗೆ ಕಪಾಳಕ್ಕೆ ಬಾರಿಸಿದ ಮಹಿಳೆ...!

ನವದೆಹಲಿ: ದೆಹಲಿ ಮೆಟ್ರೋದಲ್ಲಿ ಯುವತಿಯೊಬ್ಬಳು ಯುವಕನಿಗೆ ಹಲವು ಬಾರಿ ಕಪಾಳಮೋಕ್ಷ ಮಾಡಿರುವ ವಿಡಿಯೋವೊಂದು ಈಗ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿದೆ.

ಯುವತಿಯೊಬ್ಬಳು ಹುಡುಗನಿಗೆ ಟೀ ಶರ್ಟ್ ವೊಂದನ್ನು 1000 ರೂ.ಗೆ ಖರೀದಿಸಿರುವುದಾಗಿ ಹೇಳಿದ್ದಾಳೆ, ಆದರೆ ಇದಕ್ಕೆ ಪ್ರತಿಯಾಗಿ ಆತನು ಇದರ ಬೆಲೆ 150ಕ್ಕಿಂತ ಹೆಚ್ಚಿಲ್ಲ ಎಂದು ಹೇಳಿದ್ದಾನೆ.ಇದರಿಂದ ಕೆಂಡಾಮಂಡಲವಾಗಿರುವ ಯುವತಿ ಹಲವು ಬಾರಿ ಕಪಾಳಮೋಕ್ಷ ಮಾಡಿದ್ದಾಳೆ.

ಈ ವಿಡಿಯೋದ ಖಚಿತವಾದ ದಿನಾಂಕ ತಿಳಿದಿಲ್ಲ, ಆದರೆ ಇದು ಕೇವಲ ಫ್ರಾಂಕ್ ಮಾಡಿರುವುದೋ ಅಥವಾ ನಿಜವೋ ಎನ್ನುವುದು ತಿಳಿದಿಲ್ಲ. ಆದರೆ ಇದನ್ನು ನೋಡುತ್ತಿದ್ದ ಸಹ ಪ್ರಯಾಣಿಕರು ಮಾತ್ರ ಮೆಟ್ರೋದಲ್ಲಿ ಅವಕ್ಕಾಗಿ ನೋಡುತ್ತಿದ್ದರು.

ಇತ್ತೀಚಿಗಷ್ಟೇ ನೋಯ್ಡಾ ಮೆಟ್ರೋ ನಿಲ್ದಾಣದಲ್ಲಿ ಜನದಟ್ಟಣೆಗೆ ಕಾರಣವಾದ ಹುಟ್ಟುಹಬ್ಬದ ಆಚರಣೆ ಹಿನ್ನೆಲೆಯಲ್ಲಿ ಯೂಟ್ಯೂಬರ್ ಗೌರವ್ ತನೇಜಾ ಅವರನ್ನು ಒಂದು ದಿನದ ಮಟ್ಟಿಗೆ ಬಂಧಿಸಲಾಗಿದೆ.ಕ್ರಿಮಿನಲ್ ಪ್ರೊಸೀಜರ್ ಸಂಹಿತೆಯ (CrPC) ಸೆಕ್ಷನ್ 144 ಮತ್ತು ಸೆಕ್ಷನ್ 188 (ಸಾರ್ವಜನಿಕ ಸೇವಕರು ಸರಿಯಾಗಿ ಘೋಷಿಸಿದ ಆದೇಶಕ್ಕೆ ಅಸಹಕಾರ) ಉಲ್ಲಂಘಿಸಿದ್ದಕ್ಕಾಗಿ ಯೂಟ್ಯೂಬರ್ ನನ್ನು ಬಂಧಿಸಲಾಗಿದೆ.

ಗೌರವ್ ತನೇಜಾ ಅವರ ಪತ್ನಿ ರಿತು ರತೀ ತನೇಜಾ ಅವರ ಹುಟ್ಟುಹಬ್ಬದ ಆಚರಣೆಗೆ ಅನುಯಾಯಿಗಳನ್ನು ಆಹ್ವಾನಿಸಿದ್ದರು.ಇದರ ನಂತರ, ಯೂಟ್ಯೂಬರ್ ಅನ್ನು ಭೇಟಿ ಮಾಡಲು ಸಾವಿರಾರು ಜನರು ಸೆಕ್ಟರ್ 51 ಮೆಟ್ರೋ ನಿಲ್ದಾಣದಲ್ಲಿ ಸೇರಿದ್ದರು.