ದೇಶದಲ್ಲೇ ಅತಿ ಹೆಚ್ಚು ವೇತನ ಪಡೆಯುವ ಮುಖ್ಯಮಂತ್ರಿ ಯಾರು ಗೊತ್ತೆ..? ಸಿದ್ದರಾಮಯ್ಯರ ಸಂಬಳ ಎಷ್ಟಿದೆ..?

Chief ministers salary in India : ಮುಖ್ಯಮಂತ್ರಿಗಳಾದವರು ಆಯಾ ರಾಜ್ಯದಲ್ಲಿ ಅನುಷ್ಠಾನಗೊಂಡಿರುವ ನಿಯಮಗಳ ಪ್ರಕಾರ ಅನೇಕ ಸೌಲಭ್ಯಗಳನ್ನು ಮತ್ತು ಸಂಬಳವನ್ನು ಪಡೆಯುತ್ತಾರೆ. ಹಾಗಿದ್ರೆ, ಬನ್ನಿ ದೇಶದ ಯಾವ ರಾಜ್ಯದ ಸಿಎಂ ಅತೀ ಹೆಚ್ಚು  ವೇತನ ಪಡೆಯುತ್ತಾರೆ ಎನ್ನುವ ಮಾಹಿತಿ ತಿಳಿದುಕೊಳ್ಳೋಣ..

ಒಡಿಶಾ ಮತ್ತು ಆಂಧ್ರಪ್ರದೇಶದ ಸಿಎಂಗಳ ಸಂಬಳ ಎಷ್ಟು? : ದೇಶದ ವಿವಿಧ ರಾಜ್ಯಗಳಲ್ಲಿ ಮುಖ್ಯಮಂತ್ರಿಗಳಿಗೆ ವಿಭಿನ್ನ ವೇತನಗಳಿವೆ. ವರದಿಗಳ ಪ್ರಕಾರ, ಎಲ್ಲಾ ರಾಜ್ಯಗಳಲ್ಲಿ ಮುಖ್ಯಮಂತ್ರಿಗಳಿಗೆ ವಸತಿ, ವಾಹನ, ಭದ್ರತೆ ಮತ್ತು ದೇಶ-ವಿದೇಶದಲ್ಲಿ ಎಲ್ಲಿ ಬೇಕಾದರೂ ಹೋಗಲು ಸ್ವಾತಂತ್ರ್ಯವಿದೆ. 

ಇದನ್ನೂ ಓದಿ:ಮಾಧುರಿ ದೀಕ್ಷಿತ್ ಸೌಂದರ್ಯಕ್ಕೆ ಬೆರಗಾಗಿ ಸಿಗರೇಟ್‌ನಿಂದ ಮುಖ ಸುಟ್ಟುಕೊಂಡಿದ್ದರಂತೆ ಈ ಸೂಪರ್‌ಸ್ಟಾರ್!!

ಒಡಿಶಾ ಮುಖ್ಯಮಂತ್ರಿ ಸುಮಾರು ರೂ.1.60 ಲಕ್ಷ ಸಂಬಳ ಪಡೆಯುತ್ತಾರೆ. ಅವರು ಮತ್ತು ಅವರ ಕ್ಯಾಬಿನೆಟ್ ಸಹೋದ್ಯೋಗಿಗಳಿಗೆ ಒಡಿಶಾ ಮಂತ್ರಿಗಳ ಸಂಬಳ ಮತ್ತು ಭತ್ಯೆ ಕಾಯಿದೆ, 1952 ರ ಪ್ರಕಾರ ವೇತನ ನೀಡಲಾಗುತ್ತದೆ. ಆಂಧ್ರಪ್ರದೇಶದಲ್ಲಿ ಮುಖ್ಯಮಂತ್ರಿಯ ವೇತನವನ್ನು ತಿಂಗಳಿಗೆ 3,35,000 ರೂ.ಗೆ ನಿಗದಿಪಡಿಸಲಾಗಿದೆ.

ದೇಶದ ಹಲವು ರಾಜ್ಯಗಳು ತಮ್ಮದೇ ಆದ ಸರ್ಕಾರಿ ವಿಮಾನಗಳು ಮತ್ತು ಹೆಲಿಕಾಪ್ಟರ್‌ಗಳನ್ನು ಹೊಂದಿವೆ. ರಾಜ್ಯದ ಮುಖ್ಯಮಂತ್ರಿ, ರಾಜ್ಯಪಾಲರ ಜತೆಗೆ ಹಲವು ಸಚಿವರೂ ಇವರನ್ನು ಬಳಸಿಕೊಳ್ಳುತ್ತಿದ್ದಾರೆ. ತುರ್ತು ಸಂದರ್ಭದಲ್ಲಿ ಸಂಬಂಧಪಟ್ಟ ರಾಜ್ಯ ಸರ್ಕಾರವು ಅವುಗಳನ್ನು ಯಾರಾದರೂ ಬಳಸಬಹುದು. 

