ಬಿಜೆಪಿ ಅಂದ್ರೆ ರಾಜಕೀಯ ಪಕ್ಷವಲ್ಲ, ಹಫ್ತಾ ವಸೂಲಿಯ ಗ್ಯಾಂಗ್: ಕಾಂಗ್ರೆಸ್ ಆರೋಪ

ಬೆಂಗಳೂರು: ಬಿಜೆಪಿ ಅಂದರೆ ರಾಜಕೀಯ ಪಕ್ಷ ಎಂದುಕೊಂಡಿದ್ದರೆ ತಪ್ಪು, ಅದೊಂದು ಹಫ್ತಾ ವಸೂಲಿಯ ಗ್ಯಾಂಗ್ ಎಂದು ಕಾಂಗ್ರೆಸ್ ಆರೋಪಿಸಿದೆ. ಈ ಬಗ್ಗೆ ಶುಕ್ರವಾರ ಟ್ವೀಟ್ ಮಾಡಿರುವ ಕಾಂಗ್ರೆಸ್, ಬಿಜೆಪಿ ನಾಯಕರ ವಿರುದ್ಧ ಕಿಡಕಾರಿದೆ.

ಸಿಎಂ ಹುದ್ದೆಗೆ, ಮಂತ್ರಿಗಿರಿಗೆ ವಸೂಲಿ ಮಾಡುತ್ತಾರೆ, ಕೆಳಗಿನವರು ಟಿಕೆಟ್ ಹಂಚಿಕೆಗೆ ವಸೂಲಿ ಮಾಡುತ್ತಾರೆ. ಅಧಿಕಾರದಲ್ಲಿ ಕೂತರೆ 40% ಕಮಿಷನ್ ವಸೂಲಿ ಮಾಡುತ್ತಾರೆ. ಸಣ್ಣ-ಪುಟ್ಟ ಬಿಜೆಪಿ ಮುಖಂಡರು ಬೆದರಿಸಿ ಸುಲಿಗೆ ಮಾಡುತ್ತಾರೆ. ಸುಲಿಗೆಯೇ ಬಿಜೆಪಿಯ ಧರ್ಮ! ಅಧಿಕಾರ ವಂಚಿತ ಬಿಜೆಪಿಗೆ ಈಗ 40% ವಸೂಲಿಗೆ ಅವಕಾಶವಿಲ್ಲ. ಹೀಗಾಗಿ ತಮ್ಮ ರೌಡಿ ಮೋರ್ಚಾದ ಮೂಲಕ ಜನರ ದರೊಡೆಗೆ ಇಳಿದಿದೆ’ ಎಂದು ಕಾಂಗ್ರೆಸ್ ಕುಟುಕಿದೆ.

ಇದನ್ನೂ ಓದಿ: ತಮಿಳುನಾಡಿಗೆ ಕಾವೇರಿ ನೀರು ಬಿಡುವಂತೆ ಸುಪ್ರೀಂಕೋರ್ಟ್ ಆದೇಶ!

ಕೆ.ಎಸ್.ಈಶ್ವರಪ್ಪಗೆ ಕಾಂಗ್ರೆಸ್ ತಿರುಗೇಟು!