ಬಿಜೆಪಿ ಪಶ್ಚಾತ್ತಾಪದ ಪ್ರತಿಭಟನೆ ನಡೆಸುತ್ತಿದೆ : ಡಿಸಿಎಂ ಡಿಕೆಶಿ ವ್ಯಂಗ್ಯ

ಬೆಂಗಳೂರು: ಗ್ಯಾರಂಟಿ ಘೋಷಣೆ ಜಾರಿ ವಿಚಾರವಾಗಿ ಬಿಜೆಪಿ ಮಾಡುತ್ತಿರುವುದು ಪಶ್ಚಾತ್ತಾಪದ ಪ್ರತಿಭಟನೆ ಎಂದು ಡಿಸಿಎಂ ಡಿಕೆ ಶಿವಕುಮಾರ್ ತಿರುಗೇಟು ನೀಡಿದರು.

ವಿಧಾನಸಭೆಯಲ್ಲಿ ನಿಲುವಳಿ ಸೂಚನೆ ಪ್ರಸ್ತಾಪ ಮಂಡನೆ ಮಾಡಿ ಮಾತನಾಡಿದ ಬಿಜೆಪಿ ಸದಸ್ಯ ಆರ್.‌ಅಶೋಕ್ ಮಾತಿಗೆ ಪ್ರತಿಕ್ರಿಯೆ ನೀಡಿ, ಜನರ ನೋವು, ಮಹಿಳೆಯರ ನೋವಿಗೆ ಗ್ಯಾರಂಟಿ ಮೂಲಕ ಪರಿಹಾರ ಸಿಕ್ಕಿದೆ.‌ ಜನರು ಯಾರೂ ತಕರಾರು ಮಾಡುತ್ತಿಲ್ಲ ಎಂದರು.

ಆದರೆ ಇದರ ವಿರುದ್ಧ  ಬಿಜೆಪಿ ಮಾಡುತ್ತಿರುವುದು ಪಶ್ಚಾತ್ತಾಪದ ಪ್ರತಿಭಟನೆಯಾಗಿದೆ. ಕಾಂಗ್ರೆಸ್ ಪರಿಹಾರ ಕೊಟ್ಟಿದ್ದಾರೆ ಎಂದು ಪಶ್ಚಾತ್ತಾಪದ ಪ್ರತಿಭಟನೆ ಮಾಡುತ್ತಿದ್ದಾರೆ ಎಂದು‌ ತಿರುಗೇಟು ನೀಡಿದರು.

ಇದನ್ನೂ ಓದಿ: ಇನ್ನೇಕೆ ಹೇರ್ ಡೈ..? ಈ 3 ಎಲೆಗಳ ಪೇಸ್ಟ್ ಹಚ್ಚಿದರೆ ಬಿಳಿಕೂದಲು ಬುಡದಿಂದಲೇ ಕಪ್ಪಾಗುತ್ತೆ!

ಕಚ್ಚಾ ತೈಲ ಬೆಲೆ ಕಡಿಮೆಯಾಗಿದೆ, ಪ್ರಧಾನಿ ಮೋದಿಗೆ ಪೆಟ್ರೋಲ್ ದರ ಕಡಿಮೆ ಮಾಡಲು ರಾಜ್ಯದ ನಾಯಕರು ಮನವಿ ಮಾಡಲಿ ಎಂದು ಬಿಜೆಪಿಗೆ ಕೌಂಟರ್ ‌ನೀಡಿದರು.

ಡಿಕೆಶಿಗೆ ಅಶೋಕ್ ಕೌಂಟರ್

ಇದಕ್ಕೆ ತಿರುಗೇಟು ನೀಡಿದ‌ ಆರ್.‌ ಅಶೋಕ್, ನೀವು ಸಿಎಂ‌ ಆಗಿಲ್ಲ ಅದಕ್ಕೆ ಹತಾಷರಾಗಿದ್ದೀರಿ. ನಿಮಗೆ ಸಿಎಂ ಸ್ಥಾನ ಕೊಡ್ತೀವಿ  ಅಂದಿರೋದು ಆರನೇ ಗ್ಯಾರಂಟಿ. ಆರನೇ ಗ್ಯಾರಂಟಿಯೂ ಜಾರಿ ಆಗಲ್ಲ ಅಂತ ಅಶೋಕ್ ಟಕ್ಕರ್ ನೀಡಿದರು.ಅಶೋಕ್ ಮಾತಿನ ನಂತರ ಡಿಸಿಎಂ ಶಿವಕುಮಾರ್ ತಿರುಗೇಟು ‌ನೀಡಿ, ನೀವು ಯಡಿಯೂರಪ್ಪ ರನ್ನು ಸಿಎಂ ಮಾಡೋಕೆ ಎಷ್ಟು ದಿನ ತಗೊಂಡ್ರಿ?ಯಡಿಯೂರಪ್ಪ ಕ್ಯಾಬಿನೆಟ್ ಮಾಡೋಕೆ ಎಷ್ಟು ದಿನ ತಗೊಂಡ್ರು ಅಂತಾ ಗೊತ್ತಿದೆ ಎಂದರು.

ನಮ್ಮ ಗ್ಯಾರಂಟಿಗಳನ್ನು ಜನರು ಒಪ್ಪಿಕೊಂಡಿದ್ದಾರೆ ಎಂದರು. ಇದಕ್ಕೆ, ಬಿಜೆಪಿ ಶಾಸಕ ಸುನೀಲ್ ಕುಮಾರ್ ಆಕ್ಷೇಪ ವ್ಯಕ್ತಪಡಿಸಿ, ಇವ್ರು ಚುನಾವಣೆಗೆ ಮುನ್ನ ಹೇಳಿದಂತೆ ಅಧಿಕಾರಕ್ಕೆ ಬಂದ ಮೇಲೆ ನಡೆದುಕೊಂಡಿಲ್ಲ, ಇದರಿಂದ ಮೋಸ ಆಗಿದೆ ಎಂದು ಹೇಳ್ತಿದ್ದೇವೆ ಎಂದರು.