2028ಕ್ಕೆ ರಾಜ್ಯದಲ್ಲಿ ಬಿಜೆಪಿಗೆ ಅಧಿಕಾರ: ಬಿಜೆಪಿ ರಾಜ್ಯ ಉಪಾಧ್ಯಕ್ಷ ಮಹೇಶ್

ಚಾಮರಾಜನಗರ: ಕಳೆದ 15  ತಿಂಗಳಲ್ಲಿ ರಾಜ್ಯ ಕಾಂಗ್ರೆಸ್ ಸರ್ಕಾರದ ಭ್ರಷ್ಟಾಚಾರ ಮುಗಿಲು ಮುಟ್ಟಿದ್ದು , ಕಾನೂನು ಸುವ್ಯವಸ್ಥೆ  ಸಂಪೂರ್ಣ ಹದಗೆಟ್ಟಿದೆ ಎಂದು ರಾಜ್ಯ ಬಿಜೆಪಿ ಕಾರ್ಯದರ್ಶಿ ಲಕ್ಷ್ಮೀ ಅಶ್ವಿನ್‌ಗೌಡ  ಆರೋಪಿಸಿದರು. 

ಚಾಮರಾಜನಗರದ ಡಾ. ಬಿ.ಆರ್. ಅಂಬೇಡ್ಕರ್ ಭವನದಲ್ಲಿ ಜಿಲ್ಲಾ ಬಿಜೆಪಿ ವತಿಯಿಂದ ನಡೆದ ಜಿಲ್ಲಾ ಕಾರ್ಯಕಾರಣಿ ವಿಶೇಷ ಸಭೆ ಉದ್ಗಾಟಿಸಿ ಅವರು ಮಾತನಾಡಿದರು. ಜನರಿಗೆ ಬರೀ ಸುಳ್ಳು ಭರವಸೆಗಳನ್ನು ನೀಡಿ, ಐದು ಗ್ಯಾರಂಟಿಗಳನ್ನು (Five Guarantees) ಜಾರಿ ಮಾಡುತ್ತೇವೆ ಎಂದು ಹೇಳಿ ಅಧಿಕಾರಕ್ಕೆ ಬಂದ ಸಿದ್ದರಾಮಯ್ಯ ಮತ್ತು ಸಚಿವರು  ಜನ ಕಲ್ಯಾಣ ಯೋಜನೆಗಳನ್ನು ಜಾರಿ ಮಾಡುವ ಬದಲು   ಭ್ರಷ್ಟಚಾರದಲ್ಲಿ  ತೊಡಗಿದ್ದಾರೆ. ಅಹಿಂದ ಹೆಸರಿನಿಂದ  ಅಧಿಕಾರಕ್ಕೆ  ಬಂದಿರುವ  ಸಿದ್ದರಾಮಯ್ಯ ದಲಿತರಿಗೆ ಮೀಸಲಿಟ್ಟ ಹಣವನ್ನು ಅನ್ಯ ಕಾರ್ಯಗಳಿಗೆ ಬಳಸುವ ಮೂಲಕ  ಆ ವರ್ಗಗಳಿಗೆ ಅನ್ಯಾಯ ಮಾಡಿದ್ದಾರೆ. ಇಂಥವರ ವಿರುದ್ದ  ನಮ್ಮ ಹೋರಾಟ ನಿರಂತವಾಗಿರುತ್ತದೆ ಎಂದರು. 

ಇದನ್ನೂ ಓದಿ- ನಮ್ಮ ಹೆಮ್ಮೆಯ ಸೈನಿಕರಿಗೆ ಡಿ.ಕೆ.ಶಿವಕುಮಾರ್ ಅಪಮಾನ ಮಾಡಿದ್ದಾರೆ: ಎಚ್‌ಡಿಕೆ ಆಕ್ರೋಶ

ವಾಲ್ಮೀಕಿ ಹಗರಣ, ಮುಡಾ ಹಗರಣ,  ಅಗತ್ಯ ವಸ್ತುಗಳ ಬೆಲೆ ಏರಿಕೆ ಮಾಡಿದ್ದಾರೆ.  ಮೈಸೂರು ಅಭಿವೃದ್ದಿ ಪ್ರಾಧಿಕಾರದ ಅಕ್ರಮದಲ್ಲಿ ಕುಟುಂಬದ ಸದಸ್ಯರೇ ನಿವೇಶನವನ್ನು ಪಡೆದುಕೊಂಡು ಸಾವಿರಾರು ಕೋಟಿ ರೂ.ಗಳ ಭ್ರಷ್ಟಚಾರ ಮಾಡಿದ್ದಾರೆ. ಸ್ವಪಕ್ಷಿಯ ಶಾಸಕರಿಗೆ  ಸರ್ಕಾರದ ಬಗ್ಗೆ ಆತ್ಮಾಭಿಮಾನ ಇಲ್ಲ. ಕ್ಷೇತ್ರದ ಅಭಿವೃದ್ದಿಗಳಿಗೆ ಅನುದಾನ ನೀಡುತ್ತಿಲ್ಲ. ಈ ಸರ್ಕಾರದ ವಿರುದ್ದ  ಕಾಂಗ್ರೆಸ್‌ನಿಂದ ಗೆದ್ದಿರುವ ಶಾಸಕರು  ಅಸಮಾಧಾನಗೊಂಡಿದ್ದಾರೆ. ದಲಿತರು ಹಾಗೂ ಬಡವರ ಪರವಾಗಿ  ಈ ಸರ್ಕಾರ ಇಲ್ಲ, ಇದರ ವಿರುದ್ದ  ಸಂಘಟನತ್ಮಕವಾಗಿ ನಾವೆಲ್ಲರು ಹೋರಾಟ ಮಾಡೋಣ ಎಂದರು. 