ಇದನ್ನೂ ಓದಿ:ʼಕಲ್ಕಿ 2898 ADʼ ಮೊದಲ ಸಾಂಗ್‌ ಪ್ರೋಮೋ ಔಟ್‌..! ಕ್ಯೂರಿಯಾಸಿಟಿ ಹುಟ್ಟಿಸುತ್ತಿದೆ ʼಭೈರವ ಗೀತೆʼ 

ಸಾಮಾನ್ಯವಾಗಿ ಮುಖ್ಯಮಂತ್ರಿಗಳು ಸಮಯವನ್ನು ಉಳಿಸಲು ಮತ್ತು ರಸ್ತೆ-ರೈಲ್ವೆ ಸುರಕ್ಷತೆ ಸಮಸ್ಯೆಗಳನ್ನು ನಿವಾರಿಸಲು ದೂರದ ಪ್ರಯಾಣಕ್ಕಾಗಿ ಹೆಲಿಕಾಪ್ಟರ್‌ಗಳನ್ನು ಬಳಸುತ್ತಾರೆ. ರಾಜ್ಯದ ಹೊರಗೆ ಪ್ರಯಾಣಿಸಲು ವಿಮಾನಗಳನ್ನು ಬಳಸಲಾಗುತ್ತದೆ. ಮುಖ್ಯಮಂತ್ರಿ ರಾಜ್ಯದ ಚುನಾಯಿತ ಮುಖ್ಯಸ್ಥರಾಗಿದ್ದು, ಹಲವಾರು ವಿಶೇಷ ಅಧಿಕಾರಗಳನ್ನು ಹೊಂದಿದ್ದಾರೆ.

ವೇತನವನ್ನು ವಿಧಾನಸಭೆಯಲ್ಲಿ ನಿರ್ಧರಿಸಲಾಗುತ್ತದೆ : ಪ್ರಸ್ತುತ ದೇಶದಲ್ಲಿ 28 ರಾಜ್ಯಗಳು ಮತ್ತು 8 ಕೇಂದ್ರಾಡಳಿತ ಪ್ರದೇಶಗಳಿವೆ. ಪ್ರತಿ ರಾಜ್ಯದ ಮುಖ್ಯಮಂತ್ರಿಯ ವೇತನವು ರಾಜ್ಯ ವಿಧಾನಸಭೆಯಿಂದ ನಿರ್ಧರಿಸಲ್ಪಟ್ಟಂತೆ ವಿಭಿನ್ನವಾಗಿರುತ್ತದೆ. ಮುಖ್ಯಮಂತ್ರಿಗಳ ಸಂಬಳಕ್ಕೂ ಕೇಂದ್ರ ಸರ್ಕಾರಕ್ಕೂ, ಸಂಸತ್ತಿಗೂ ಸಂಬಂಧವಿಲ್ಲ. ಈ ವೇತನವನ್ನು ಹೆಚ್ಚಿಸುವ ನಿಬಂಧನೆಯೂ ಇದೆ. ಮುಖ್ಯಮಂತ್ರಿಯ ವೇತನವು ತುಟ್ಟಿಭತ್ಯೆ ಮತ್ತು ಇತರ ಭತ್ಯೆಗಳನ್ನು ಒಳಗೊಂಡಿರುತ್ತದೆ.

ರಾಜ್ಯವಾರು ಮುಖ್ಯಮಂತ್ರಿಗಳ ಸಂಬಳ ಎಷ್ಟು?

• ತೆಲಂಗಾಣ ಮುಖ್ಯಮಂತ್ರಿ - ರೂ.4,10,000

• ದೆಹಲಿ ಮುಖ್ಯಮಂತ್ರಿ - ರೂ.3,90,000

• ಉತ್ತರ ಪ್ರದೇಶದ ಮುಖ್ಯಮಂತ್ರಿ - 3,65,000 ರೂ

• ಮಹಾರಾಷ್ಟ್ರ ಮುಖ್ಯಮಂತ್ರಿ - 3,40,000 ರೂ

• ಆಂಧ್ರಪ್ರದೇಶದ ಮುಖ್ಯಮಂತ್ರಿ - ರೂ.3,35,000

• ಗುಜರಾತ್ ಮುಖ್ಯಮಂತ್ರಿ - ರೂ.3,21,000

• ಹಿಮಾಚಲ ಪ್ರದೇಶದ ಮುಖ್ಯಮಂತ್ರಿ - ರೂ.3.10,000

• ಹರಿಯಾಣ ಮುಖ್ಯಮಂತ್ರಿ - 2,88,000 ರೂ

• ಜಾರ್ಖಂಡ್ ಮುಖ್ಯಮಂತ್ರಿ - 2,55,000 ರೂ

• ಮಧ್ಯಪ್ರದೇಶದ ಮುಖ್ಯಮಂತ್ರಿ- 2,30,000 ರೂ

• ಛತ್ತೀಸ್‌ಗಢದ ಮುಖ್ಯಮಂತ್ರಿ - 2,30,000 ರೂ

• ಪಂಜಾಬ್ ಮುಖ್ಯಮಂತ್ರಿ- 2,30,000 ರೂ

• ಗೋವಾ ಮುಖ್ಯಮಂತ್ರಿ - ರೂ.2,20,000

• ಬಿಹಾರದ ಮುಖ್ಯಮಂತ್ರಿ - ರೂ.2,15,000

• ಪಶ್ಚಿಮ ಬಂಗಾಳದ ಮುಖ್ಯಮಂತ್ರಿ - ರೂ.2,10,000

• ತಮಿಳುನಾಡು ಮುಖ್ಯಮಂತ್ರಿ - ರೂ.2,05,000

• ಕರ್ನಾಟಕದ ಮುಖ್ಯಮಂತ್ರಿ - ರೂ.2,00,000

• ಸಿಕ್ಕಿಂ ಮುಖ್ಯಮಂತ್ರಿ - ರೂ.1,90,000

• ಒಡಿಶಾ ಮುಖ್ಯಮಂತ್ರಿ - ರೂ.1,60,000