ಬಿಜೆಪಿ ನುಂಗಿ ನೀರು ಕುಡಿದ 40 ಸಾವಿರ ಕೋಟಿಯಲ್ಲಿ 4 ಗ್ಯಾರಂಟಿ ಯೋಜನೆ ಪೂರೈಸಬಹುದಿತ್ತು: ಕಾಂಗ್ರೆಸ್

ಬೆಂಗಳೂರು: ಕೊರೊನಾ ಸಾಂಕ್ರಾಮಿಕದ ವೇಳೆ ಮಾಜಿ ಸಿಎಂ ಬಿ.ಎಸ್.ಯಡಿಯೂರಪ್ಪ ನೇತೃತ್ವದ ಸರ್ಕಾರದಲ್ಲಿ ನಡೆದಿತ್ತು ಎನ್ನಲಾದ 40 ಸಾವಿರ ಕೋಟಿ ರೂ. ಹಗರಣ ಸಂಬಂಧ ಬಿಜೆಪಿ ವಿರುದ್ಧ ಕಾಂಗ್ರೆಸ್ ತೀವ್ರ ವಾಗ್ದಳಿ ನಡೆಸಿದೆ. ಈ ಬಗ್ಗೆ ಗುರುವಾರ ಸರಣಿ ಟ್ವೀಟ್ ಮಾಡಿರುವ ಕಾಂಗ್ರೆಸ್, ಬಿಜೆಪಿ ರಾಜ್ಯಾಧಯಕ್ಷ ಬಿ.ವೈ.ವಿಜಯೇಂದ್ರ ವಿರುದ್ಧ ಕಿಡಿಕಾರಿದೆ.

‘ಒಂದಲ್ಲ, ಎರಡಲ್ಲ, ಬರೋಬ್ಬರಿ 40 ಸಾವಿರ ಕೋಟಿ ರೂ. ನುಂಗಿ ನೀರು ಕುಡಿದಿದೆ ಬಿಜೆಪಿ! ಇದನ್ನು ನಾವು ಹೇಳಿದ್ದಲ್ಲ, ಬಜೆಪಿಗರೇ ಹೇಳಿದ್ದು. ಈ 40,000 ಕೋಟಿಯಲ್ಲಿ ನಾಲ್ಕು ಗ್ಯಾರಂಟಿ ಯೋಜನೆಗಳನ್ನು ಪೂರೈಸಬಹುದಿತ್ತು. ಭ್ರಷ್ಟಾಚಾರದ ಗ್ಯಾರಂಟಿ ಕೂಡುವ ಬಿಜೆಪಿಗೆ ಜನತೆಯ ನೆರವಿಗೆ ನಿಲ್ಲುವ ಆಲೋಚನೆ ಬರಲು ಸಾಧ್ಯವಿಲ್ಲ’ವೆಂದು ಕಾಂಗ್ರೆಸ್ ಆಕ್ರೋಶ ವ್ಯಕ್ತಪಡಿಸಿದೆ.

‘ಮಾಜಿ ಶ್ಯಾಡೋ ಸಿಎಂ ಬಿ.ವೈ.ವಿಜಯೇಂದ್ರ ಅವರೇ, ರಾಜ್ಯದ ಜನರಲ್ಲಿ ಉದ್ಭವಿಸಿರುವ ಪ್ರಶ್ನೆ ಹಾಗೂ ನೀವು ಉತ್ತರಿಸಲೇಬೇಕಾದ ಪ್ರಶ್ನೆಗಳು. ಕೋವಿಡ್ ಹೆಸರಲ್ಲಿ 40 ಸಾವಿರ ಕೋಟಿ ರೂ. ಲೂಟಿ ಹೊಡೆದಿದ್ದು ನಿಜವೇ? ನಿಜವಲ್ಲದೆ ಸುಳ್ಳಾಗಿದ್ದರೆ ನಿಮ್ಮವರೇ ಮಾಡಿದ ಆರೋಪದ ಬಗ್ಗೆ ಏಕೆ ಇನ್ನೂ ಮೌನವಾಗಿದ್ದೀರಿ?, "ಮೌನಂ ಸಮ್ಮತಿ ಲಕ್ಷಣಂ" ಎನ್ನುವುದು ನಿಮ್ಮ ಮೌನದ ಅರ್ಥವೇ?, ಮಾತಾಡಿದರೆ ದಾಖಲೆಗಳು ಬಿಡುಗಡೆಯಾಗುವ ಭಯ ನಿಮ್ಮಲ್ಲಿ ಕಾಡುತ್ತಿದೆಯೇ? ಅಥವಾ BSY ಅವರನ್ನು ನೆಪಮಾತ್ರಕ್ಕೆ ಸಿಎಂ ಸ್ಥಾನದಲ್ಲಿ ಕೂರಿಸಿ ನೀವೇ ಶ್ಯಾಡೋ ಸಿಎಂ ಆಗಿ "ವ್ಯವಹಾರ" ಮಾಡ್ತಿದ್ರಾ?’ ಎಂದು ಕಾಂಗ್ರೆಸ್ ಪ್ರಶ್ನಿಸಿದೆ.

ನಿಷ್ಠುರತೆ ಹೊಂದಿದ್ದರೆ ಮೋದಿಯವರು ತಮ್ಮ ಪಕ್ಷದವರ ಮೇಲೆ ತನಿಖೆ ನಡೆಸಲಿ’ ಎಂದು ಕಾಂಗ್ರೆಸ್ ಆಗ್ರಹಿಸಿದೆ.

ಇದನ್ನೂ ಓದಿ: ಕನ್ನಡವನ್ನು ಕಡೆಗಣಿಸಿದ್ದ ಪರಭಾಷಿಕರ ಮೊಂಡುತನಕ್ಕೆ ಪಾಠ