Karnataka Election Result 2023 : ಉಡುಪಿಯ ಐದು ಕ್ಷೇತ್ರಗಳಲ್ಲಿ ಬಿಜೆಪಿ ಗೆಲುವು

Karnatak election result 2023 : ಉಡುಪಿಯ ಐದು ಕ್ಷೇತ್ರಗಳಲ್ಲಿ ಬಿಜೆಪಿ ಕಮಲ ಕಲಿಗಳು ಗೆದ್ದು ಬೀಗಿದ್ದಾರೆ. ಎಲ್ಲಾ ಕ್ಷೇತ್ರಗಳಲ್ಲಿಯೂ ಗೆಲುವು ಸಾಧಿಸುವ ಮೂಲಕ ಈ ಜಿಲ್ಲೆ ಬಿಜೆಪಿಯ ಭದ್ರ ಕೋಟೆ ಎನ್ನುವುದನ್ನು ಮತ್ತೊಮ್ಮೆ ಸಾಬೀತು ಪಡಿಸಿದೆ. ಈ ಫಲಿತಾಂಶದ ಮೂಲಕ ಜಿಲ್ಲೆಯಲ್ಲಿ ಅಭ್ಯರ್ಥಿಗಳು ಯಾರೇ ಇರಲಿ ಇಲ್ಲಿ ಪಕ್ಷ ಮುಖ್ಯ ಎನ್ನುವುದನ್ನು ಇಲ್ಲಿಯ ಮತದಾರರು ಸಾಬೀತು ಪಡಿಸಿದ್ದಾರೆ. ಅಲ್ಲಿಗೆ ಕರಾವಳಿ ಜಿಲ್ಲೆಯನ್ನು ಬಿಜೆಪಿಯಿಂದ ಜಾರಿ ಹೋಗುವುದಕ್ಕೆ ಇಲ್ಲಿನ ಮತದಾರ ಅವಕಾಶ ಮಾಡಿ ಕೊಟ್ಟಿಲ್ಲ.  

ಉಡುಪಿಯ ಜಿಲ್ಲೆಯ ಫಲಿತಾಂಶ ಚಿತ್ರಣ : 

ಬೈಂದೂರೂ ಮತ ಕ್ಷೇತ್ರ :  

ಕಾಂಗ್ರೆಸ್ ನ ಕೆ. ಗೋಪಾಲ ಪೂಜಾರಿ ಇಲ್ಲಿ ಬಿಜೆಪಿಯ ಗುರುರಾಜ್ ಗಂಟಿಹೊಳೆ ಅವರಿಗೆ ತಕ್ಕ ಮಟ್ಟಿನ ಪೈಪೋಟಿ ನೀಡಿದರಾದರೂ ಗೆಲುವು ಸಾಧಿಸುವುದು ಸಾಧ್ಯವಾಗಿಲ್ಲ.  ಇಲ್ಲಿ ಕೊನೆಗೂ ಬಿಜೆಪಿಯ ಗುರುರಾಜ್ ಗಂಟಿಹೊಳೆ ಗೆಲುವಿನ ನಗೆ ಬೀರಿದ್ದಾರೆ.

2023 ರ ಕಣದಲ್ಲಿರುವವರು : 
ಬಿಜೆಪಿ - ಗುರುರಾಜ್ ಗಂಟಿಹೊಳೆ 
ಕಾಂಗ್ರೆಸ್ - ಕೆ. ಗೋಪಾಲ ಪೂಜಾರಿ 
ಜೆಡಿಎಸ್ - ಮನ್ಸೂರ್ ಇಬ್ರಾಹಿಂ

ಕುಂದಾಪುರ ಕ್ಷೇತ್ರ : 
ಹಾಲಾಡಿ ಅವರ ರಾಜಕೀಯ ನಿವೃತ್ತಿಯಿಂದಾಗಿ ಇಲ್ಲಿ ಹೊಇಸ ಅಭ್ಯರ್ಥಿಯನ್ನು ಬಿಜೆಪಿ ಕಣಕ್ಕಿಳಿಸಿತ್ತು.  ಬಿಜೆಪಿಯಿಂದ ಕಣಕ್ಕಿಳಿದಿದ್ದ ಕಿರಣ್ ಕುಮಾರ್ ಕೊಡ್ಗಿ ಕಾಂಗ್ರೆಸ್ ಅಭ್ಯರ್ಥಿ  ಎಂ.ದಿನೇಶ್ ಹೆಗ್ಡೆ ಅವರನ್ನು ಸೋಲಿಸಿ ಗೆಲುವನ್ನು ತಮ್ಮದಾಗಿಸಿಕೊಂಡಿದ್ದಾರೆ. 

