ಕೆಎಸ್ಆರ್ಟಿಸಿಗೆ ನಿಮ್ಮ ಐಡಿಯಾ ನೀಡಿ 25,000 ರೂ.ಬಹುಮಾನ ಗೆಲ್ಲಿ..!

ಬೆಂಗಳೂರು: ಭಾರತದಲ್ಲೇ ಅತ್ಯುತ್ತಮ ಸಾರಿಗೆ ಸೇವೆ ಎಂದನಿಸಿಕೊಂಡಿರುವ ಕೆಎಸ್ ಆರ್ ಟಿಸಿ ನಿಗಮ‌ ತನ್ನ ವ್ಯಾಪ್ತಿಗೆ ಹೊಸ ಹೊಸ ಬಸ್ ಗಳನ್ನ ಪರಿಚಯಿಸುತ್ತಿರುತ್ತಲೆ ಇರುತ್ತದೆ. ಇದೀಗ ಮತ್ತೊಮ್ಮೆ ಎರಡು ಬಗೆಯ ಹೊಸ ಬಸ್ ಗಳನ್ನ ಪರಿಚಯಿಸುತ್ತಿದ್ದು ಪ್ರಯಾಣಿಕರು ಈ ಬಸ್ ಗಳಿಂದ ಸುಖಕರ ಮತ್ತು ಸುರಕ್ಷಿತೆಯಿಂದ ಪ್ರಯಾಣ ಬೆಳೆಸಬಹುದಾಗಿದೆ ಎಂದು KSRTC ನಿಗಮ ಹೇಳಿದೆ.

ಇದನ್ನೂ ಓದಿ: Siddaramiah Biopic: ತೆರೆ ಮೇಲೆ ಸಿದ್ದರಾಮಯ್ಯ ಬಯೋಪಿಕ್: ಸಿದ್ದು ಪಾತ್ರಕ್ಕೆ ಬಣ್ಣ ಹಚ್ಚಲಿದ್ದಾರೆ ತಮಿಳಿನ ಈ ನಟ!

ನೂತನವಾಗಿ ಆರಂಭಿಸಲಿರುವ ಮಲ್ಟಿ ಆಕ್ಸೆಲ್ ಸ್ಲೀಪರ್ ಹಾಗೂ ವಿದ್ಯುತ್ ಚಾಲಿತ ವಾಹನಗಳಿಗೆ ಸಾರ್ವಜನಿಕರು ಹಾಗೂ ಪ್ರಯಾಣಿಕರಿಂದ ಬ್ರಾಂಡ್ ಹೆಸರು ಟ್ಯಾಗ್ ಲೈನ್ ಹಾಗೂ  ಗ್ರಾಫಿಕ್ಸ್ ಗಳನ್ನು ಆಹ್ವಾನಿಸುತ್ತಿದೆ.ಪ್ರತಿ ಮಾದರಿಯ ವಾಹನಗಳಿಗೆ ಉತ್ತಮ ಬ್ರಾಂಡ್ ಹೆಸರನ್ನು ಸೂಚಿಸುವ ವಿಜೇತರಿಗೆ 10,000 ನಗದು ಬಹುಮಾನವನ್ನು ಹಾಗೂ ಉತ್ತಮ ಗ್ರಾಫಿಕ್ಸ್ ನೀಡಿದವರಿಗೆ ತಲಾ ರೂ. 25,000 ಬಹುಮಾನವನ್ನು ಘೋಷಿಸಲಾಗಿದೆ. ಬ್ರಾಂಡ್ ಹೆಸರನ್ನು ಸೂಚಿಸಲು ಕಡೆಯ ದಿನಾಂಕ 5.12.2022 ಆಗಿರುತ್ತದೆ.