ಸುಭದ್ರ, ಸಮೃದ್ಧ ಮತ್ತು ಸುಸ್ಥಿರ ದೇಶಕ್ಕಾಗಿ ಭಾರತದ ಆಯ್ಕೆ INDIA: ಕಾಂಗ್ರೆಸ್

ಬೆಂಗಳೂರು: ಸುಭದ್ರ ಭಾರತಕ್ಕಾಗಿ, ಸಮೃದ್ಧ ಭಾರತಕ್ಕಾಗಿ ಮತ್ತು ಸುಸ್ಥಿರ ಭಾರತಕ್ಕಾಗಿ ಭಾರತದ ಆಯ್ಕೆ INDIA ಆಗಲಿದೆ ಎಂದು ಕಾಂಗ್ರೆಸ್ ಹೇಳಿದೆ. ಮುಂಬರುವ ಲೋಕಸಭಾ ಚುನಾವಣೆಯಲ್ಲಿ ಎನ್‍ಡಿಎ ನೇತೃತ್ವದ ಬಿಜೆಪಿ ಸರ್ಕಾರವನ್ನು ಮಣಿಸಲು ವಿಪಕ್ಷಗಳ ರಚಿಸಿಕೊಂಡಿರುವ ಘಟಬಂಧನ್‌ ವಿಚಾರವಾಗಿ ಕಾಂಗ್ರೆಸ್ ಬುಧವಾರ ಟ್ವೀಟ್ ಮಾಡಿದೆ.  

INDIA ಅಂದರೆ Indian National Developmental Inclusive Alliance, NDA ಅಂದರೆ Nation Destroying Alliance ಇದೇ ವ್ಯತ್ಯಾಸ! ಎಂದು ಟೀಕಿಸಿರುವ ಕಾಂಗ್ರೆಸ್ ಪ್ರಧಾನಿ ಮೋದಿ INDIA ಎಂದಿರುವ ವಿಡಯೋ ಹಂಚಿಕೊಂಡಿದ್ದು, ಮೋದಿಜಿಯೂ #INDIA ಒಕ್ಕೂಟವನ್ನು ಬೆಂಬಲಿಸಲು ಕರೆ ನೀಡಿದ್ದಾರೆ!’ ಅಂತಾ ಟ್ವೀಟ್ ಮಾಡಿದೆ.

ಇದನ್ನೂ ಓದಿ: Viral Video: ವರನ ಮುಖಕ್ಕೆ ಉಗುಳಿ, ಕಾಲಿನಿಂದ ಒದ್ದು ವೇದಿಕೆಯಿಂದ ತಳ್ಳಿದ ವಧು!

ಪಶ್ಚಿಮ ಬಂಗಾಳ ಸಿಎಂ ಮಮತಾ ಬ್ಯಾನರ್ಜಿ, ದೆಹಲಿಯ ಅರವಿಂದ ಕೇಜ್ರಿವಾಲ್, ತಮಿಳುನಾಡಿನ ಎಂ.ಕೆ.ಸ್ಟಾಲಿನ್, ಬಿಹಾರದ ನಿತೀಶ್ ಕುಮಾರ್, ಎನ್‍ಸಿಪಿ ಮುಖ್ಯಸ್ಥ ಶರದ್ ಪವಾರ್, ಜಮ್ಮು-ಕಾಶ್ಮೀರದ ಮಾಜಿ ಸಿಎಂಗಳಾದ ಫರೂಕ್ ಅಬ್ದುಲ್ಲಾ, ಒಮರ್ ಅಬ್ದುಲ್ಲ್ಲಾ, ಲಾಲೂ ಪ್ರಸಾದ್ ಯಾದವ್, ಮಹಾರಾಷ್ಟ್ರ ಮಾಜಿ ಸಿಎಂ ಉದ್ಧವ್ ಠಾಕ್ರೆ, ಸೋನಿಯಾ ಮತ್ತು ರಾಹುಲ್ ಗಾಂಧಿ ಸೇರಿ ಹಲವು ನಾಯಕರು ಪಾಲ್ಗೊಂಡಿದ್ದರು.