ಉಪ್ಪನ್ನೂ ಬಿಡ್ತಿಲ್ವ ಮನುಷ್ಯತ್ವ ಇಲ್ಲದ ಕಡುಭ್ರಷ್ಟ ಕಾಂಗ್ರೆಸ್ ಸರ್ಕಾರ!: ಬಿಜೆಪಿ

ಬೆಂಗಳೂರು: ಹೆಣಕ್ಕೆ ಬಳಸುವ ಉಪ್ಪನ್ನೇ ಬೆಳಗಾವಿಯ ಹಿಂಡಲಗಾ ಕೇಂದ್ರ ಕಾರಾಗೃಹದಲ್ಲಿ ಕೈದಿಗಳ ಆಹಾರಕ್ಕೆ ಉಪಯೋಗಿಸಲಾಗುತ್ತದೆ ಎಂಬ ಗಂಭೀರ ಆರೋಪ ಕೇಳಿಬಂದಿದೆ. ಇದೇ ವಿಚಾರಚಾಗಿ ಕಾಂಗ್ರೆಸ್ ಸರ್ಕಾರದ ವಿರುದ್ಧ ಬಿಜೆಪಿ ಆಕ್ರೋಶ ವ್ಯಕ್ತಪಡಿಸಿದ್ದು, ಮನುಷ್ಯತ್ವ ಇಲ್ಲದ ಈ ಕಡುಭ್ರಷ್ಟ ಕಾಂಗ್ರೆಸ್ ಸರ್ಕಾರ ಉಪ್ಪನ್ನೂ ಬಿಡ್ತಿಲ್ವಲ್ಲಾ’ ಎಂದು ಟೀಕಿಸಿದೆ.

‘ಈ ಸಮಸ್ಯೆ ಬಗೆಹರಿಸುವಂತೆ ಒತ್ತಾಯಿಸಿ ಕರ್ನಾಟಕ ಬಂದ್ ಮಾಡಲು ಖಾಸಗಿ ಸಾರಿಗೆ ನೌಕರರು ನಿರ್ಧರಿಸಿರುವುದು ಸರಿಯಾಗಿಯೇ ಇದೆ. #ATMSarkara ಕುಂಭಕರ್ಣ ನಿದ್ದೆಯಿಂದ ಎಚ್ಚರಗೊಳ್ಳದೆ ಹೋದರೆ ರಾಜ್ಯದ ಜನರು ಇಂತಹ ಇನ್ನೂ ಅನೇಕ ಬಂದ್-ಮುಷ್ಕರಗಳಿಂದ ಸಂಕಷ್ಟಕ್ಕೆ ಸಿಲುಕುವುದು ನಿಶ್ಚಿತ..!’ವೆಂದು ಬಿಜೆಪಿ ಕುಟುಕಿದೆ.

‘ಸಿಎಂ ಸಿದ್ದರಾಮಯ್ಯನವರು ತಮ್ಮ ಪುತ್ರ ಡಾ.ಯತೀಂದ್ರ ಸಿದ್ದರಾಮಯ್ಯರಿಗೆ ಸಾಂವಿಧಾನಿಕ ಹುದ್ದೆಯನ್ನು ನೀಡುವುದರಿಂದ ಹಿಡಿದು ವರ್ಗಾವಣೆ ದಂಧೆಯವರೆಗೂ ಗುಟ್ಟಾಗಿಯೇ ಎಲ್ಲವನ್ನೂ ಮಾಡಲು ಯತ್ನಿಸಿ ಇದೀಗ ಬೆತ್ತಲಾಗುತ್ತಿದ್ದಾರೆ’ ಎಂದು ಬಿಜೆಪಿ ಕಿಡಿಕಾರಿದೆ.