ಭಾರತ ಅಕ್ರಮ ವಲಸೆಗಾರರಿಗೆ ಧರ್ಮಶಾಲೆಯಾಗಬಾರದು -ಶಿವರಾಜ್ ಸಿಂಗ್ ಚೌಹಾಣ್
ಅಸ್ಸಾಂನಲ್ಲಿ ನಾಗರಿಕರ ರಾಷ್ಟ್ರೀಯ ನೋಂದಣಿ ಪೂರ್ಣಗೊಂಡ ನಂತರ ಅದನ್ನು ಇಡೀ ದೇಶಕ್ಕೆ ವಿಸ್ತರಿಸಲಾಗುವುದು ನವೀಕರಿಸುವುದಾಗಿ ಭಾರತೀಯ ಜನತಾ ಪಕ್ಷ ಹೇಳಿದೆ.
ನವದೆಹಲಿ: ಅಸ್ಸಾಂನಲ್ಲಿ ನಾಗರಿಕರ ರಾಷ್ಟ್ರೀಯ ನೋಂದಣಿ ಪೂರ್ಣಗೊಂಡ ನಂತರ ಅದನ್ನು ಇಡೀ ದೇಶಕ್ಕೆ ವಿಸ್ತರಿಸಲಾಗುವುದು ಎಂದು ಈಗಾಗಲೇ ಭಾರತೀಯ ಜನತಾ ಪಕ್ಷ ಹೇಳಿದೆ.ಈಗ ಇದೇ ಮಾತನ್ನು ಮತ್ತೆ ಮಧ್ಯಪ್ರದೇಶದ ಮಾಜಿ ಮುಖ್ಯಮಂತ್ರಿ ಶಿವರಾಜ್ ಸಿಂಗ್ ಚೌಹಾನ್ ಪುನರುಚ್ಚರಿಸಿದ್ದಾರೆ.
'ಎನ್‌ಆರ್‌ಸಿ ಅಸ್ಸಾಂಗೆ ಮಾತ್ರವಲ್ಲ, ಇದು ಇಡೀ ದೇಶಕ್ಕೆ ಅತ್ಯಗತ್ಯ ಮತ್ತು ನಾವು ಇದನ್ನು ಪೂರ್ಣಗೊಳಿಸುತ್ತೇವೆ. ಯಾರಾದರೂ ಕಾನೂನುಬಾಹಿರವಾಗಿ ಪ್ರವೇಶಿಸಿ ಶಾಶ್ವತವಾಗಿ ಉಳಿಯುವಂತಹ ಧರ್ಮಶಾಲೆಯಾಗಿ ದೇಶವನ್ನು ಪರಿವರ್ತಿಸಲು ನಾವು ಅನುಮತಿಸುವುದಿಲ್ಲ.ಇದನ್ನು ನಾವು ಬದಲಾಯಿಸುತ್ತೇವೆ. ಅಸ್ಸಾಂಗೆ ಸಂಬಂಧಿಸಿದಂತೆ, ದೋಷರಹಿತ ಎನ್‌ಆರ್‌ಸಿ ಪ್ರಕಟವಾಗುವುದನ್ನು ಖಚಿತಪಡಿಸಿಕೊಳ್ಳಲು ಸುಪ್ರೀಂಕೋರ್ಟ್ ಎದುರು ನೋಡುತ್ತೇವೆ ಎಂದರು.
ಪಕ್ಷದ ಕಾರ್ಯಕ್ರಮಗಳಿಗಾಗಿ ಚೌಹಾನ್ ಈಶಾನ್ಯ ರಾಜ್ಯಗಳಿಗೆ ಕ್ಕೆ ಮೂರು ದಿನಗಳ ಭೇಟಿಯಲ್ಲಿದ್ದಾರೆ. ಆಗಸ್ಟ್ 1 ರಂದು ರಾಜ್ಯದಲ್ಲಿ ಸೂಕ್ಷ್ಮ ಕರಡು ಎನ್‌ಆರ್‌ಸಿ ಡೇಟಾವನ್ನು ಬಿಡುಗಡೆ ಮಾಡುವ ಅಸ್ಸಾಂ ಸರ್ಕಾರದ ನಿರ್ಧಾರವನ್ನು ಅವರು ಬೆಂಬಲಿಸಿದರು. ಪ್ರತಿಪಕ್ಷಗಳು ಈಗ ಎನ್‌ಆರ್‌ಸಿ ಮೇಲ್ವಿಚಾರಣೆ ನಡೆಸುತ್ತಿರುವ ಸುಪ್ರೀಂಕೋರ್ಟ್‌ಗೆ ಪತ್ರ ಬರೆಯಲು ನಿರ್ಧರಿಸಿದ್ದು, ಬಿಜೆಪಿ ಸರ್ಕಾರ ಸುಪ್ರೀಂಕೋರ್ಟ್ ನ ಆದೇಶವನ್ನು ಉಲ್ಲಂಘಿಸಿದೆ ಮತ್ತು ರಾಜಕೀಯ ಲಾಭ ಪಡೆಯಲು ಎನ್‌ಆರ್‌ಸಿಯ ಜಿಲ್ಲಾವಾರು ವಿಘಟನೆಯ ಕರಡನ್ನು ಸೋರಿಕೆ ಮಾಡಿದೆ ಎಂದು ಆರೋಪಿಸಿದೆ.
ಅಸ್ಸಾಂನ ಪೌರತ್ವ ಚಾಲನೆಯಲ್ಲಿ ರಾಜ್ಯ ಸರ್ಕಾರ ಗೌಪ್ಯ ಡೇಟಾವನ್ನು ಬಿಡುಗಡೆ ಮಾಡಿದ ನಂತರ ಅಸ್ಸಾಂನಲ್ಲಿ ವಿವಾದ ಭುಗಿಲೆದ್ದಿತು. ಎನ್‌ಆರ್‌ಸಿ ಸಂಯೋಜಕ ಪ್ರತೀಕ್ ಹಜೆಲಾ ಅವರು 2018 ರ ಆಗಸ್ಟ್‌ನಲ್ಲಿ ಮೊಹರು ಮಾಡಿದ ಕವರ್‌ನಲ್ಲಿ ಡೇಟಾವನ್ನು ಸುಪ್ರೀಂ ಕೋರ್ಟ್‌ಗೆ ಸಲ್ಲಿಸಿದ್ದರು. ಕಳೆದ ವರ್ಷ ಸೆಪ್ಟೆಂಬರ್‌ನಲ್ಲಿ ಸುಪ್ರೀಂಕೋರ್ಟ್ ಆದೇಶವೊಂದರಲ್ಲಿ ಮೊಹರು ಕವರ್‌ಗಳಲ್ಲಿ ಸಲ್ಲಿಸಿದ ಗೌಪ್ಯ ವರದಿಗಳು ಸೂಕ್ಷ್ಮವಾಗಿರುವುದರಿಂದ ಯಾರಿಗೂ ಲಭ್ಯವಾಗಬಾರದು ಎಂದು ಹೇಳಿದೆ.