Karnataka SSLC Result 2023 : ಹತ್ತನೇ ತರಗತಿ ಫಲಿತಾಂಶ ಪ್ರಕಟ !

Karnataka SSLC Result 2023 Declared : ಕರ್ನಾಟಕ ಪ್ರೌಢ ಶಿಕ್ಷಣ ಪರೀಕ್ಷಾ ಮಂಡಳಿಯು 2023 ನೇ ಸಾಲಿನ  10 ನೇ ತರಗತಿ ಫಲಿತಾಂಶವನ್ನು ಪ್ರಕಟಿಸಿದೆ. ಶಿಕ್ಷಣಾ ಇಲಾಖೆ ಪ್ರಧಾನ ಕಾರ್ಯದರ್ಶಿ  ರಿತೀಶ್ ಸಿಂಗ್  ಅವರಿಂದ ಪ್ರಕಟಿಸಿದ್ದಾರೆ.  ಪ್ರತಿ ಸಲದಂತೆ ಈ ಬಾರಿ ಕೂಡಾ ವಿದ್ಯಾರ್ಥಿನಿಯರದ್ದೆ ಮೇಲು ಗೈ. ಈ ಬಾರಿ 83.89 ಪ್ರತಿಶತ ಫಲಿತಾಂಶ ಬಂದಿದೆ. ನಾಲ್ಕು ವಿದ್ಯಾರ್ಥಿಗಳು  625ರಲ್ಲಿ  625 ಅಂಕಗಳನ್ನು ಪಡೆದುಕೊಂಡಿದ್ದಾರೆ. 

ಚಿತ್ರದುರ್ಗ ಮೊದಲು ಯಾದಗಿರಿ ಕೊನೆ : 

96.8 ಶೇಕಡಾ ಫಲಿತಾಂಶ ಪಡೆದಿರುವ ಚಿತ್ರದುರ್ಗ ಜಿಲ್ಲೆ ಮೊದಲ ಸ್ಥಾನ ಪಡೆದುಕೊಂಡಿದೆ.  96.74ಶೇಕಡಾದೊಂದಿಗೆ ಮಂಡ್ಯ ಜಿಲ್ಲೆ ಎರಡನೇ ಸ್ಥಾನದಲ್ಲಿದ್ದರೆ, ಮೂರನೇ ಸ್ಥಾನ ಪಡೆದುಕೊಂಡ  ಹಾಸನ ಜಿಲ್ಲೆ 96.8 ಶೇಕಡಾ ಫಲಿತಾಂಶ ಪಡೆದಿದೆ. ಇನ್ನು ಯಾದಗಿರಿ ಜಿಲ್ಲೆ ಫಲಿತಾಂಶದಲ್ಲಿ ಕೊನೆಯ ಸ್ಥಾನ ಪಡೆದುಕೊಂಡಿದೆ. ಈ ಬಾರಿ ಮೂರು ಸಬ್ಜೆಕ್ಟ್ ನಲ್ಲಿ ಗ್ರೇಸ್ ಮಾರ್ಕ್ 10% ಗ್ರೇಸ್ ಮಾರ್ಕ್ಸ್ ನೀಡಲಾಗಿದೆ. 

ಇದನ್ನೂ ಓದಿ :  Karnataka SSLC Result 2023: ಇಂದು ಎಸ್ಎಸ್ಎಲ್’ಸಿ ಫಲಿತಾಂಶ ಪ್ರಕಟ: ರಿಸಲ್ಟ್ ಪರಿಶೀಲಿಸಲು ಈ ಲಿಂಕ್ ಕ್ಲಿಕ್ ಮಾಡಿ

ಮರು ಮೌಲ್ಯ ಮಾಪನಕ್ಕೆ ಅರ್ಜಿ ಸಲ್ಲಿಸುವ ದಿನಾಂಕ :

ಛಾಯಾಪತ್ರಿಕೆ- 08-05-23 ರಿಂದ 14-05-23

ಮರು ಮೌಲ್ಯ ಮಾಪನ :  15-05-23 ರಿಂದ 21-05-2023

ಪೂರಕ ಪರೀಕ್ಷೆಯ ನೋಂದಣಿ - 08-05-23 ರಿಂದ 15-05-23ರವರೆಗೆ ಅರ್ಜಿ ಸಲ್ಲಿಸಬಹುದಾಗಿದೆ. 

