ರೈತರಿಗೆ ಸರ್ಕಾರಿದಿಂದ ಸಿಹಿ ಸುದ್ದಿ: KIADBಗೆ ಭೂಮಿ ಕೊಟ್ಟವರಿಗೆ ಪರಿಹಾರ ಹೆಚ್ಚಳ!

ರೈತರಿಗೆ ಸರಕಾರ ಸಿಹಿ ಸುದ್ದಿ ನೀಡಿದೆ. ಕೈಗಾರಿಕೆಗೆ ಭೂಮಿ ಕೊಟ್ಟ ರೈತರಿಗೆ ಪರಿಹಾರವಾಗಿ ನೀಡುತ್ತಿದ್ದ ಅಭಿವೃದ್ಧಿಪಡಿಸಿದ ಜಮೀನಿನ ವಿಸ್ತೀರ್ಣವನ್ನು ಹೆಚ್ಚಿಸಿದೆ. ಭೂ ಪರಿಹಾರದ (ಹಣ) ಬದಲಾಗಿ ರೈತರಿಗೆ ನೀಡುತ್ತಿದ್ದ ಅಭಿವೃದ್ಧಿಪಡಿಸಿದ ಜಮೀನಿನ ವಿಸ್ತಿರ್ಣವನ್ನು ಪರಿಷ್ಕರಿಸಿ, ಈ ಮೊದಲಿದ್ದ ಪರಿಹಾರದ ಜಮೀನನ್ನು 9583 ಚದರ ಅಡಿಯಿಂದ 10,781 ಚದರ ಅಡಿಗೆ ವಿಸ್ತರಿಸಿ ಮಾ.9ರಂದು ಆದೇಶ ಹೊರಡಿಸಿದೆ. ಹೆಚ್ಚಿನ ಜಮೀನು ನೀಡುವಂತೆ ರಾಜ್ಯ ಸರಕಾರಕ್ಕೆ ಮೂರು ವರ್ಷಗಳಿಂದಲೂ ರೈತರು/ಭೂ ಮಾಲೀಕರು ಒತ್ತಾಯಿಸುತ್ತಿದ್ದರು.

ನಡೆಸುವ ಭೂಸ್ವಾಧೀನ ಪ್ರಕ್ರಿಯೆಯಲ್ಲಿನ ಭೂಮಾಲೀಕರಿಗೆ(Land Owner) ಮಾತ್ರ ಈ ಯೋಜನೆ ಅನ್ವಯಿಸುತ್ತದೆ.

ಕೆಐಎಡಿಬಿ ಕೈಗಾರಿಕಾ ಪ್ರದೇಶಾಭಿವೃದ್ಧಿಗೆ ರಾಜ್ಯದಲ್ಲಿ ಹೆಚ್ಚಿನ ಭೂಸ್ವಾಧೀನ ಪ್ರಕ್ರಿಯೆ ನಡೆಯುತ್ತಿದೆ. ಪರಿಹಾರವಾಗಿ ನಗದು ನೀಡಲು ಕೆಐಎಡಿಬಿ(KIADB)ಯಲ್ಲಿ ಆರ್ಥಿಕ ಮೂಲ ಸಾಕಷ್ಟಿಲ್ಲದ ಹಿನ್ನೆಲೆಯಲ್ಲಿ 2007ರ ಆ.13ರಂದು ಸರಕಾರ ಈ ಯೋಜನೆ ಜಾರಿಗೆ ತಂದಿತ್ತು. ಈ ಮೊದಲು ಒಂದು ಬಾರಿ ಆದೇಶವನ್ನು ಪರಿಷ್ಕರಿಸಿದ್ದ ರಾಜ್ಯ ಸರಕಾರ, ಇದೀಗ ಎರಡನೇ ಬಾರಿ ಆದೇಶ ಪರಿಷ್ಕರಿಸಿದೆ. ಕೈಗಾರಿಕಾ ಪ್ರದೇಶಾಭಿವೃದ್ಧಿಗೆ ನೀಡಿದ ಭೂಪ್ರದೇಶದಲ್ಲೇ ಅಭಿವೃದ್ಧಿಪಡಿಸಿದ ಜಮೀನು ಪಡೆಯಲು ರೈತರಿಗೆ ಅವಕಾಶ ಕಲ್ಪಿಸಲಾಗಿದ್ದು, ಅಭಿವೃದ್ಧಿಪಡಿಸಿದ ಜಮೀನು ಲಭ್ಯವಿಲ್ಲದ ಪಕ್ಷದಲ್ಲಿ ನಗದು ರೂಪದಲ್ಲಿಯೇ ರಾಜ್ಯ ಸರಕಾರ ಭೂ ಪರಿಹಾರ ನೀಡಲಿದೆ.