KSRTC ಸೆಕ್ಯುರಿಟಿ ಹುಸೇನಪ್ಪ ಕೊಲೆ: ಕರಾಟೆ ತರಬೇತಿದಾರ ಕಟ್ಟೆಸ್ವಾಮಿ ಮತ್ತೋರ್ವ ಸೆರೆ

ಬಂಧಿತ ಆರೋಪಿಗಳು ಕರಾಟೆ ತರಬೇತುದಾರ ಕಟ್ಟೆಸ್ವಾಮಿ (41) ಮತ್ತು ಕೊಳಗಲ್ಲು ನಿವಾಸಿ ಮಾನಪ್ಪ (40). ಈ ಇಬ್ಬರೂ ಕೊಲೆಯಾದ ಬಿ. ಹುಸೇನಪ್ಪ ಅವರ ಜೊತೆ ಹಣಕಾಸಿನ ವ್ಯವಹಾರ ಮಾಡಿದ್ದರು. ಹಣಕಾಸು ವ್ಯವಹಾರವೇ ಈ ಕೊಲೆಗೆ ಕಾರಣ ಎಂದು ಪೊಲೀಸರು ತಿಳಿಸಿದ್ದಾರೆ. 

ಇದನ್ನೂ ಓದಿ-ಸಿಎಂ ಸಿದ್ದರಾಮಯ್ಯ ಮತ್ತು ಯತೀಂದ್ರ ಕಾಸಿಗಾಗಿ ಹುದ್ದೆ ವಿಡಿಯೋ ಲೀಕ್!

ನೇಮಕಾತಿ ಕರ್ತವ್ಯಕ್ಕೆ ನಿಯೋಜನೆಗೊಂಡಿದ್ದ ಬಿ. ಹುಸೇನಪ್ಪ ಅವರನ್ನು ಆರೋಪಿಗಳು ಸೆಂಟ್ರಲ್ ಜೈಲ್ ಸಮೀಪದ ಬ್ಲೂಸ್ಕೈ ಶಾಲೆಗೆ ಸಮೀಪದಲ್ಲಿ ಆಗಸ್ಟ್ 6 ರಂದು ಮಾರಕಾಸ್ತ್ರಗಳಿಂದ ಕೊಚ್ಚಿ ಕೊಲೆ ಮಾಡಿದ್ದರು. ಇಬ್ಬರು ಪತ್ನಿಯರನ್ನು ಹೊಂದಿದ್ದ ಬಿ. ಹುಸೇನಪ್ಪ ಅವರ ಕೊಲೆ ಅನೇಕ ಅನುಮಾನಗಳಿಗೆ ಕಾರಣವಾಗಿತ್ತು. 

ಇದನ್ನೂ ಓದಿ-ಕ್ರಿಕೆಟ್ ಬೆಟ್ಟಿಂಗ್: ಹುಬ್ಬಳ್ಳಿಯಲ್ಲಿ 44 ಮಂದಿಯ ಬಂಧನ!

ಗಾಂಧಿನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ತನಿಖೆ ನಡೆದಾಗ ವೈಜ್ಞಾನಿಕ ಉಪಕರಣಗಳನ್ನು ಆಧರಿಸಿ ಆರೋಪಿಗಳನ್ನು ಪೊಲೀಸರು ವಶಕ್ಕೆ ಪಡೆದು ವಿಚಾರಣೆ ನಡೆಸಿ ಇಬ್ಬರನ್ನು ಬಂಧಿಸಿ, ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಿದ್ದಾರೆ. ಪ್ರಕರಣದ ತನಿಖೆ ಮುಂದುವರೆದಿದೆ.