Karnataka Budget 2021: ಬಜೆಟ್‌ ನಂತ್ರ ಯಾವುದು ಏರಿಕೆ? ಯಾವುದು ಇಳಿಕೆ? ಇಲ್ಲಿದೆ ಮಾಹಿತಿ

ಬೆಂಗಳೂರು: ಸಾಮಾನ್ಯವಾಗಿ ಬಜೆಟ್‌ ಮಂಡನೆ ಬಳಿಕ ಶ್ರೀಸಾಮಾನ್ಯರು ಕುತೂಹಲದಿಂದ ನೋಡುವುದೆಂದರೆ ಯಾವುದು ಏರಿಕೆಯಾಗಿದೆ, ಯಾವುದು ಇಳಿಕೆಯಾಗಿದೆ ಎಂದು.

ಆದರೆ ಈ ಬಾರಿಯ ಬಜೆಟ್‌(Budget)ನಲ್ಲಿ ಅಂಥಹ ಬದಲಾವಣೆಗಳನ್ನೇನೂ ಮಾಡಿಲ್ಲ. ಹಾಗಾಗಿ ಏರಿಕೆ, ಇಳಿಕೆಯ ಸಂಖ್ಯೆ ಕಡಿಮೆ ಇದ್ದು, ಹೆಚ್ಚಿನ ವಸ್ತುಗಳ ಬೆಲೆ ಯಥಾಸ್ಥಿತಿಯಲ್ಲಿ ಮುಂದುವರಿಯಲಿವೆ.

ಏರಿಕೆ: ಯಾವುದೂ ಇಲ್ಲ. ಸರ್ಕಾರ ಸಾಮಾನ್ಯವಾಗಿ ಸಿಗರೇಟ್‌, ಮದ್ಯದ ಮೇಲಿನ ತೆರಿಗೆ(Tax) ಏರಿಕೆ ಮಾಡುವುದು ರೂಢಿ. ಆದರೆ ಈ ಬಾರಿ ಅವುಗಳ ಮೇಲಿನ ತೆರಿಗೆಯನ್ನೂ ಏರಿಕೆ ಮಾಡಿಲ್ಲ.

ಇಳಿಕೆ: ಅಪಾರ್ಟ್‌ಮೆಂಟ್‌ 35-45 ಲಕ್ಷ ರೂ. ವರೆಗಿನ ಅಪಾರ್ಟ್‌ಮೆಂಟ್‌ಗಳ ಮೊದಲನೇ ನೋಂದಣಿಯ ಮುದ್ರಾಂಕ ಶುಲ್ಕ(Stamp Fee)ವನ್ನು ಶೇ. 5 ರಿಂದ ಶೇ. 3ಕ್ಕೆ ಸರ್ಕಾರ ಇಳಿಕೆ ಮಾಡಿದೆ. ಇದರಿಂದ ಅಪಾರ್ಟ್‌ಮೆಂಟ್‌ಗಳ ದರ ಇಳಿಕೆಯಾಗದಿದ್ದರೂ, ಖರೀದಿ ದರ ದೊಡ್ಡ ಪ್ರಮಾಣದಲ್ಲಿ ಕಡಿಮೆಯಾಗಲಿದೆ. ಮಧ್ಯಮ ವರ್ಗದವರಿಗೆ ಇದರಿಂದ ಹೆಚ್ಚಿನ ಲಾಭವಾಗಲಿದೆ.

ಯಥಾಸ್ಥಿತಿ: ಪೆಟ್ರೋಲ್‌, ಡೀಸೆಲ್‌ - ಪೆಟ್ರೋಲ್‌ ಹಾಗೂ ಡೀಸೆಲ್‌(Diesel Petrol Price) ಮೇಲೆ ವಿಧಿಸುವ ಕರ್ನಾಟಕ ಮಾರಾಟ ತೆರಿಗೆ(Sale)ಯಲ್ಲಿ ಯಾವುದೇ ಬದಲಾವಣೆ ಮಾಡದೇ ಇರಲು ಸರಕಾರ ನಿರ್ಧರಿಸಿದೆ. ಹೀಗಾಗಿ ದರದಲ್ಲಿ ಯಾವುದೇ ಬದಲಾವಣೆಯಾಗುತ್ತಿಲ್ಲ.

-ಮದ್ಯ

-ಸಿಗರೇಟ್‌, ಗುಟ್ಕಾ, ತಂಬಾಕು ಉತ್ಪನ್ನಗಳು