Siddaramaiah : ಮಹಾತ್ಮಾ ಗಾಂಧಿ ಹತ್ಯೆಯಲ್ಲಿ ಸಾವರ್ಕರ್ ಇದ್ದರು : ಸಿದ್ದರಾಮಯ್ಯ

ಬೆಳಗಾವಿ : ಸಾವರ್ಕರ್ ವಿವಾದಾತ್ಮಕ ವ್ಯಕ್ತಿ, ಮಾಹಾತ್ಮಾ ಗಾಂಧಿ ಹತ್ಯೆಯಲ್ಲಿ ಇವರು ಇದ್ದರು ಎಂದು ವಿಪಕ್ಷ ನಾಯಕ ಸಿದ್ದರಾಮಯ್ಯ ಅವರು ಸುವರ್ಣ ಸೌಧದಲ್ಲಿ ಸಾವರ್ಕರ್ ಫೋಟೋ ಅಳವಡಿಕೆ ವಿಚಾರವಾಗಿ ಪ್ರತಿಕ್ರಿಯೆ ನೀಡಿದ್ದಾರೆ.

ಬೆಳಗಾವಿಯ ವಿಮಾನ ನಿಲ್ದಾಣದಲ್ಲಿ ಈ ಬಗ್ಗೆ ಪ್ರತಿಕ್ರಿಯೆ ನೀಡಿದ ಸಿದ್ದರಾಮಯ್ಯ, ವೀರ ಸಾವರ್ಕರ್ ಭಾವಚಿತ್ರ ಅಳವಡಿಕೆ ಬೇಕಿತ್ತಾ? ಈ ವರೆಗೆ ಹಾಕಿರಲಿಲ್ಲ ; ಈಗ ಯಾಕೆ ಹಾಕಿದ್ರು?ಸಾವರ್ಕರ್ ಅವರದ್ದು ವಿವಾದತ್ಮಕ ವ್ಯಕ್ತಿತ್ವ.ಭಾವಚಿತ್ರ ಅನಾವರಣಕ್ಕೆ ನನಗೆ ಆಹ್ವಾನ  ಬಂದಿಲ್ಲ. ಫೋಟೋ ಅಳವಡಿಕೆಗೆ ಎಲ್ಲಾ ನಾಯಕರ ಜೊತೆ ಚರ್ಚೆ ಪ್ರಶ್ನೆಗೆ ಉತ್ತರಿಸಿದ ಸಿದ್ದರಾಮಯ್ಯ ಈವರೆಗೆ ಯಾವುದೇ ಚರ್ಚೆ ಮಾಡಿಲ್ಲ. ಯಾವ ಫೋಟೋ ಇಡಬೇಕು ಇಡಬಾರದು ಎಂಬುದು ಚರ್ಚಿಸಿಲ್ಲ, ಇದು ಬಿಜೆಪಿ ಅಜೆಂಡಾ ಅಲ್ಲದೆ ಮತ್ತೇನಲ್ಲ ಎಂದು ಸರ್ಕಾರ ವಿರುದ್ಧ ಕೆಂಡ ಕಾರಿದರು.

ಇದನ್ನೂ ಓದಿ : Winter Session : ಸುವರ್ಣ ಸೌಧದಲ್ಲಿ ಸಾವರ್ಕರ್ ಫೋಟೋ ; ವಿಪಕ್ಷ ದಾರಿ ತಪ್ಪಿಸಿದ ಬಿಜೆಪಿ ಸರ್ಕಾರ?

ಸದನದಲ್ಲಿ ಚರ್ಚಿಸಲು ಹಲವಾರು ವಿಚಾರ ಇವೆ, ಭ್ರಷ್ಟಾಚಾರ, ವೋಟರ್ ಲಿಸ್ಟ್ ಹಗರಣ, ನೀರಾವರಿ ಯೋಜನೆಗಳ ಸಮಸ್ಯೆಗಳು, ಹಿಂದುಳಿದ ವರ್ಗ ಹಾಗೂ ಎಸ್ಟಿ ಎಸ್ಸಿ ವಿದ್ಯಾರ್ಥಿಗಳ ವೇತನ ನಿಲ್ಲಿಸಿರುವುದು ವಿಚಾರಗಳು ಇವೆ.ಇದು ರೈತ ವಿರೋಧಿ ಹಾಗೂ ಜನ ವಿರೋಧಿ ಸರ್ಕಾರ, ಸದನದಲ್ಲಿ ಹೋರಾಟ ನಡೆಸುತ್ತೇವೆ, ಎಂದು ತಿಳಿಸಿದರು.

ಇದನ್ನೂ ಓದಿ : ಭಾಜಪ ಸದೃಢ, ಬಲಿಷ್ಟ ಭಾರತ ಕಟ್ಟಲಿದೆ : ಸಿಎಂ ಬೊಮ್ಮಾಯಿ