ಮಲೆ ಮಹದೇಶ್ವರ ಬೆಟ್ಟದಲ್ಲಿ 4 ಕಾಡು ಹಂದಿಗಳ ಶವ ಪತ್ತೆ

ಚಾಮರಾಜನಗರ: ಹನೂರು ತಾಲೂಕಿನ ಮಲೆ ಮಹದೇಶ್ವರ ಬೆಟ್ಟದ ಅಂತರಗಂಗೆ ಸಮೀಪದ  ನಾಲ್ಕು ಕಾಡು ಹಂದಿಗಳ ಮೃತ ದೇಹ ಅನುಮಾನಸ್ಪದವಾಗಿ ಪತ್ತೆಯಾಗಿದೆ.

ಹನೂರು ತಾಲೂಕಿನ‌ ಮಹದೇಶ್ವರಬೆಟ್ಟದ ಅಂತರಗಂಗೆ ಸಮೀಪದ ಸಾರ್ವಜನಿಕ ಸ್ಮಶಾನದಲ್ಲಿ ಆರಾಧನಾ ಪೂಜೆಗೆ ತೆರಳಿದ್ದ ಸ್ಥಳೀಯ ನಿವಾಸಿಗಳಿಗೆ ನಾಲ್ಕು ಕಾಡುಹಂದಿಗಳು ಮೃತಪಟ್ಟರುವುದು ಬೆಳಕಿಗೆ ಬಂದಿದೆ . ಮೇಲ್ನೋಟಕ್ಕೆ ಸ್ಥಳೀಯರು ಸ್ಪೋಟಕ ಬಳಸಿ ಕಾಡುಹಂದಿಗಳನ್ನು ಕೊಂದಿರುವ ಬಗ್ಗೆ ಅನುಮಾನ ವ್ಯಕ್ತಪಡಿಸಿದ್ದಾರೆ.

ಇದನ್ನೂ ಓದಿ- ಗ್ಯಾಸ್ ಸಿಲಿಂಡರ್ ಸ್ಫೋಟ: ಚಿಕಿತ್ಸೆ ಫಲಿಸದೆ ಇಬ್ಬರು ಮಾಲಾಧಾರಿಗಳ ದುರ್ಮರಣ, ಮೃತರ ಕುಟುಂಬಕ್ಕೆ 5 ಲಕ್ಷ ರೂ. ಪರಿಹಾರ 

ಕಾಡು ಹಂದಿಗಳು ನಿರಂತರವಾಗಿ ಶ್ರೀ ಕ್ಷೇತ್ರ ಮಲೆ ಮಹಾದೇಶ್ವರ ಬೆಟ್ಟದಲ್ಲಿ ವಯೋವೃದ್ಧರು ಮಕ್ಕಳ ಮೇಲೆ ದಾಳಿ ನಡೆಸಿ ಹಲ್ಲೆ ಮಾಡಿರುವುದರಿಂದ ಬೇಸತ್ತು ಈ ರೀತಿ ಮಾಡಿರಬಹುದು ಎಂದು ಅಂದಾಜಿಸಲಾಗಿದೆ.

ಇದನ್ನೂ ಓದಿ- ಶಕ್ತಿ ಯೋಜನೆಯಿಂದ ಮಲೆ ಮಹದೇಶ್ವರನಿಗೆ ಹರಿದು ಬಂತು ಬಂಪರ್ ಆದಾಯ.. !

ಕ್ರಮಕ್ಕೆ ಒತ್ತಾಯ : 
ಕಿಡಿಗೇಡಿಗಳು ಸ್ಪೋಟಕ ಬಳಸಿ ಮಾದಪ್ಪನ ಕ್ಷೇತ್ರದಲ್ಲಿ ಕಾಡುಹಂದಿಗಳನ್ನು ಕೊಂದಿರುವುದರಿಂದ ಅರಣ್ಯ ಇಲಾಖೆಯವರು ಸೂಕ್ತ ಕ್ರಮ ಕೈಗೊಳ್ಳಬೇಕು  ಎಂದು ವನ್ಯ ಪ್ರಾಣಿಪ್ರಿಯರು  ಒತ್ತಾಯಿಸಿದ್ದಾರೆ.

ಇತ್ತೀಚಿನ ಅಪ್ಡೇಟ್ ಸುದ್ದಿಗಳನ್ನು ವೀಕ್ಷಿಸಲು ನಮ್ಮ Youtube Link - https://www.youtube.com/@ZeeKannadaNews/featured ಸಬ್ ಸ್ಕ್ರೈಬ್ಆಗಿರಿ.