2023 ರ ಕಣದಲ್ಲಿರುವವರು : 
ಬಿಜೆಪಿ - ಕಿರಣ್ ಕುಮಾರ್ ಕೊಡ್ಗಿ 
ಕಾಂಗ್ರೆಸ್ - ಎಂ.ದಿನೇಶ್ ಹೆಗ್ಡೆ
ಜೆ ಡಿ (ಎಸ್) - ರಮೇಶ್ ಕುಂದಾಪುರ

ಉಡುಪಿ ವಿಧಾನಸಭಾ ಕ್ಷೇತ್ರ :

ಇಲ್ಲಿ ಕೂಡಾ ಬಿಜೆಪಿಯನ್ನು ಪ್ರತಿನಿಧಿಸಿದ್ದ ಯಶ್‌ಪಾಲ್‌ ಸುವರ್ಣ  ಗೆದ್ದಿದ್ದಾರೆ. ಕಾಂಗ್ರೆಸ್ ನ ಪ್ರಸಾದ್ ರಾಜ್ ಕಾಂಚನ್ ಅವರನ್ನು ಪರಾಭವಗೊಳಿಸಿ ವಿಜಯ ಲಕ್ಷ್ಮೀಯನ್ನು ಒಲಿಸಿಕೊಂದಿದ್ದಾರೆ.  

2023 ರ ಕಣದಲ್ಲಿರುವವರು :  
ಬಿಜೆಪಿ - ಯಶ್‌ಪಾಲ್‌ ಸುವರ್ಣ 
ಕಾಂಗ್ರೆಸ್ -ಪ್ರಸಾದ್ ರಾಜ್ ಕಾಂಚನ್
ಜೆ ಡಿ (ಎಸ್) - ದಕ್ಷತ್ ಆರ್ ಶೆಟ್ಟಿ
ಎಎಪಿ - ಪ್ರಭಾಕರ್‌ ಪೂಜಾರಿ  

ಕಾಪು ವಿಧಾನಸಭಾ ಕ್ಷೇತ್ರ
ಇಲ್ಲಿ ಕಾಂಗ್ರೆಸ್  ಹಿರಿಯ ನಾಯಕ ವಿನಯ್  ಕುಮಾರ್ ಸೊರಕೆಯನ್ನು ಬಿಜೆಪಿ ಅಭ್ಯರ್ಥಿ ಗುರ್ಮೆ ಸುರೇಶ್ ಶೆಟ್ಟಿ  ಸೋಲಿಸಿದ್ದಾರೆ.  
2023 ರ ಕಣದಲ್ಲಿರುವವರು :  
ಬಿಜೆಪಿ - ಗುರ್ಮೆ ಸುರೇಶ್ ಶೆಟ್ಟಿ 
ಕಾಂಗ್ರೆಸ್ : ವಿನಯ್ ಕುಮಾರ್ ಸೊರಕೆ
ಜೆ ಡಿ (ಎಸ್) - ಸಬೀನಾ ಸಮದ್

ಕಾರ್ಕಳ ವಿಧಾನಸಭಾ ಕ್ಷೇತ್ರ 
 ಕಾರ್ಕಳ ಕ್ಷೇತ್ರದಲ್ಲಿ ಕೂಡಾ ಬಿಜೆಪಿಯ ಸುನಿಲ್ ಕುಮಾರ್ ಕಾಂಗ್ರೆಸ್ ನ ಉದಯ ಶೆಟ್ಟಿ ಮುನಿಯಾಲು  ಅವರನ್ನು ಸೋಲಿಸಿದ್ದಾರೆ.   

2023 ರ ಕಣದಲ್ಲಿರುವವರು :   
ಬಿಜೆಪಿ - ವಿ. ಸುನಿಲ್ ಕುಮಾರ್
ಕಾಂಗ್ರೆಸ್ - ಉದಯ ಶೆಟ್ಟಿ ಮುನಿಯಾಲು    
AAP     - ಡೇನಿಯಲ್ ರೇಂಜರ್    
ಜೆಡಿಎಸ್ - ಶ್ರೀಕಾಂತ ಪೂಜಾರಿ ಕುಚ್ಚೂರ್