ವೃದ್ದರೊಬ್ಬರಿಂದ ಚಪ್ಪಲಿ ಏಟು ತಿಂದ ಕಾಂಗ್ರೆಸ್ ಅಭ್ಯರ್ಥಿ! ವಿಡಿಯೋ ವೈರಲ್‌

ಮಧ್ಯಪ್ರದೇಶ: ಮಧ್ಯಪ್ರದೇಶ ವಿಧಾನಸಭಾ ಚುನಾವಣೆಯಲ್ಲಿ ರತ್ಲಾಮ್‌ ಕ್ಷೇತ್ರದಿಂದ ಕಾಂಗ್ರೆಸ್ ಪಕ್ಷದ ಪರವಾಗಿ ಸ್ಪರ್ಧಿಸಿದ್ದ ಪರಸ್ ಸಕ್ಲೇಚಾ ತಮ್ಮ ಗೆಲುವಿಗಾಗಿ ಬಾಬಾ ಅವರಿಂದ ಕಪಾಳಮೋಕ್ಷ ಮಾಡಿಸಿಕೊಂಡಿದ್ದಾರೆ. 

ಚುನಾವಣಾ ಅಭ್ಯರ್ಥಿ ಸ್ವಇಚ್ಛೆಯಿಂದ ಮತ್ತು ಸಂತೋಷದಿಂದ ಹೊಡೆಸಿಕೊಂಡಿದ್ದು.. ಚಪ್ಪಲಿ ಏಟು ನೀಡಿದ ವೃದ್ಧನನ್ನು ಸ್ಥಳೀಯರು ಪವಾಡಪುರುಷ ಎಂದು ನಂಬಿದ್ದಾರೆ. ಹೀಗಾಗಿ ಅವರಿಂದ ಕಪಾಳಮೋಕ್ಷ ಮಾಡಿಕೊಂಡರೆ ಚುನಾವಣೆಯಲ್ಲಿ ಯಶಸ್ಸು ಗಳಿಸಬಹುದು ಎಂಬ ಲೆಕ್ಕಾಚಾರದಿಂದ ಕಾಂಗ್ರೆಸ್ ಅಭ್ಯರ್ಥಿ ಚಪ್ಪಲಿಯಿಂದ ಹೊಡೆಸಿಕೊಂಡಿದ್ದಾರೆ. 

ಶುಕ್ರವಾರ ಮಧ್ಯಪ್ರದೇಶ ವಿಧಾನಸಭೆಗೆ ಮತದಾನ ನಡೆಯುತ್ತಿರುವ ಸಂದರ್ಭದಲ್ಲಿ.. ಶುಕ್ರವಾರ ಬೆಳಗ್ಗೆ ರಸ್ತೆಬದಿಯಲ್ಲಿದ್ದ ಫಕೀರ್ ಬಾಬಾ ಹತ್ತಿರ ಹೋಗಿ ಚಪ್ಪಲಿಯಿಂದ ಹೊಡೆಸಿಕೊಂಡು ಆಶೀರ್ವಾದ ಪಡೆದುಕೊಂಡಿದ್ದಾರೆ..  

ಬಾಬಾರನ್ನು ಭೇಟಿ ಮಾಡಿ ಆಶಿರ್ವಾದ ಪಡೆದ ನಂತರ, ಪಾರಸ್ ಸಕ್ಲೇಚಾ ಅವರು ಹೊಸ ಚಪ್ಪಲಿಗಳನ್ನು ಅವರಿಗೆ ಅರ್ಪಿಸಿದರು. ಬಳಿಕ ಫಕೀರ ಬಾಬಾ ಅವರನ್ನು ಕರೆದುಕೊಂಡು ಹೋಗಿ ಪಾರಸ್ ನೆತ್ತಿಗೆ ಬಡೆದರು... ಮುಂದೆ ತಮ್ಮ ಎರಡೂ ಕೆನ್ನೆಗಳನ್ನು ಚಪ್ಪಲಿಯಿಂದ ಮುಟ್ಟುವಂತೆ ಅಭ್ಯರ್ಥಿ ಕೇಳಿಕೊಂಡು ಹೊಡೆಸಿಕೊಂಡಿದ್ದಾರೆ.. ಸದ್ಯ ಬಾಬಾ ಅವರ ಹೊಡೆತಕ್ಕೆ ಮತಗಳು ಸಿಗುತ್ತವೆಯೇ ಎಂಬುದನ್ನು ಕಾದು ನೋಡಬೇಕಾಗಿದೆ.. ಆದರೆ ಸದ್ಯ ಆ ವಿಡಿಯೋ ಸೋಷಿಯಲ್‌ ಮಿಡಿಯಾದಲ್ಲಿ ವೈರಲ್ ಆಗಿದೆ.