Covid-19 New Guidelines: ಕೋವಿಡ್ -19 ಮಾರ್ಗಸೂಚಿಯಲ್ಲಿ `ಯು ಟರ್ನ್` ಹೊಡೆದ ರಾಜ್ಯ ಸರ್ಕಾರ!

ಬೆಂಗಳೂರು: ಜಿಮ್ ಗೆ ಹೋಗುವ ಜನರಿಗೆ ರಾಜ್ಯ ಸರ್ಕಾರ ಇಂದು ಹೊಸ ಮಾರ್ಗಸೂಚಿಗಳನ್ನು ಹೊರಡಿಸಿದೆ. ರಾಜ್ಯ್ದಲ್ಲಿ ಇಂದು 4,553 ಹೊಸ ಕೋವಿಡ್ -19 ಪ್ರಕರಣಗಳು ಕಂಡು ಬಂದಿದ್ದು, 2060 ಜನರನ್ನ ಡಿಸ್ ಚಾರ್ಜ್ ಮಾಡಲಾಗಿದೆ. 15 ಜನ ಕೋವಿಡ್ ನಿಂದ ಸಾವನ್ನಪ್ಪಿದ್ದಾರೆ. ರಾಜ್ಯ ರಾಜಧಾನಿ ಬೆಂಗಳೂರು ನಗರವು ಅತೀ ಹೆಚ್ಚು ಕೊರೋನಾ ಪೀಡಿತ ಜಿಲ್ಲೆಯಾಗಿದೆ. 

ಜಿಮ್‌ ಗಳಿಗೆ ಕೋವಿಡ್ -19(Covid-19) ಮಾರ್ಗಸೂಚಿಗೆ ಸಂಬಂಧಪಟ್ಟಂತೆ ರಾಜ್ಯ ಸರ್ಕಾರವು ಹೊಸ ಅಧಿಸೂಚನೆಯನ್ನು ಹೊರಡಿಸಿದೆ. ಜಿಮ್‌ ಗಳಲ್ಲಿ ಯಾವುದೇ ಕಾರಣಕ್ಕೂ 50% ಸಾಮರ್ಥ್ಯವನ್ನು ಮೀರಬಾರದು, ಕಟ್ಟುನಿಟ್ಟಾದ ಕೋವಿಡ್ ಮಾರ್ಗಸೂಚಿಗಳನ್ನ ಪಾಲಿಸಲೇಬೇಕು. ಪ್ರತಿ ಉಪಕರಣಗಳ ಬಳಕೆಯ ನಂತ್ರ ಅವುಗಳನ್ನ ಸ್ವಚ್ಛಗೊಳಿಸಬೇಕು. ಒಂದು ವೇಳೆ ಯಾವುದೇ ನಿಯಮ ಉಲ್ಲಂಘನೆಯಾದರೆ ಇದ್ದರೆ ,ಕೋವಿಡ್ ಮುಗಿಯುವವರೆಗೆ ಜಿಮ್ ಮುಚ್ಚಬೇಕಾಗುತ್ತದೆ ಎಂದು ತಿಳಿಸಿದೆ. ರಾಜ್ಯದಲ್ಲಿ ಕೋವಿಡ್ -19 ಪ್ರಕರಣಗಳು ಹೆಚ್ಚಾಗಲು ಜಿಮ್‌ಗಳೇ ಕರಣ ಎಂದು ಹಿಂದೆ ಸರ್ಕಾರವೆ ಹೇಳಿತ್ತು. 

ರಾಜ್ಯ ಸರ್ಕಾರ ಜಿಮ್(Gyms) ಅಲ್ಲದೆ  ಸಿನೆಮಾ ಥೇಟರ್ ಗಳಲ್ಲಿ  ಶೇಕಡಾ 50 ರಷ್ಟು ಆಸನ ಸಾಮರ್ಥ್ಯದ ಬಗ್ಗೆ ಕೂಡ ತನ್ನ ಆದೇಶದ ಸೂಚನೆಯನ್ನು ವಿಸ್ತರಿಸಿದೆ. ಈ ನಿಯಮವು  ಏಪ್ರಿಲ್ 7 ವರೆಗೆ ಅನ್ವಯವಾಗಲಿದೆ ಎಂದು ಹೇಳಿದೆ. 

ಕನ್ನಡ ಚಲನಚಿತ್ರೋದ್ಯಮದ ಕೋರಿಕೆಯ ಮೇರೆಗೆ ಚಿತ್ರಮಂದಿರ(Cinema Halls)ಗಳಲ್ಲಿ ಆಸನ ಸಾಮರ್ಥ್ಯವನ್ನು 50% ಕ್ಕೆ ನಿಗದಿಪಡಿಸುವುದಾಗಿ ಸರ್ಕಾರ ನಿನ್ನೆ ಆದೇಶ ಪ್ರಕಟಿಸಿದೆ. 

ಕೊರೊನಾವೈರಸ್(Coronavirus) ಸೋಂಕಿನ ಹೆಚ್ಚಳಕ್ಕೆ ರಾಜ್ಯ ಸಾಕ್ಷಿಯಾಗುತ್ತಿರುವುದರಿಂದ ಸರ್ಕಾರ ಈ ಹಿಂದೆ ಹಲವಾರು ನಿರ್ಧಾರಗಳನ್ನು ಹೊರಡಿಸಿತ್ತು. 

ರಾಜ್ಯ ಸರ್ಕಾರ ಹೊರಡಿಸಿದ ಮಾರ್ಗಸೂಚಿಯಲ್ಲಿ, ಸಿನೆಮಾ ಹಾಲ್‌ನಲ್ಲಿ ಆಸನಗಳನ್ನು ಗರಿಷ್ಠ 50% ರಷ್ಟು ಸೀಮಿತ ಎಂದು ಹೇಳಲಾಗಿತ್ತು. ಈ ಕುರಿತು ಕರ್ನಾಟಕ ಫಿಲ್ಮ್ ಚೇಂಬರ್ ಆಫ್ ಕಾಮರ್ಸ್ ಸಿಎಂಗೆ ಸಿನೆಮಾ ಹಾಲ್‌ಗಳನ್ನು ನಡೆಸಲು ಅವಕಾಶ ನೀಡುವಂತೆ ಮನವಿ ಮಾಡಿಕೊಂಡಿತ್ತು. 

ಆನ್‌ಲೈನ್ ನಲ್ಲಿ ಅಡ್ವಾನ್ಸ್ ಟಿಕೆಟ್ ಬುಕಿಂಗ್ ಮಾಡಿದ್ದಾರೆ. ಈಗ, ಈ ನಿರ್ಬಂಧವನ್ನು ಏಪ್ರಿಲ್ 7 ರಿಂದ ಜಾರಿಗೆ ತರಲು ನಿರ್ಧರಿಸಲಾಗಿದೆ ಎಂದು ಕರ್ನಾಟಕ ಸರ್ಕಾರದ ಆದೇಶದಲ್ಲಿ ನೀಡಲಾಗಿದೆ.