ಪ್ರಯಾಣಿಕರ ಗಮನಕ್ಕೆ... ನಾಳೆಯಿಂದ 8 ರೈಲುಗಳ ಸಂಚಾರ ರದ್ದು

ಬೆಂಗಳೂರು: ರಾಜ್ಯದ ರೈಲ್ವೇ ಪ್ರಯಾಣಿಕರಿಗೆ ಇದು ಮಹತ್ವದ ಸುದ್ದಿಯಾಗಿದೆ. ನಾಳೆಯಿಂದ ನಿಮಗೆ ಈ ರೈಲ್ವೇ ಸೇವೆ ಸಿಗುವುದಿಲ್ಲ. 8 ರೈಲುಗಳ ಸಂಚಾರ ರದ್ದಾಗಲಿದೆ. ಉತ್ತರ ಕರ್ನಾಟಕ, ತುಮಕೂರು ಭಾಗದ ರೈಲು ಪ್ರಯಾಣಿಕರಿಗೆ ಇದರಿಂದ ಅನಾನುಕೂಲತೆ ಉಂಟಾಗಲಿದೆ. 

ನಾಳೆಯಿಂದ ಅಂದರೆ ಜೂನ್‌ 27 ರಿಂದ ಜುಲೈ 4 ರವರೆಗೆ ಎಂಟು ರೈಲುಗಳ ಸಂಚಾರ ರದ್ದು ಮಾಡಿ ಆದೇಶಿಸಲಾಗಿದೆ. ನಿಟ್ಟೂರು - ಸಂಪಿಗೆ ರಸ್ತೆ ರೈಲ್ವೆ ನಿಲ್ದಾಣ ನಡುವೆ ಕಾಮಗಾರಿ ನಡೆಯುತ್ತಿರುವ ಹಿನ್ನೆಲೆಯಲ್ಲಿ ಈ ರೈಲುಗಳನ್ನು ರದ್ದುಗೊಳಿಸಲಾಗಿದೆ. ಲೇವಲ್ ಕ್ರಾಸಿಂಗ್‌ನಲ್ಲಿ ಗರ್ಡರ್ ಅಳವಡಿಕೆ ಸಂಬಂಧಿತ ಕಾಮಗಾರಿ ನಡೆಯುತ್ತಿದೆ. ರೈಲು ಸಂಚಾರ ರದ್ದಾಗುವ ಬಗ್ಗೆ ನೈರುತ್ಯ ರೈಲ್ವೆ ಮಾಹಿತಿ ನೀಡಿದೆ. 

ಇದನ್ನೂ ಓದಿ: ಅಯೋಧ್ಯೆ ರಾಮಮಂದಿರ ಸ್ಫೋಟಿಸುವ ಗುರಿ ಎಂದ ಜೈಶ್-ಎ-ಮೊಹಮ್ಮದ್ ಉಗ್ರರು, ಆಡಿಯೋ ಸೋರಿಕೆ ಬೆನ್ನಲ್ಲೇ ಬಿಗಿ ಭದ್ರತೆ

ಯಾವ ರೈಲುಗಳ ಸಂಚಾರ ರದ್ದು? 

ತುಮಕೂರು-ಚಾಮರಾಜನಗರ (07346)

ಚಾಮ ರಾಜನಗರ-ಮೈಸೂರು (07328)

ಚಾಮರಾಜ ನಗರ-ಯಶವಂತಪುರ (16239)

ಯಶವಂತಪುರ- ಚಾಮರಾಜನಗರ (16240)

 ತುಮಕೂರು-ಕೆಎಸ್ ಆರ್‌ಬೆಂಗಳೂರು(06576) 

ಕೆಎಸ್‌ಆರ್‌ಬೆಂಗಳೂರು- ತುಮಕೂರು (06575)

 ಯಶವಂತಪುರ-ಶಿವಮೊಗ್ಗ (16579),

ಶಿವಮೊಗ್ಗ-ಯಶವಂತಪುರ (16580)  

ಭಾಗಶಃ ರದ್ದಾಗಲಿರುವ ರೈಲುಗಳು : 

ತುಮಕೂರು-ಕೆಎಸ್‌ಆರ್‌ಬೆಂಗಳೂರು (06571) 

ತಾಳಗುಪ್ಪ-ಕೆಎಸ್‌ಆರ್‌ಬೆಂಗ ಳೂರು ರೈಲು (06572)

ತಾಳಗುಪ್ಪ ಕೆಎಸ್‌ಆರ್ ಬೆಂಗಳೂರು (20652)

ಕೆಎಸ್‌ಆರ್‌ಬೆಂಗಳೂರು- ಧಾರವಾಡ (ಇಂಟರ್‌ಸಿಟಿ) (12725/6)

ಈ ರೈಲುಗಳ ಮಾರ್ಗ ಬದಲಾವಣೆ : 

ವಾಸ್ಕೊಡ ಗಾಮ-ಯಶವಂತಪುರ ರೈಲು (17310), ಮೈಸೂರು- ವಾರಾಣಸಿ (22687 ಮತ್ತು ಯಶವಂತಪುರ-ಜೈಪುರ (82653)ವಿಶ್ವಮಾನವ ಮೈಸೂರು-ಬೆಳಗಾವಿ (17326)  ರೈಲುಗಳು ಅರಸಿಕೆರೆ, ಹಾಸನ, ನೆಲಮಂಗಲ ಮೂಲಕ ಯಶವಂತಪುರಕ್ಕೆ ಬರಲಿವೆ.

ಮೈಸೂರು-ಉದಯಪುರ ರೈಲು (19668) ಎಸ್‌ಆರ್‌ಬೆಂಗಳೂರು ರೈಲು ಯಶವಂತಪುರ, ನೆಲಮಂಗಲ, ಹಾಸನ, ಆರಸಿಕೆರೆ, ದಾವಣಗೆರೆಗೆ ತೆರಳಲಿದೆ. 

ಇದನ್ನೂ ಓದಿ: Nandini Milk Price Hike: ನಂದಿನಿ ಹಾಲಿನ ದರ ಹೆಚ್ಚಳ... ಪರಿಷ್ಕೃತ ಬೆಲೆ ಇಲ್ಲಿದೆ ನೋಡಿ