ಪುನೀತ್ ರಾಜ್‌ಕುಮಾರ್ ಫೋಟೋಗೆ ಅಯ್ಯಪ್ಪಸ್ವಾಮಿ ದರ್ಶನ ಮಾಡಿಸಿದ ಅಭಿಮಾನಿಗಳು

ಹಾಸನ: ನಮ್ಮೆಲ್ಲರ ಪ್ರೀತಿಯ ಕರ್ನಾಟಕ ರತ್ನ ಪುನೀತ್ ರಾಜಕುಮಾರ್ ನಿಧನರಾದ ಸುದ್ದಿಯನ್ನು ಅಭಿಮಾನಿಗಳು ಇಂದಿಗೂ ಅರಗಿಸಿಕೊಳ್ಳದಂತಾಗಿದೆ,ಇಂತಹ ಸಂದರ್ಭದಲ್ಲಿ ಶಬರಿಮಲೆಗೆ ಹೋಗಿದ್ದ ಯುವಕರ ತಂಡವೊಂದು ಈಗ ನೆಚ್ಚಿನ ನಟನಿಗೆ ಅಯ್ಯಪ್ಪಸ್ವಾಮೀ ದೇವರ ದರ್ಶನವನ್ನು ಮಾಡಿಸುವ ಮೂಲಕ ಸ್ಮರಿಸಿಕೊಂಡಿದ್ದಾರೆ.

ಇದನ್ನೂ ಓದಿ:"ರಾಷ್ಟ್ರೀಯವಾದಿಗಳನ್ನು ಕೆಟ್ಟದಾಗಿ ನಡೆಸಿಕೊಳ್ಳುವುದನ್ನು ಈ ದೇಶ ಮುಂದುವರೆಸಿದೆ": ವಿಚಾರಣೆ ಬಳಿಕ ಕಂಗನಾ ಪೋಸ್ಟ್

ಇಲ್ಲಿನ ಅರಕಲಗೂಡು ತಾಲೂಕಿನ ಕಳ್ಳಿಮುದ್ದನಹಳ್ಳಿ ಗ್ರಾಮದ ಯುವಕರು ಅಪ್ಪುವಿಗೆ ದರ್ಶನ ಮಾಡಿಸಿದ್ದಾರೆ.ಇವರು ಪ್ರತಿವರ್ಷ ಕಾಲ್ನಡಿಗೆಯಲ್ಲಿ ಶಬರಿಮಲೆಗೆ ಹೋಗಿ ಪೂಜೆ ಸಲ್ಲಿಸುತ್ತಾರೆ.ಅದೇ ರೀತಿ ಈ ವರ್ಷವೂ ಕೂಡ ಅವರು ಶಬರಿ ಮಲೆಗೆ ಹೋಗಿ ಪೂಜೆಯನ್ನು ಸಲ್ಲಿಸಿದ್ದಾರೆ ಎನ್ನಲಾಗಿದೆ.

ಪುನೀತ್ ರಾಜಕುಮಾರ್ ಅವರು ನಿಧನರಾಗಿದ್ದಾಗ ಗ್ರಾಮದಲ್ಲಿ ಈ ಯುವಕರ ತಂಡವು ಶ್ರದ್ದಾಂಜಲಿಯನ್ನು ಅರ್ಪಿಸಿತ್ತು,ಈಗ ಅದೇ ಯುವಕರು ತಮ್ಮ ಶಬರಿಮಲೆ ಯಾತ್ರೆಯಲ್ಲಿ ನೆಚ್ಚಿನ ನಟ ಫೋಟೋದೊಂದಿಗೆ ದರ್ಶನವನ್ನು ಪಡೆದಿದ್ದಾರೆ.