The Kerala Story: ದಿ ಕೇರಳ ಸ್ಟೋರಿ ಸಿನಿಮಾ ವೀಕ್ಷಣೆಗಾಗಿ ಕ್ಲಾಸ್ ಸಮಯ ಬದಲಾವಣೆ ಮಾಡಿ ಆದೇಶಿಸಿದ್ದ ಪ್ರಿನ್ಸಿಪಾಲ್..!

ಬಾಗಲಕೋಟೆ: ದಿ ಕೇರಳ ಸ್ಟೋರಿ ಸಿನಿಮಾ ವೀಕ್ಷಣೆಗಾಗಿ ಕ್ಲಾಸ್ ಸಮಯ ಬದಲಾವಣೆ ಮಾಡಲು ಪ್ರಿನ್ಸಿಪಾಲ್ ಆದೇಶಿಸಿದ ಘಟನೆ  ಇಲಕಲ್ ನ ವಿಜಯ ಮಹಾಂತೇಶ್ ಆಯುರ್ವೇದಿಕ್ ಮೆಡಿಕಲ್ ಕಾಲೇಜ್ ನಲ್ಲಿ ನಡೆದಿದೆ.

ಸಾಮಾಜಿಕ ಮಾಧ್ಯಮಗಳಲ್ಲಿ ಈಗ ಆದೇಶ ಈಗ ವೈರಲ್ ಆಗಿರುವ ಬೆನ್ನಲ್ಲೇ ಕಾಲೇಜಿನ ಪ್ರಿನ್ಸಿಪಾಲ್ ಕ್ಷಮೆಕೋರಿ ಆದೇಶವನ್ನು ಹಿಂಪಡೆದಿದ್ದಾರೆ.ಕಾಲೇಜು ವಿದ್ಯಾರ್ಥಿಗಳಿಗೆ ದಿ ಕೇರಳ  ಸ್ಟೋರಿ ಸಿನಿಮಾ ವೀಕ್ಷಣೆಗಾಗಿ ಕ್ಲಾಸ್ ಗಳ ಅವಧಿ ಬದಲಾವಣೆ ಮಾಡಿ ನೋಟಿಸ್  ಜಾರಿ ಮಾಡಿದ್ದರು.Indira Canteens: ಶೀಘ್ರವೇ ಇಂದಿರಾ ಕ್ಯಾಂಟೀನ್ಗಳಲ್ಲಿ ಅತ್ಯುತ್ತಮ ಆಹಾರ- ಕಾಂಗ್ರೆಸ್

ಇದಾದ ನಂತರ ಇಲಕಲ್ ನಗರದ ಶ್ರೀನಿವಾಸ್ ಟಾಕೀಜ್ ನಲ್ಲಿ ಉಚಿತವಾಗಿ ದಿ ಕೇರಳ ಸ್ಟೋರಿ ಚಿತ್ರ ಪ್ರದರ್ಶನವನ್ನು ಏರ್ಪಡಿಸಲಾಗಿತ್ತು.ಈ ಹಿನ್ನೆಲೆಯಲ್ಲಿ ದಿನಾಂಕ 24 ರಂದು ಬೆಳಗ್ಗೆ 9 ರಿಂದ 11 ಗಂಟೆಯವರೆಗೆ ತರಗತಿಗಳನ್ನು ನಡೆಸಿ ಮಧಾಹ್ನ 12 ರಿಂದ ಮೂರು ಗಂಟೆಯ ಶೋ ಗೆ ಅನುಕೂಲ ಕಲ್ಪಿಸುವ ನಿಟ್ಟಿನಲ್ಲಿ ಕಾಲೇಜಿನ ಪ್ರಿನ್ಸಿಪಾಲ್ ಡಾ.ಕೆ.ಸಿ ದಾಸ್ ಅವರು ಆದೇಶ ಹೊರಡಿಸಿದ್ದರು.ಈಗ ಸಾಮಾಜಿಕ ಮಾಧ್ಯಮಗಳಲ್ಲಿ ಈ ಆದೇಶದ ಪ್ರತಿ ವೈರಲ್ ಆಗುತ್ತಿದ್ದಂತೆ ಎಚ್ಚೆತ್ತುಕೊಂಡಿರುವ ಪ್ರಿನ್ಸಿಪಾಲ್ ಕ್ಷಮೆಕೋರಿ ಆದೇಶವನ್ನು ಹಿಂಪಡೆದಿದ್ದಾರೆ.