ಇದನ್ನೂ ಓದಿ- ಜಮೀನಿನಲ್ಲಿ ಅವಿತು ಕುಳಿತ ಚಿರತೆ ಹಿಡಿಯಲು ನುರಿತ 50 ಜನರನ್ನು ಕರೆತಂದ ಅರಣ್ಯ ಇಲಾಖೆ!

ಬಿಜೆಪಿ ರಾಜ್ಯ ಉಪಾಧ್ಯಕ್ಷ ಎನ್. ಮಹೇಶ್ (BJP State Vice President N. Mahesh) ಮಾತನಾಡಿ, ರಾಜ್ಯದಲ್ಲಿರುವ  ಸಿದ್ದರಾಮಯ್ಯ ಸರ್ಕಾರ ಸಂವಿಧಾನ  ಹಾಗೂ ದಲಿತ ವಿರೋಧಿ ಸರ್ಕಾರವಾಗಿದೆ. ನಮ್ಮ ಸರ್ಕಾರ ಇದ್ದಾಗ  ಎಸ್‌ಸಿ ಎಸ್‌ಟಿ ವಿದ್ಯಾರ್ಥಿಗಳಿಗೆ ವಿದ್ಯಾರ್ಥಿ ವೇತನ ನೀಡಿಲ್ಲ ಎಂದು ಆರೋಪಿಸುತ್ತಿದ್ದ  ಕಾಂಗ್ರೇಸ್ಸಿಗರು, ಈಗ ತಮ್ಮ ಅವಧಿಯಲ್ಲಿ  ಆ ಸಮುದಾಯದ ಮಕ್ಕಳಿಗೆ ವಿದ್ಯಾರ್ಥಿ ವೇತನವನ್ನು  ನೀಡುತ್ತಿಲ್ಲ. ದಲಿತರ ಬೀದಿಗಳಲ್ಲಿ  ಬಿಜೆಪಿಗೆ ಮತ ಹಾಕಬೇಡಿ ಸಂವಿಧಾನ ಬದಲಿಸುತ್ತಾರೆ ಎಂಬ  ಅಪಪ್ರಚಾರ ಮಾಡಿದರು. ಆದರು ಸಹ  ಕಾಂಗ್ರೆಸ್ 99ಕ್ಕಿಂತ ಹೆಚ್ಚು ಸೀಟು ಪಡೆದುಕೊಳ್ಳಲು ಸಾಧ್ಯವಾಗಲಿಲ್ಲ. ನಿಜವಾದ ಅಂಬೇಡ್ಕರ್ ಹಾಗೂ ಸಂವಿಧಾನ ವಿರೋಧಿ ಕಾಂಗ್ರೆಸ್. 

ಕಳೆದ ಲೋಕಸಭಾ ಚುನಾವಣೆಯಲ್ಲಿ  ರಾಜ್ಯದ 124 ಕ್ಷೇತ್ರ ಹಾಗೂ ಜೆಡಿಎಸ್‌ನ 25 ಕ್ಷೇತ್ರ ಸೇರಿ, 149 ಕ್ಷೆತ್ರಗಳಲ್ಲಿ ಲೀಡ್ ಕೊಟ್ಟಿದೆ. ಇದು ರಾಜ್ಯದ ಮತದಾರರು ನೀಡಿರುವ ತೀರ್ಪಾಗಿದೆ. 2028ಕ್ಕೆ  ರಾಜ್ಯದಲ್ಲಿ ಬಿಜೆಪಿ ಸರ್ಕಾರ ಅಧಿಕಾರಕ್ಕೆ ಬರುತ್ತದೆ ಎಂಬುದಕ್ಕೆ  ಇದು ದಿಕ್ಸೂಚಿಯಾಗಿದೆ ಎಂದು ವಿಶ್ವಾಸ ಹೊರಹಾಕಿದರು.