ಸಾಲ ಮರು ಪಾವತಿ ನೋಟಿಸ್ ನೀಡಲು ಬಂದವ ಮೇಲೆ ಕಲ್ಲು ಎಸೆದ ಅಜ್ಜ..!

ಕುಂದಾಪುರ : ಸಾಲ ಮರು ಪಾವತಿ ನೋಟಿಸ್ ನೀಡಲು ಬಂದವರ ಮೇಲೆ ವೃದ್ದರೊಬ್ಬರು ಕಲ್ಲಿನಿಂದ ಹಲ್ಲೆ ನಡೆಸಿರುವ ಘಟನೆ ಉಡುಪಿ ಜಿಲ್ಲೆ ಕುಂದಾಪುರ ತಾಲೂಕಿನ ಬೇಳೂರಿನಲ್ಲಿ ನಡೆದಿದೆ. 

ಕುಂದಾಪುರ ತಾಲೂಕಿನ ಬೇಳೂರು ನಿವಾಸಿ ಆನಂದ್ ಶೆಟ್ಟಿಯವರು ಕಲ್ಲಿನಿಂದ ಹಲ್ಲೆ ಮಾಡಿದವರು ಎಂದು ತಿಳಿದು ಬಂದಿದೆ. ಕೋಟ ವ್ಯವಸಾಯ ಸೇವಾ ಸಹಕಾರಿ ಬ್ಯಾಂಕ್‌ನ ಸುರೇಶ್ ಕಾಂಚನ್ ಮೇಲೆ ಆನಂದ್ ಶೆಟ್ಟಿಯವರು ಕಲ್ಲಿನಿಂದ ಹಲ್ಲೆ ಮಾಡಿದ್ದಾರೆ ಎಂದು ಆರೋಪಿಸಲಾಗಿದೆ.

ಇದನ್ನೂ ಓದಿ: "ಪ್ರಧಾನಿ ಮೋದಿ ಮುಜುಗರಕ್ಕೀಡಾಗಲಿ ಎನ್ನುವ ದುರುದ್ದೇಶದಿಂದ ಯತ್ನಾಳ್ ಆರೋಪ ಮಾಡುತ್ತಿದ್ದಾರೆ"

ಆನಂದ್ ಶೆಟ್ಟಿ ಅವರ ಮನೆಗೆ ಬ್ಯಾಂಕ್ ನೋಟೀಸ್ ನೀಡಲು ತೆರಳಿದ್ದ ಸುರೇಶ್ ಕಾಂಚನ್ ಈ ವೇಳೆ ಕೋಪಗೊಂಡ ಆನಂದ ಶೆಟ್ಟಿ ಅವರಿಂದ ಕಲ್ಲಿನಿಂದ ಹಲ್ಲೆ ನಡೆಸಲಾಗಿದೆ ಹಾಗೂ ಕಲ್ಲು ಮೊಣಕೈಗೆ ತಾಗಿ ಗಾಯಗೊಂಡ ಸುರೇಶ್ ಕಾಂಚನ್ ನಿಂದ ಕೋಟ ಪೊಲೀಸ್ ಠಾಣೆಯಲ್ಲಿ ಈ ಕುರಿತು ದೂರು ದಾಖಲು ಮಾಡಲಾಗಿದೆ.