ವಿಭಿನ್ನ ಮತಗಟ್ಟೆ ಸ್ಥಾಪನೆ: ಮತಗಟ್ಟೆಯ ಸುತ್ತ ಅರಳಿದ ಭಾರತೀಯ ಸಾಂಪ್ರದಾಯಿಕ ಚಿತ್ರಕಲೆಗಳು

Karnataka Assembly Election 2023 Latest Updates: ಇಂದು ರಾಜ್ಯ ವಿಧಾನಸಭಾ ಚುನಾವಣಾ ಹಿನ್ನೆಲೆಯಲ್ಲಿ, ಸಾರ್ವಜನಿಕರು ಪ್ರತಿಯೊಬ್ಬರು ಮತದಾನ ಮಾಡಲೆಂದು, ಧಾರವಾಡ ಜಿಲ್ಲಾಡಳಿತ ವಿಭಿನ್ನವಾದ ಮತಗಟ್ಟೆಯನ್ನು ಸ್ಥಾಪನೆ ಮಾಡಿದೆ.

ಹೌದು, ಹುಬ್ಬಳ್ಳಿಯ ಚನ್ನಪೇಟ್‌ನಲ್ಲಿರುವ ಅಂಬೇಡ್ಕರ್ ನಗರದಲ್ಲಿ ಮತಗಟ್ಟೆಯ ಗೋಡೆಯ ಸುತ್ತ ಭಾರತೀಯ ಸಾಂಪ್ರದಾಯಿಕವಾದ ಚಿತ್ರಕಲೆಗಳ ಆಕರ್ಷಕವಾದ ದೃಶ್ಯಗಳು ಕಂಡು ಬಂದಿದ್ದು ಮತದಾರರನ್ನು ಆಕರ್ಷಿಸಲು ಈ ರೀತಿಯ ವಿಭಿನ್ನ ಮತಗಟ್ಟೆಯನ್ನು ಸ್ಥಾಪಿಸಲಾಗಿದೆ. 

ಇದನ್ನೂ ಓದಿ- Karnataka Election 2023: ತಮ್ಮ ಓಟನ್ನು ತಾವೇ ಹಾಕಿಕೊಳ್ಳದ ಅಭ್ಯರ್ಥಿಗಳು!

ಈಗಾಗಲೇ ಬಿರುಸಿನಿಂದ ಮತದಾನ ಪ್ರಕ್ರಿಯೆ ಮುಂದುವರೆದಿದ್ದು ಇನ್ನೂ ಹೆಚ್ಚಿನ ಸಂಖ್ಯೆಯಲ್ಲಿ ಮತದಾರರು ಬಂದು ತಮ್ಮ ಮತದಾನದ ಹಕ್ಕನ್ನು ಚಲಾಯಿಸುವಂತೆ ಆಕರ್ಷಿಸಲು ಜಿಲ್ಲಾಡಳಿತ ಭಾರತಿಯ ಸಾಂಪ್ರದಾಯಿಕ ಕಲೆ ಬಿಂಬಿಸುವ ಮತಗಟ್ಟೆ ಸ್ಥಾಪನೆ ಮಾಡಿದೆ ಎಂದು ತಿಳಿದುಬಂದಿದೆ. 

ಇದನ್ನೂ ಓದಿ- ಅಂಚೆ ಮತದಾನ ವ್ಯವಸ್ಥೆ ಸಂಪೂರ್ಣ ಫೇಲ್? ವೃದ್ಧರಿಗೆ ಸಂಕಷ್ಟ

ವಿಭಿನ್ನ ಶೈಲಿಯ ಚಿತ್ರ ಕಲೆ ಮೂಲಕ, ಮತದಾರರನ್ನು ಆಕರ್ಷಣೆ ಮಾಡುತ್ತಿರುವ ಮತಗಟ್ಟೆಗಳು. ಮತಗಟ್ಟೆಯ ಗೋಡೆಯ ಮೇಲೆ ಭಾರತೀಯ ಸಾಂಪ್ರದಾಯಕವಾದ ಡೊಳ್ಳು ಕುಣಿತ, ಭರತನಾಟ್ಯ, ಸೇರಿದಂತೆ ಚಿತ್ರಕಲೆ ಅರಳಿಸಿದ ಜಿಲ್ಲಾಡಳಿತ. ಸಂತಸದಿಂದ ಉತ್ಸುಕರಾಗಿ ಮತ ಹಾಕಲು ಮತಗಟ್ಟೆಗಳತ್ತ ಬರುತ್ತಿರುವ ಸಾರ್ವಜನಿಕರು ಜಿಲ್ಲಾಡಳಿತದ ಕಾರ್ಯಕ್ಕೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.