ಇದನ್ನೂ ಓದಿ : Different Restaurant: ನಗರದ ಮಧ್ಯ ಇರೋ ಜೈಲ್‌ ಯಾವುದಪ್ಪಾ.. ಅಂತ ಶಾಕ್‌ ಆಗ್ಬೇಡಿ.. ಇದು ರೆಸ್ಟೋರೆಂಟ್‌..! ಇದರ ವಿಶೇಷತೆ ಇಲ್ಲಿದೆ ನೋಡಿ

625ಕ್ಕೆ 625 ಅಂಕ ಪಡೆದ ವಿದ್ಯಾರ್ಥಿಗಳು :

ಈ ಬಾರಿ ನಾಲ್ಕು ವಿದ್ಯಾರ್ಥಿಗಳು 625ಕ್ಕೆ 625 ಅಂಕಗಳನ್ನು ಪಡೆಯುವ ಮೂಲಕ 100 ಶೇ ಫಲಿತಾಂಶ ಸಾಧಿಸಿದ್ದಾರೆ.  ಬೆಂಗಳೂರು, ನ್ಯೂ ಮೆಕಾಲ ಇಂಗ್ಲೀಷ್ ಸ್ಕೂಲ್ ನ ಭೂಮಿಕಾ ಪೈ, ಬಾಲಗಂಗಾಧರನಾಥ ಹೈಸ್ಕೂಲ್ ಚಿಕ್ಕಬಳ್ಳಾಪುರದ ಯಶಸ್ ಗೌಡ, ಕುಮಾರೇಶ್ವರ ಶಾಲೆ ಸವದತ್ತಿ ಅನುಪನಾ ಶ್ರೀಶೈಲ, ಮತ್ತು  ಆಕ್ಸ್ ಫರ್ಡ್ ಇಂಗ್ಲೀಷ್ ಶಾಲೆ ಮುದ್ದೇಬಿಹಾಳದ ಭೀಮನಗೌಡ ಹನುಮಂತಗೌಡ ಪಾಟೀಲ್ 625ಕ್ಕೆ 625 ಅಂಕಗಳನ್ನು ಪಡೆದುಕೊಂಡಿದ್ದಾರೆ. ಈ ಬಾರಿ 8,35,102 ವಿದ್ಯಾರ್ಥಿಗಳು  ಪರೀಕ್ಷೆ ಬರೆದುಇದ್ದು, ಈ ಪೈಕಿ  7,00,619  ವಿದ್ಯಾರ್ಥಿಗಳು ಉತ್ತೀರ್ಣರಾಗಿದ್ದಾರೆ.  

Karnataka SSLC Result 2023 ಅನ್ನು ಹೀಗೆ ಪರಿಶೀಲಿಸಿ : 
1.karresults.nic.in ನಲ್ಲಿ ಅಧಿಕೃತ ವೆಬ್‌ ಸೈಟ್‌ ಗೆ ಭೇಟಿ ನೀಡಿ
2.ಮುಖ್ಯ ಪುಟದಲ್ಲಿ ‘RESULT’ ಲಿಂಕ್ ಕಾಣಿಸುತ್ತದೆ. ಈ ಲಿಂಕ್ ಮೇಲೆ ಕ್ಲಿಕ್ ಮಾಡಿ
3.ಈಗ, ನಿಮ್ಮ ನೋಂದಣಿ ಸಂಖ್ಯೆ ಮತ್ತು ಜನ್ಮ ದಿನಾಂಕವನ್ನು ಎಂಟರ್ ಮಾಡಿ
4.ಎಲ್ಲಾ ವಿವರಗಳನ್ನು ಸಲ್ಲಿಸಿದ ತಕ್ಷಣ ಫಲಿತಾಂಶ ಸ್ಕ್ರೀನ್ ಮೇಲೆ ಕಾಣಿಸಿಕೊಳ್ಳುತ್ತದೆ